Fact Check: ಆನ್ಲೈನ್ ಡೆತ್ ಸರ್ಟಿಫಿಕೇಟ್ನಲ್ಲಿ ಪ್ರಧಾನಿ ಮೋದಿಯವರ ಫೋಟೋ ಇರುವುದು ಸುಳ್ಳು!
ಒಬ್ಬ ವ್ಯಕ್ತಿಯು ತಮ್ಮ COVID-19 ವ್ಯಾಕ್ಸಿನೇಷನ್ ಪ್ರಮಾಣಪತ್ರವನ್ನು ಹಿಡಿದರುವ ಚಿತ್ರವನ್ನು ಆನ್ಲೈನ್ ಡೆತ್ ಸರ್ಟಿಫಿಕೇಟ್ನಲ್ಲಿಯೂ ಮೋದಿ ತಮ್ಮ ಫೋಟೋವನ್ನು ಹಾಕಿಸಿಕೊಂಡಿದ್ದಾರೆ ಎಂದು ತಪ್ಪು ಹೇಳಿಕೆಯೊಂದಿಗೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಪೋಸ್ಟ್ನ ಸತ್ಯವೇನು ಎಂದು ತಿಳಿಯೋಣ.
ಆರ್ಕೈವ್ ಮಾಡಲಾದ ಆವೃತ್ತಿಯನ್ನು ಇಲ್ಲಿ ನೋಡಬಹುದು.
ಪ್ರತಿಪಾದನೆ: ಹಂಚಿಕೊಳ್ಳಲಾಗಿರುವ ಚಿತ್ರದೊಂದಿಗೆ ‘ಆನ್ಲೈನ್ ಮರಣ ಪ್ರಮಾಣಪತ್ರದಲ್ಲಿಯೂ ಮೋದಿಯವರ ಚಿತ್ರವನ್ನು ಹೊಂದಿದೆ ಎಂದು ಹೇಳಲಾಗಿದೆ.
ಸತ್ಯ: ಆನ್ಲೈನ್ನಲ್ಲಿ ದೊರೆಯುವ ಮರಣ ಪ್ರಮಾಣ ಪತ್ರದಲ್ಲಿ ಮೋದಿಯವರ ಚಿತ್ರವನ್ನು ಹಾಕಲಾಗಿಲ್ಲ. ಮೋದಿಯವರ ಚಿತ್ರವಿರುವ ಪ್ರಮಾಣ ಪತ್ರವು ಲಸಿಕೆ ಪಡೆದಿದ್ದಕ್ಕಾಗಿ ನೀಡುವ ಪ್ರಮಾಣಪತ್ರವಾಗಿದೆ. ಹಾಗಾಗಿ ಪೋಸ್ಟ್ಗಳಲ್ಲಿ ಮಾಡಲಾಗಿರುವ ಪ್ರತಿಪಾದನೆ ತಪ್ಪಾಗಿದೆ.
ವೈರಲ್ ಚಿತ್ರದಲ್ಲಿ ಕಂಡುವರುವ ಪ್ರಮಾಣಪತ್ರವು ಭಾರತದಲ್ಲಿ ಲಸಿಕೆ ಪಡೆದಿದ್ದಕ್ಕಾಗಿ ನೀಡಲಾಗಿರುವ ಪ್ರಮಾಣಪತ್ರವನ್ನು ಹೋಲುತ್ತದೆ ಎಂದು ಮೇಲ್ನೋಟಕ್ಕೆ ಕಾಣಿಸುತ್ತದೆ. ಹೆಚ್ಚಿನ ದೃಢೀಕರಣಕ್ಕಾಗಿ ‘ ಭಾರತದ COVID-19 ಲಸಿಕೆ ಪ್ರಮಾಣಪತ್ರ’ವನ್ನು ಗೂಗಲ್ನಲ್ಲಿ ಹುಡುಕಿದಾಗ ಲಸಿಕೆಯ ಮಾದರಿ ಪ್ರಮಾಣಪತ್ರಗಳನ್ನು ಹೊಂದಿರುವ ಹಲವಾರು ಸುದ್ದಿ ವರದಿಗಳು ದೊರೆತಿವೆ.
ವೈರಲ್ ಆಗುತ್ತಿರುವ ಚಿತ್ರದಲ್ಲಿನ ಪ್ರಮಾಣಪತ್ರ ಮತ್ತು COVID-19 ಲಸಿಕೆ ಪ್ರಮಾಣಪತ್ರಗಳು ಕೆಲವು ಸಾಮತ್ಯಗಳನ್ನು ಹೊಂದಿವೆ. ಪರಿಷ್ಕರಿಸಿ ನೋಡಿದಾಗ ಅವು ನಿಜಕ್ಕೂ ಒಂದೇ ಎಂದು ತಿಳಿದುಬಂದಿದೆ.
ಒಟ್ಟಾರೆಯಾಗಿ ಸ್ಪಷ್ಟವಾಗಿ ಹೇಳುವುದಾದರೆ, ಪ್ರಧಾನ ಮಂತ್ರಿ ಮೋದಿಯವರ ಚಿತ್ರವಿರುವ ಲಸಿಕೆಗಾಗಿ ನೀಡುವ ಪ್ರಮಾಣಪತ್ರವನ್ನು ಆನ್ಲೈನ್ ಮರಣ ಪ್ರಮಾಣಪತ್ರವೆಂದು ತಪ್ಪು ಹೇಳಿಕೆಯೊಂದಿಗೆ ಹಂಚಿಕೊಳ್ಳಲಾಗಿದೆ.
ಕೃಪೆ: ದಿ ಕ್ವಿಂಟ್
ಇದನ್ನೂ ಓದಿ: ಬಯಲಾಯ್ತು ಸಿಎಂ ಯೋಗಿ ಬಗ್ಗೆ ಪೋಸ್ಟ್ಕಾರ್ಡ್ ಹರಿಬಿಟ್ಟ ಸುಳ್ಳು; ಆಕ್ಸಿಜನ್ಗೂ ಯೋಗಿಗೂ ಎಲ್ಲಿದೆ ನಂಟು!