ಫ್ಯಾಕ್ಟ್‌ಚೆಕ್: Parle-G ಬಿಸ್ಕೆಟ್‌ನ ಕವರ್ ಫೋಟೋದಲ್ಲಿರುವ ಮಗು ಚಿತ್ರ ಸುಧಾಮೂರ್ತಿಯವರದ್ದೇ?
ಪಾರ್ಲೆ-ಜಿ ಬಿಸ್ಕೆಟ್ ಕವರ್ ಮೇಲಿರುವ ಮಗುವಿನ ಚಿತ್ರದ ಬಗ್ಗೆ ಆಗ್ಗಾಗ್ಗೆ ಚರ್ಚೆಗಳು ನಡೆಯುತ್ತಲೇ ಇರುತ್ತವೆ. ಈ ಮಗು ಬೆಳೆಯುತ್ತಲೇ ಇಲ್ಲವಲ್ಲ ಎನ್ನುವಂತಹ ಜೋಕುಗಳು ಪ್ರಚಲಿತದಲ್ಲಿರುತ್ತವೆ. ಈಗ ಅದೇ ಪಾರ್ಲೆ-ಜಿ ಕುರಿತಾದ ಸುದ್ದಿಯೊಂದು ಸಾಮಾಜಿಕ ಮಾಧ್ಯಮದಲ್ಲಿ ಪ್ರಸಾರವಾಗುತ್ತಿದೆ.
ಪಾರ್ಲೆ-ಜಿ ಬಿಸ್ಕೆಟ್ ಪ್ಯಾಕೆಟ್‌ನಲ್ಲಿ ಕಾಣಿಸಿಕೊಳ್ಳುವ ಮಗುವಿನ ಚಿತ್ರ ಇನ್ಫೋಸಿಸ್‌ ಸುಧಾಮೂರ್ತಿ ಅವರದ್ದು ಎಂಬ ಹೇಳಿಕೆಯೊಂದಿಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ಪೋಟೋವನ್ನು ಹಂಚಿಕೊಳ್ಳಲಾಗಿದೆ.
ಈ ಪೋಟೋ ತೆಗೆದಾಗ ಸುಧಾಮೂರ್ತಿಯವರಿಗೆ 1 ವರ್ಷ 2 ತಿಂಗಳು ಎಂದು ಹೇಳುವ ಮೂಲಕ ಸುಧಾಮೂರ್ತಿಯವರ ಈಗಿನ ಫೋಟೋದೊಂದಿಗೆ ಪಾರ್ಲೆ-ಜಿ ಬಿಸ್ಕತ್ತಿನ ಫೋಟೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ. ಹಾಗಿದ್ದರೆ ಈ ಸುದ್ದಿ ನಿಜವೇ ಎಂದು ಪೋಸ್ಟ್‌ನಲ್ಲಿ ಮಾಡಲಾದ ಪ್ರತಿಪಾದನೆಯನ್ನು ಪರಿಶೀಲಿಸೋಣ.
View this post on Instagram
ಫ್ಯಾಕ್ಟ್‌ಚೆಕ್ :
ಪಾರ್ಲೆ-ಜೀ ಪ್ಯಾಕೆಟ್ ಮಗುವಿನ ಬಗೆಗಿನ ಊಹಾಪೋಹಗಳು ಹೊಸದೇನಲ್ಲ. ದೇಶಪಾಂಡೆ, ಸುಧಾ ಮೂರ್ತಿ ಮತ್ತು ಗುಂಜನ್ ಗುಂಡಾನಿಯ ಹೆಸರುಗಳು ಈ ಊಹಾಪೋಹಗಳ ಕೇಂದ್ರದಲ್ಲಿ ಉಳಿದಿವೆ. ಆದರೆ, ಪಾರ್ಲೆ ಉತ್ಪನ್ನಗಳ ಗುಂಪಿನ ಉತ್ಪನ್ನ ನಿರ್ವಾಹಕ ಮಯಾಂಕ್ ಷಾ ಕೆಲವು ವರ್ಷಗಳ ಹಿಂದೆ ಈ ಕಥೆಗಳನ್ನು ನಿರಾಕರಿಸಿದ್ದರು, ಪಾರ್ಲೆ-ಜಿ ಪ್ಯಾಕ್‌ನಲ್ಲಿರುವ ಮಗುವಿನ ಫೋಟೋ 60 ರ ದಶಕದಲ್ಲಿ ಎವರೆಸ್ಟ್ ಕ್ರಿಯೇಟಿವ್ ನಿಂದ ಇಲ್ಲೂಸ್ಟ್ರೇಷನ್‌ ಮೂಲಕ ರಚಿಸಿಲ್ಪಟ್ಟ ಕಾಲ್ಪನಿಕ ಚಿತ್ರವಾಗಿದೆ ಎಂದು ಹೇಳಿದ್ದಾರೆ.
ಎಕನಾಮಿಕ್ ಟೈಮ್ಸ್ ಪ್ರಕಾರ, ಪಾರ್ಲೆ ಪ್ರಾಡಕ್ಟ್ಸ್‌ನ ಗ್ರೂಪ್ ಪ್ರಾಡಕ್ಟ್ ಮ್ಯಾನೇಜರ್ ಮಯಾಂಕ್ ಷಾ, ಮಗುವಿನ ಚಿತ್ರವು ವಾಸ್ತವವಾಗಿ 1960 ರ ದಶಕದಲ್ಲಿ ಎವರೆಸ್ಟ್ ಕ್ರಿಯೇಟಿವ್‌ನಿಂದ ರಚಿಸಿದ ವಿವರಣೆಯಾಗಿದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಇದಕ್ಕೆ ಸಂಬಂಧಿಸಿದ ಇತರ ಸುದ್ದಿ ಲೇಖನಗಳನ್ನು ಇಲ್ಲಿ ಮತ್ತು ಇಲ್ಲಿ ನೋಡಬಹುದು.
ಒಟ್ಟಾರೆಯಾಗಿ ಹೇಳುವುದಾದರೆ, ಪಾರ್ಲೆ-ಜಿ ಬಿಸ್ಕೆಟ್ ಪ್ಯಾಕ್‌ನಲ್ಲಿ ಕಾಣಿಸಿಕೊಂಡಿರುವ ಮಗು ಸುಧಾ ಮೂರ್ತಿ ಅಲ್ಲ. ಇದು 1960 ರ ದಶಕದಲ್ಲಿ ರಚಿಸಲಾದ ಚಿತ್ರವಾಗಿದ್ದು, ಯಾವುದೇ ಜೀವಂತ ವ್ಯಕ್ತಿಯ ಚಿತ್ರವಲ್ಲ.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್‌ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ : ಫ್ಯಾಕ್ಟ್‌ಚೆಕ್ : ಹಸು ಮತ್ತು ಚಿರತೆಯ ಮುದ್ದಾಟದ ಪೋಟೋ ವೈರಲ್ ! ಈ ಘಟನೆ ನಡೆದಿದ್ದೆಲ್ಲಿ ?
