ಭಾರತದ ಅಂಜಲಿ ಭಾರದ್ವಾಜ್‌ಗೆ ಅಮೆರಿಕಾದ ಭ್ರಷ್ಟಾಚಾರ ವಿರೋಧಿ ಚಾಂಪಿಯನ್ಸ್ ಪ್ರಶಸ್ತಿ!
ಭ್ರಷ್ಟಾಚಾರದ ವಿರುದ್ದ ಹೋರಾಟ ನಡೆಸುತ್ತಿರುವ ಸಾಮಾಜಿಕ ಕಾರ್ಯಕರ್ತೆ ಅಂಜಲಿ ಭಾರದ್ವಾಜ್ ಅವರನ್ನು ಅಮೆರಿಕಾದ ಅಂತರರಾಷ್ಟ್ರೀಯ ಭ್ರಷ್ಟಾಚಾರ ವಿರೋಧಿ ಚಾಂಪಿಯನ್ಸ್ (Anti-Corruption Champions) ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.
ಅಮೆರಿಕಾದ ನೂತನ ಅಧ್ಯಕ್ಷ ಬೈಡನ್‌ ಆಡಳಿತವು ಈ ಪ್ರಶಸ್ತಿಗೆ 12 ಜನರನ್ನು ಆಯ್ಕೆ ಮಾಡಿದ್ದು, ಇವರ ಪೈಕಿ ಭಾರತದ ಮಾಹಿತಿ ಹಕ್ಕು ಚಳುವಳಿಯ ಸಕ್ರಿಯ ಕಾರ್ಯಕರ್ತೆ ಅಂಜಲಿ ಭಾರದ್ವಾಜ್ ಅವರನ್ನೂ ಆಯ್ಕೆ ಮಾಡಲಾಗಿದೆ ಎಂದು ವಿದೇಶಾಂಗ ಇಲಾಖೆ ತಿಳಿಸಿದೆ.
ವಿದೇಶಾಂಗ ಇಲಾಖೆಯ ಪ್ರಕಾರ, 48 ವರ್ಷದ ಭರದ್ವಾಜ್ ಎರಡು ದಶಕಗಳಿಂದ ಭಾರತದಲ್ಲಿ ಮಾಹಿತಿ ಹಕ್ಕು ಚಳವಳಿಯ ಸಕ್ರಿಯ ಸದಸ್ಯರಾಗಿ ಸೇವೆ ಸಲ್ಲಿಸಿದ್ದಾರೆ.
“ಭ್ರಷ್ಟಾಚಾರ ವಿರೋಧಿ ಹೋರಾಟಗಳನ್ನು ನಡೆಸುತ್ತಿರುವ ಧೈರ್ಯಶಾಲಿ ವ್ಯಕ್ತಿಗಳು ಮತ್ತು ಅಂತರರಾಷ್ಟ್ರೀಯ ಭ್ರಷ್ಟಾಚಾರ-ವಿರೋಧಿ ಮಾನದಂಡಗಳಿಗೆ ಅನುಗುಣವಾಗಿ ಬದ್ದತೆಯಿಂದ ಕೆಲಸ ಮಾಡುವವರನ್ನು ಗುರುತ್ತಿಸುತ್ತೇವೆ. ಅಂತಹವರಿಂದ ಮಾತ್ರ ನಾವು ಸಮಸ್ಯೆಗಳನ್ನು ಎದುರಿಸುವಲ್ಲಿ ಯಶಸ್ವಿಯಾಗಲು ಸಾಧ್ಯವಾಗುತ್ತದೆ” ಎಂದು ಯುಎಸ್ ಕಾರ್ಯದರ್ಶಿ ರಾಜ್ಯ ಟೋನಿ ಬ್ಲಿಂಕೆನ್ ತಿಳಿಸಿದ್ದಾರೆ.
ಇದನ್ನೂ ಓದಿ: ನಗೇರಾ ಯೋಜನೆಯಲ್ಲಿ ಭ್ರಷ್ಟಾಚಾರ; ಬೆಳಕಿಗೆ ತಂದಿದ್ದಕ್ಕೆ ಗ್ರಾಮದಿಂದಲೇ ಬಹಿಷ್ಕಾರ!
“ಆ ಕಾರಣಕ್ಕಾಗಿ, ನಾನು ಹೊಸ ಅಂತರರಾಷ್ಟ್ರೀಯ ಭ್ರಷ್ಟಾಚಾರ ವಿರೋಧಿ ಚಾಂಪಿಯನ್ಸ್ ಪ್ರಶಸ್ತಿಯನ್ನು ಘೋಷಿಸುತ್ತಿದ್ದೇನೆ. ತಮ್ಮ ರಾಷ್ಟ್ರಗಳಲ್ಲಿ ಪಾರದರ್ಶಕತೆಯನ್ನು ರಕ್ಷಿಸಲು, ಭ್ರಷ್ಟಾಚಾರವನ್ನು ಎದುರಿಸಲು ಮತ್ತು ತಮ್ಮದೇ ದೇಶಗಳಲ್ಲಿ ಜವಾಬ್ದಾರಿಯುವ ಕಾರ್ಯಗಳನ್ನು ಮುನ್ನಡೆಸಲು ಪ್ರತಿಕೂಲ ಪರಿಸ್ಥಿತಿಯಲ್ಲಿ ದಣಿವರಿಯಿಲ್ಲದೆ ಕೆಲಸ ಮಾಡಿದ ವ್ಯಕ್ತಿಗಳನ್ನು ಆಗ್ಗಾಗ್ಗೆ ಗುರುತಿಸಿ, ಗೌರವಿಸಲಾಗುವುದು” ಎಂದು ಅವರು ಹೇಳಿದ್ದಾರೆ.
ಅಂಜಲಿ ಭಾರದ್ವಾಜ್ ಅವರು ಸತಾರ್ಕ್ ನಾಗರಿಕ್ ಸಂಗಘನ್‌ (ಎಸ್‌ಎನ್‌ಎಸ್)ನ ಸಂಸ್ಥಾಪಕಿ. ಈ ಸಂಘಟನೆಯು ಸರ್ಕಾರದಲ್ಲಿ ಪಾರದರ್ಶಕತೆ ಮತ್ತು ಹೊಣೆಗಾರಿಕೆಯನ್ನು ಉತ್ತೇಜಿಸಲು ಮತ್ತು ನಾಗರಿಕರ ಸಕ್ರಿಯ ಪಾಲ್ಗೊಳ್ಳುವಿಕೆಯನ್ನು ಪ್ರೋತ್ಸಾಹಿಸುವ ಉದ್ದೇಶವನ್ನು ಹೊಂದಿದ್ದು, ಅದಕ್ಕಾಗಿ ಶ್ರಮಿಸುತ್ತಿದೆ.
ಇವರು, ಭ್ರಷ್ಟಾಚಾರ-ವಿರೋಧಿ ಒಂಬುಡ್ಸ್‌ನಮ್ ಮತ್ತು ವಿಸ್ಲ್ ಬ್ಲೋವರ್ಸ್ ಪ್ರೊಟೆಕ್ಷನ್ ಆಕ್ಟ್ ಅನ್ನು ರಚಿಸಿ, ಭ್ರಷ್ಟಾಚಾರ ಮತ್ತು ಅಧಿಕಾರದ ದುರುಪಯೋಗವನ್ನು ಬಹಿರಂಗಪಡಿಸುವವರಿಗೆ ರಕ್ಷಣೆ ನೀಡುವಂತೆ ಪ್ರತಿಪಾದಿಸಿ ಯಶಸ್ವಿಯಾದ ಜನರ ಮಾಹಿತಿ ಹಕ್ಕಿನ ರಾಷ್ಟ್ರೀಯ ಅಭಿಯಾನದ ಸಂಚಾಲಕಿಯೂ ಆಗಿದ್ದಾರೆ.
ಭರದ್ವಾಜ್ ಜೊತೆಗೆ ಅಲ್ಬೇನಿಯಾದ ಅರ್ಡಿಯನ್ ದ್ವಾರಾನಿ, ಈಕ್ವೆಡಾರ್‌ನ ಡಯಾನಾ ಸಲಾಜಾರ್, ಮೈಕ್ರೋನೇಷ್ಯಾದ ಸೋಫಿಯಾ ಪ್ರಿಟ್ರಿಕ್, ಗ್ವಾಟೆಮಾಲಾದ ಜುವಾನ್ ಫ್ರಾನ್ಸಿಸ್ಕೊ ಸ್ಯಾಂಡೋವಲ್ ಅಲ್ಫಾರೊ, ಗಿನಿಯಾದ ಇಬ್ರಾಹಿಮಾ ಕಲಿಲ್ ಗುಯೆ, ಇರಾಕ್‌ನ ಧುಹಾ ಎ ಮೊಹಮ್ಮದ್, ಕೈಲೋಟ್ ಲಿಬಿಯಾದ ಮುಸ್ತಫಾ ಅಬ್ದುಲ್ಲಾ ಸನಲ್ಲಾ, ಫಿಲಿಪೈನ್ಸ್‌ನ ವಿಕ್ಟರ್ ಸೊಟ್ಟೊ, ಸಿಯೆರಾ ಲಿಯೋನ್‌ನ ಫ್ರಾನ್ಸಿಸ್ ಬೆನ್ ಕೈಫಾಲಾ ಮತ್ತು ಉಕ್ರೇನ್‌ನ ರುಸ್ಲಾನ್ ರ್ಯಬೊಶಪ್ಕಾ ಕೂಡಾ ಈ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.
ಇದನ್ನೂ ಓದಿ: ರಾಮನ ಹೆಸರಲ್ಲಿ ನಕ(ಇ)ಲಿ ಹಿಂದೂಗಳು ಬೀದಿಗೆ ಬಿದ್ದಿವೆ; ಧಾರ್ಮಿಕ ಭ್ರಷ್ಟಾಚಾರ ಮಾಡುತ್ತಿವೆ: ಹೆಚ್‌ಡಿಕೆ
