ಕೆಜಿಎಫ್-2 ಅಭಿಮಾನಿಗಳಿಗ ಸಿಹಿ ಸುದ್ದಿ : ಚಿತ್ರದ ಫಸ್ಟ್ ಲುಕ್ ರಿವೀಲ್ ಗೆ ಡೇಟ್ ಫಿಕ್ಸ್
ಬಹು ನಿರೀಕ್ಷಿತ ಸಿನಿಮಾ ಕೆಜಿಎಫ್-2 ಚಿತ್ರತಂಡದಿಂದ ಅಭಿಮಾನಿಗಳಿಗ ಸಿಹಿ ಸುದ್ದಿ ಲಭಿಸಿದ್ದು, ಚಿತ್ರದ ಫಸ್ಟ್ ಲುಕ್ ಇದೇ ತಿಂಗಳ 21 ರಂದು ರಿವೀಲ್ ಮಾಡುವುದಾಗಿ ಚಿತ್ರತಂಡ ಹೇಳಿದೆ.
ಸಲಾಂ ರಾಕಿ ಬಾಯ್… ರಾಕ್ ರಾಕ್ ರಾಕೀ… ಸಲಾಂ ರಾಕಿ ಬಾಯ್….. ಸಲಾಂ ರಾಕಿ ಬಾಯ್ ಸಾಂಗ್ ಕೆಜಿಎಫ್ ಸಿನಿಮಾದ ದಿ ಮೋಸ್ಟ್ ಫೇಮಸ್ ಹಾಗೂ ರಾಕಿಂಗ್ ಸ್ಟಾರ್ ಯಶ್ ಗೆ ರಾಕಿ ಬಾಯ್ ಎಂದು ಹೆಸರು ತಂದು ಕೊಟ್ಟ ಸಿನಿಮಾ. ಈಗ ಕೆಜಿಎಫ್-2 ಸಿನಿಮಾದ್ದೇ ಎಲ್ಲೆಡೆ ಮಾತು ಕಥೆ ಶುರುವಾಗಿದೆ.
ಹೌದು… ಕೆಜಿಎಫ್ ರಾಕಿಂಗ್ ಸ್ಟಾರ್ ಯಶ್ ಗೆ ಭಾರೀ ಹೆಸರು ಹಾಗೂ ಕೀರ್ತಿ ತಂದು ಕೊಟ್ಟ ಸಿನಿಮಾ. ಈ ಸಿನಿಮಾ ಸ್ಯಾಂಡಲ್ ವುಡ್ ನಲ್ಲೇ ಧೂಳೆಬ್ಬಿಸಿಬಿಟ್ಟಿತ್ತು. ಹಾಡುಗಳಂತೂ ಔಟ್ ಆಫ್ ಔಟ್ ಮಾರ್ಕ್ ನ ತೆಗೆದುಕಂಡಿವೆ. ಲೋಕಸಭಾ ಚುನಾವಣೆಯ ಬ್ಯೂಸಿ ಸೆಡ್ಯೂಲ್ ನಲ್ಲಿಯೇ ರಾಕಿ ಬಾಯ್ ಕೆಜಿಎಫ್ – 2 ಸಿನಿಮಾದ ಶೂಟಿಂಗ್ ಪೂರ್ಣಗೊಳಿಸಿದ್ದಾರೆ. ಸದ್ಯ ಅದರ ಫಸ್ಟ್ ಲುಕ್ ಫೋಟ್ ಕೂಡ ರಿಲೀಸ್ ಮಾಡಲು ಚಿತ್ರ ತಂಡ ದಿನಾಂಕ ಫಿಕ್ಸ್ ಮಾಡಿದೆ.
ಅಭಿಮಾನಿಗಳಿಗೆ ಮಾಹಿತಿ ನೀಡಿದಂತೆ ಇಂದು ಬೆಳಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟರ್ ಬಿಡುಗಡೆ ಮಾಡಿದ ಚಿತ್ರತಂಡ, ಡಿ.21ರ ಸಂಜೆ 5.45ಕ್ಕೆ ಸಿನಿಮಾದ ಫಸ್ಟ್ ಲುಕ್ ಬಿಡುಗಡೆ ಮಾಡುವುದಾಗಿ ಅಧಿಕೃತವಾಗಿ ಮಾಹಿತಿ ನೀಡಿದೆ. ಈ ಪೋಸ್ಟರನ್ನು ನಟ ಸಂಜಯ್ ದತ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಟ್ವೀಟ್ ಮಾಡಿದ್ದು, ಅಧೀರ ಪಾತ್ರದ ಜರ್ನಿ ಆರಂಭವಾಗಿದೆ.
ಚಿತ್ರದಲ್ಲಿ ತಮ್ಮ ನೆಚ್ಚಿನ ನಟ ಯಶ್ ಯಾವ ಲುಕ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಕುತೂಹಲ ಹೆಚ್ಚಾಗಿದ್ದು, ಚಿತ್ರತಂಡದ ಘೋಷಣೆಯಿಂದ ಅಭಿಮಾನಿಗಳ ಕುತೂಹಲ ಮತ್ತಷ್ಟು ಹೆಚ್ಚಿಸಿದೆ. ಅಂದಹಾಗೇ ಚಿತ್ರದ ಟೀಸರ್ ಜನವರಿ 8 ರಂದು ಬಿಡುಗಡೆಯಾಗಲಿದೆ ಎಂದು ಈಗಾಗಲೇ ಚಿತ್ರತಂಡ ತಿಳಿಸಿದೆ.