ಇರಾನ್ನ ತೈಲ ಹಡಗುಗಳನ್ನು ವಶಪಡಿಸಿಕೊಂಡ ಅಮೆರಿಕಾ: ನಿರ್ಬಂಧ ಉಲ್ಲಂಘನೆ ಅರೋಪ
ಇರಾನ್ನಿಂದ ವೆನಿಜುವೆಲಾಗೆ ರಫ್ತಾಗುತ್ತಿದ್ದ ನಾಲ್ಕು ತೈಲ ಟ್ಯಾಂಕರ್ಗಳನ್ನು ಅಮೆರಿಕಾ ವಶಕ್ಕೆ ಪಡೆದಿದೆ. ಇರಾನ್ ಮೇಲೆ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆಡಳಿತ ಹೇರಿರುವ ನಿರ್ಬಂಧನೆಗಳನ್ನು ಉಲ್ಲಂಘಿಸಿ ಈ ತೈಲ ಟ್ಯಾಂಕರ್ಗಳು ವೆನಜಿವೆಲಾಗೆ ಪ್ರಯಾಣ ಬೆಳೆಸಿದ್ದವು ಎಂದು ಆರೋಪಿಸಲಾಗಿದೆ.
ಇದೇ ಮೊದಲ ಬಾರಿಗೆ ಇರಾನ್ ತೈಲ ಹಡಗುಗಳನ್ನು ಅಮೆರಿಕ ವಶಕ್ಕೆ ಪಡೆದಿದೆ. ಗ್ಯಾಸೋಲಿನ್ ಹೊತ್ತ ನಾಲ್ಕು ತೈಲ ಟ್ಯಾಂಕರ್ಗಳನ್ನು ಅಕ್ರಮವಾಗಿ ಸಾಗಿಸಲಾಗುತ್ತಿದ್ದು, ಈ ಹಿನ್ನೆಲೆಯಲ್ಲಿ ಇವುಗಳನ್ನು ವಶಕ್ಕೆ ಪಡೆದುಕೊಳ್ಳಬೇಕು ಎಂದು ನ್ಯಾಯಾಲಯದಲ್ಲಿ ದಾವೆ ಹೂಡಲಾಗಿತ್ತು.
ಲೂನಾ, ಪಾಂಡಿ, ಬೆರಿಂಗ್ ಮತ್ತು ಬೆಲ್ಲಾ ಎಂದು ಕರೆಯಲ್ಪಡುವ ನಾಲ್ಕು ಹಡಗುಗಳನ್ನು, ಅಮೆರಿಕದ ಹೂಸ್ಟನ್ಗೆ ಸಾಗುವ ಮಾರ್ಗದಲ್ಲಿ ಸಮುದ್ರದಲ್ಲೇ ವಶಪಡಿಸಿಕೊಳ್ಳಲಾಗಿದೆ. ಅಲ್ಲದೇ ಈ ಹಡಗುಗಳ ಪರಿಶೀಲನೆಗೆ ಶೀಘ್ರದಲ್ಲೇ ಹಿರಿಯ ಅಧಿಕಾರಿಗಳು ಭೇಟಿ ನೀಡಲಿದ್ದಾರೆ ಎಂದೂ ಹೇಳಲಾಗಿದೆ.
ಇರಾನ್ ಮೇಲೆ ಆರ್ಥಿಕ ಒತ್ತಡ ಹೇರುವ ತನ್ನ ಕಾರ್ಯಸೂಚಿಗೆ ವೇಗ ನೀಡಿರುವ ಟ್ರಂಪ್ ಸರ್ಕಾರ, ಇದೇ ಮೊದಲ ಬಾರಿಗೆ ಇರಾನ್ ತೈಲ ಹಡಗುಗಳನ್ನು ವಶಕ್ಕೆ ಪಡೆದು ಇಡೀ ವಿಶ್ವದ ಗಮನ ಸೆಳೆದಿದೆ.
ಇದನ್ನೂ ಓದಿ: ಸಾವಿಗೆ ಹೆದರಿ ಮನೆಯಲ್ಲಿ ಕೂರುವವನಲ್ಲ, ರಾಜ್ಯಾದ್ಯಂತ ಸರ್ಕಾರದ ವಿರುದ್ಧ ಹೋರಾಟ ಕಟ್ಟುತ್ತೇನೆ: ಹೆಚ್ಡಿ ದೇವೇಗೌಡ

