Pro Kabaddi : ಪವನ್ ಶೆರಾವತ್ ಪರಾಕ್ರಮ : ಡೆಲ್ಲಿ ವಿರುದ್ಧ ಸೆಮಿಫೈನಲ್‌ bulls ಕಾದಾಟ..

ಮೊದಲ ಎಲಿಮಿನೇಟರ್‌ ಪಂದ್ಯದಲ್ಲಿ ಯು.ಪಿ.ಯೋಧಾ ತಂಡವನ್ನು ರೋಚಕ 3 ಪಾಯಿಂಟ್‌ಗಳಿಂದ ಸೋಲಿಸಿದ ಬೆಂಗಳೂರು ಬುಲ್ಸ್ ತಂಡ ಸೆಮಿಫೈನಲ್‌ ಪ್ರವೇಶಿಸಿದೆ. ಪ್ರೊ ಕಬಡ್ಡಿ ಲೀಗ್ ನಲ್ಲಿ ಮೊದಲ ಬಾರಿ ಟೈಬ್ರೇಕರ್ ಗೆ ಹೋದ ಪ್ಲೇ ಆಫ್ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ 48-45 ಅಂತರದಿಂದ ಗೆದ್ದು ಸೆಮಿಫೈನಲ್ ಪ್ರವೇಶಿಸಿತು. ಪಂದ್ಯದ ಆರಂಭದಲ್ಲಿ ಮುಗ್ಗರಿಸಿದ್ದ ತಂಡ ಕೊನೆ ಕೊನೆಗೆ ಪವನ್ ಶೆರಾವತ್ ರ ಅಮೋಘ ರೇಡಿಂಗ್ ಮೂಲಕ ಜಯಸಾಧಿಸಿತು.

ನಿನ್ನೆ ನಡೆದ ಪಂದ್ಯದಲ್ಲಿ ನಿಗದಿತ 40 ನಿಮಿಷಗಳವರೆಗೆ ನಡೆದ ಕಾದಾಟದಲ್ಲಿ ಎರಡೂ ತಂಡಗಳು 36-36 ಸಮ ಸಮ ಪಾಯಿಂಟ್ ಗಳಿಸಿದ್ದವು. ಎಲಿಮಿನೇಟರ್ ಪಂದ್ಯ ಟೈ ಆದ ಕಾರಣ ಮತ್ತೆ ಆರು ನಿಮಿಷಗಳ ಆಟ ಆಡಿಸಲಾಯಿತು. ನಂತರ ಪವನ್‌ ಒಂದೇ ರೈಡ್‌ನಲ್ಲಿ ನಾಲ್ಕು ಪಾಯಿಂಟ್‌ ಗಳಿಸುವ ಮೂಲಕ ಅಮೋಘ ಪ್ರದರ್ಶನದಿಂದ ಗೆಲುವಿನ ಕೇಕೆ ಹಾಕಿತು.

ಇಡೀ ಪಂದ್ಯದಲ್ಲಿ 25 ರೈಡ್‌ ಮಾಡಿದ ಪವನ್‌ ನಾಲ್ಕು ಪಾಯಿಂಟ್ ಗಳ ಎರಡು ರೇಡ್ ಸೇರಿದಂತೆ 20 ಪಾಯಿಂಟ್ ಗಳನ್ನು ಗಳಿಸಿ ಮಿಂಚಿದರು.

ಹಾಲಿ ಚಾಂಪಿಯನ್ ಬೆಂಗಳೂರು ಬುಲ್ಸ್ ಸೆಮಿಫೈನಲ್ ನಲ್ಲಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ಬಲಿಷ್ಠ ದಬಾಂಗ್ ಡೆಲ್ಲಿ ತಂಡವನ್ನು ಎದುರಿಸಲಿದೆ. ಮತ್ತೊಂದು ಸೆಮಿಫೈನಲ್‌ ಪಂದ್ಯದಲ್ಲಿ ಯು ಮುಂಬಾ, ಬೆಂಗಾಲ್‌ ವಾರಿಯರ್ಸ್‌ ತಂಡವನ್ನು ಎದುರಿಸಲಿದೆ. ಸೆಮಿಫೈನಲ್ ಪಂದ್ಯಗಳು ಅ.16ರ ಬುಧವಾರದಂದು ನಡೆಯಲಿದ್ದು, ಫೈನಲ್‌ ಅಕ್ಟೋಬರ್ 19ರ ಶನಿವಾರ ನಡೆಯಲಿದೆ.

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights