Categories
Breaking News Sandalwood

ಕಿಚ್ಚು ಹತ್ತಿಸಿದ ಭಜರಂಗಿ2 ಫಸ್ಟ್ ಲುಕ್ ಪೋಸ್ಟರ್ : ಕ್ರೇಜ್ ಹುಟ್ಟಿಸಿದ ಶಿವಣ್ಣ- ಹರ್ಷ

ಸೂಪರ್ ಹಿಟ್ ಕಾಂಬಿನೇಷನ್ ಹ್ಯಾಟ್ರಿಕ್ ಹೀರೋ, ಕರುನಾಡ ಚಕ್ರವರ್ತಿ ಡಾ. ಶಿವರಾಜ್ ಕುಮಾರ್ ನಿರ್ದೇಶಕ ಎ ಹರ್ಷ ಜೋಡಿಯ ಸ್ಯಾಂಡಲ್ವುಡ್ ನ ಬಹು ನಿರೀಕ್ಷಿತ, ಬಹುಕೋಟಿ ವೆಚ್ಚದ ಬಿಗ್ಗೆಸ್ಟ್ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ರಿಲೀಸ್ ಆಗಿದೆ.

ಸಂಕ್ರಾಂತಿಯ ಈ ಸುಗ್ಗಿ ಸಂಭ್ರಮಕ್ಕೆ ಶಿವಣ್ಣ ಭಜರಂಗಿ ಅವತಾರದಲ್ಲಿ ದರ್ಶನ ಕೊಟ್ಟಿದ್ದಾರೆ. ಭಜರಂಗಿ 2 ಫಸ್ಟ್ ಲುಕ್ ಪೋಸ್ಟರ್ ಎಕ್ ಧಮ್ ಮಾಸ್ ಆಗಿದೆ. ಕ್ಲಾಸ್ ಆಗಿ ಕಂಗೊಳಿಸ್ತಿದೆ. ಎಲ್ಲಾ ವರ್ಗದವರನ್ನೂ ಸೆಳೆಯುತ್ತೆ. ಭಜರಂಗಿ 2 ಫಸ್ಟ್ ಲುಕ್ ಪೋಸ್ಟರ್ ನಾಲ್ಕಾರು ಕಥೆಗಳನ್ನ ಹೇಳ್ತಿದೆ. ಶಿವಣ್ಣನ ಮಾಸ್ ಲುಕ್ಕು, ಗೆಟಪ್ಪು, ಅನವ್ರ ಲುಕ್ಕಿನ ಎದುರಿಗಿರೋ ಅಜನಾಬಾಹು ವ್ಯಕ್ತಿಯ ಕೈಯಲ್ಲಿರೋ ಕಿಚ್ಚು ಎಲ್ಲಾವೂ ವಿಶಿಷ್ಠ ಕುತೂಹಲವನ್ನ ಹುಟ್ಟಿಸ್ತಿದೆ. ಒಂದೇ ಮಾತಲ್ಲಿ ಹೇಳೋದಾದ್ರೆ, ಇದೊಂದು ಪೋಸ್ಟರ್ ಸಿನಿಪ್ರಿಯರಲ್ಲಿ ಮತ್ತೊಂದು ಮೆಗಾ ಸಿನಿಮಾ ನೋಡೋ ಕುತೂಹಲವನ್ನ ಹುಟ್ಟಿಸಿದೆ.

ಜಯಣ್ಣ ಭೋಗೇಂದ್ರ ನಿರ್ಮಾಣದಲ್ಲಿ ತಯಾರಾಗ್ತಿರೋ ಈ ಚಿತ್ರಕ್ಕೆ ಭಜರಂಗಿಗೆ ಸಂಗೀತ ಸಂಯೋಜಿಸಿದ್ದ ಅರ್ಜುನ್ ಜನ್ಯ ಅವ್ರೇ ಸಂಗೀತ ಸಂಯೋಜನೆ ಮಾಡ್ತಿದ್ದಾರೆ. ಆಲ್ಮೋಸ್ಟ್ ಎಲ್ಲಾ ಭಜರಂಗಿ ಟೀಮೇ ಈ ಚಿತ್ರಕ್ಕೂ ಕೆಲಸ ಮಾಡಿದೆ. ಅಂದ್ಹಾಗೆ, ಫಸ್ಟ್ ಲುಕ್ ಪೋಸ್ಟರ್ ರಿಲೀಸ್ ಮಾಡಿ, ಸುಗ್ಗಿ ಸಂಭ್ರಮಕ್ಕೆ ಕನ್ನಡ ಸಿನಿಪ್ರಿಯರಲ್ಲಿ, ಸೆಂಚುರಿ ಸ್ಟಾರ್ ಫ್ಯಾನ್ಸ್ ಲ್ಲಿ ಸಂತಸ ಮೂಡಿಸಿದೆ.

Categories
Breaking News District National Political State

ಡಿಕೆಶಿ ಬಂಧನ – ರಾಜ್ಯದ ಹಲವಡೆ ಹೆಚ್ಚಾದ ‘ಕೈ’ ಕಿಚ್ಚು : ಬಸ್, ಟೈರ್ ಗೆ ಬೆಂಕಿ ಹಚ್ಚಿ ಆಕ್ರೋಶ

ಮಾಜಿ ಸಚಿವ ಡಿ.ಕೆ.ಶಿವಕುಮಾರ್ ಅವರನ್ನು ಇಡಿ ಅಧಿಕಾರಿಗಳು ಬಂಧಿಸಿರುವ ಹಿನ್ನೆಲೆಯಲ್ಲಿ ರಾಜ್ಯದ ಹಲವಡೆ ಕೈ ಕಾರ್ಯಕರ್ತರು ಪ್ರತಿಭಟನೆ ನಡೆಸುತ್ತಿದ್ದು, ಹಲವಡೆ ಟೈರ್ ಗೆ ಬೆಂಕಿ ಹಚ್ಚಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಡಿಕೆಶಿ ಬಂಧನ ಖಂಡಿಸಿ ರಾಮನಗರ, ಕನಕಪುರದಲ್ಲಿ ಪ್ರತಿಭಟನೆ ಕಾವು ಜೋರಾಗಿದ್ದು, ರಾಮನಗರದ ತೋಟಹಳ್ಳಿ ಗ್ರಾಮದಲ್ಲಿ ಗಣೇಶ ಮೂರ್ತಿ ರಸ್ತೆಗೆ ತಂದು ಗ್ರಾಮಸ್ಥರಿಂದ ಪ್ರತಿಭಟನೆ ನಡೆಸಿದ್ದಾರೆ. ಕನಕಪುರದಲ್ಲಿ ಡಿಕೆಶಿ ಅಭಿಮಾನಿಗಳು ಟೈರ್ ಗೆ ಬೆಂಕಿ ಹಚ್ಚಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಮಂಗಳೂರಿನಲ್ಲಿ ಸುರತ್ಕಲ್ ಮೂಡಿಬಿದರಿ ಸೇರಿದಂತೆ ಹಲವು ಕಡೆ ಕಾರಿನಲ್ಲಿ ಬಂದ ದುಷ್ಕರ್ಮಿಗಳು ಕಲ್ಲು ತೂರಿ ಪರಾರಿಯಾಗಿದ್ದಾರೆ. ಮಂಡ್ಯ, ಕೋಲಾರದಲ್ಲೂ ಪ್ರತಿಭಟನೆ ಬೀಸಿ ತಾಗಿದ್ದು,ಸ್ವಗ್ರಾಮ ದೊಡ್ಡಲಾಹಳ್ಳಿಯಲ್ಲಿ ಸಂಪೂರ್ಣ ಬಂದ್ ಮಾಡಲಾಗಿದ್ದು, ಸಂಚಾರ ಅಸ್ತವ್ಯಸ್ಥಗೊಂಡಿದೆ. ಇನ್ನು ಬೆಂಗಳೂರಿನಲ್ಲೂ ಖಾಸಗಿ ಬಸ್ ಗಳ ಮೇಲೆ ಕಲ್ಲು ತೂರಾಟ ನಡೆಸಿದ್ದಾರೆ.

ಡಿಕೆಶಿ ಬಂಧನದಿಂದ ಇಂದು ರಾಜ್ಯದೆಲ್ಲೆಡೆ ಭಾರೀ ಪ್ರತಿಭಟನೆಗಳು ನಡೆಯುವ ಸಾಧ್ಯತೆ ಹಿನ್ನೆಲೆಯಲ್ಲಿ ಪೊಲೀಸ್ ಇಲಾಖೆ ಹೈ ಅಲರ್ಟ್ ಆಗಿದೆ. ರಾಜ್ಯಾದ್ಯಂತ ಬಿಗಿ ಪೊಲೀಸ್ ಬಂದೋಬಸ್ತಿಗೆ ಗೃಹ ಸಚಿವ ಬಸವರಾಜ ಬೊಮ್ಮಾಯಿ ಡಿಜಿಪಿ ನೀಲಮಣಿ ರಾಜು, ಪೊಲೀಸ್ ಕಮಿಷನರ್ ಭಾಸ್ಕರ್ ರಾವ್ ಗೆ ಸೂಚನೆ ನೀಡಿದ್ದಾರೆ.