7 ರಾಜ್ಯಗಳಲ್ಲಿ ದೃಢಪಟ್ಟ ಪಕ್ಷಿ ಜ್ವರ : ದೆಹಲಿ, ಮಹಾರಾಷ್ಟ್ರ, ಛತ್ತೀಸಗಢ ಮಾದರಿ ಪರೀಕ್ಷೆಗೆ!
ಉತ್ತರ ಪ್ರದೇಶದಲ್ಲಿ ಹಕ್ಕಿ ಜ್ವರ ಅಥವಾ ಏವಿಯನ್ ಇನ್ಫ್ಲುಯೆನ್ಸ ಹರಡಿರುವುದು ವರದಿಯಾಗಿದ್ದು, ಒಟ್ಟು ಪೀಡಿತ ರಾಜ್ಯಗಳ ಸಂಖ್ಯೆಯನ್ನು ಏಳಕ್ಕೇರಿಕೆಯಾಗಿದೆ ಎಂದು ಕೇಂದ್ರ ಶನಿವಾರ ತಿಳಿಸಿದೆ.
ಆದಾಗ್ಯೂ ದೆಹಲಿ, ಛತ್ತೀಸ್ಗಢ ಮತ್ತು ಮಹಾರಾಷ್ಟ್ರದಲ್ಲಿ ಪಕ್ಷಿ ಜ್ವರ ದೃಢೀಕರಣವನ್ನು ನಿರೀಕ್ಷಿಸಲಾಗಿದ್ದು, ಮಾದರಿಗಳನ್ನು ಪರೀಕ್ಷೆಗೆ ಕಳುಹಿಸಲಾಗಿದೆ. ಉತ್ತರ ಪ್ರದೇಶದಲ್ಲದೆ, ಪಕ್ಷಿ ಜ್ವರ ಪೀಡಿತ ಇತರ ಆರು ರಾಜ್ಯಗಳು ಕೇರಳ, ರಾಜಸ್ಥಾನ, ಮಧ್ಯಪ್ರದೇಶ, ಹಿಮಾಚಲ ಪ್ರದೇಶ, ಹರಿಯಾಣ ಮತ್ತು ಗುಜರಾತ್ ಎಂದು ಗುರುತಿಸಲಾಗಿದೆ.
“ಇಲ್ಲಿಯವರೆಗೆ, ಈ ರೋಗವು ಏಳು ರಾಜ್ಯಗಳಿಂದ ದೃಢಪಟ್ಟಿದೆ. ರೋಗ ಹರಡುವುದನ್ನು ತಪ್ಪಿಸಲು ಇಲಾಖೆ ಪೀಡಿತ ರಾಜ್ಯಗಳಿಗೆ ಸಲಹೆ ನೀಡಿದೆ ”ಎಂದು ಮೀನುಗಾರಿಕೆ, ಪಶುಸಂಗೋಪನೆ ಮತ್ತು ಹೈನುಗಾರಿಕೆ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.
“ಛತ್ತೀಸ್ಗಢದ ಬಲೋಡ್ ಜಿಲ್ಲೆಯ ಕೋಳಿ ಮತ್ತು ಕಾಡು ಪಕ್ಷಿಗಳ ಸಾವಿನ ವರದಿ ಶುಕ್ರವಾರ ರಾತ್ರಿ ಮತ್ತು ಶನಿವಾರ ಬೆಳಿಗ್ಗೆ ವರದಿಯಾಗಿದೆ. ಮಾದರಿಗಳನ್ನು ಸಂಬಂಧಪಟ್ಟ ಲ್ಯಾಬ್ಗಳಿಗೆ ಕಳುಹಿಸಲಾಗಿದೆ. ದೆಹಲಿಯ ಸಂಜಯ್ ಸರೋವರದಿಂದ ಬಾತುಕೋಳಿಗಳ ಸಾವಿನ ವರದಿಗಳು ಬಂದಿವೆ ಮತ್ತು ಮಾದರಿಗಳನ್ನು ಪರೀಕ್ಷೆಗೆ ಕಳುಹಿಸಲಾಗಿದೆ. ಅದೇ ರೀತಿ ಮಹಾರಾಷ್ಟ್ರದಲ್ಲಿ ಮುಂಬೈ, ಥಾಣೆ, ದಪೋಲಿ, ಪರಭಾನಿ ಮತ್ತು ಬೀಡ್ ಜಿಲ್ಲೆಗಳಿಂದ ಸತ್ತ ಕಾಗೆಗಳ ಮಾದರಿಗಳನ್ನು ಭೋಪಾಲ್ ಮೂಲದ ಐಸಿಎಆರ್-ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಹೈ ಸೆಕ್ಯುರಿಟಿ ಅನಿಮಲ್ ಡಿಸೀಸ್ (ಐಸಿಎಆರ್-ನಿಹ್ಸಾಡ್) ಗೆ ಕಳುಹಿಸಲಾಗಿದೆ. ಹರಿಯಾಣದ ಪಂಚಕುಲ ಜಿಲ್ಲೆಯ ಕೋಳಿ (ಎರಡು ಕೋಳಿ ಸಾಕಾಣಿಕೆ ಕೇಂದ್ರಗಳು) ಯಲ್ಲಿ ಐಸಿಎಆರ್-ಎನ್ಐಎಚ್ಎಸ್ಎಡಿ ಯಿಂದ ಏವಿಯನ್ ಇನ್ಫ್ಲುಯೆನ್ಸ ಕಂಡುಬಂದಿದೆ. ಮಧ್ಯಪ್ರದೇಶದ ಶಿವಪುರಿ, ರಾಜ್ಗಢ, ಶಾಜಾಪುರ, ಅಗರ್, ವಿದ್ರಾ ಜಿಲ್ಲೆ ಪ್ರಾಣಿಶಾಸ್ತ್ರ ಉದ್ಯಾನ, ಕಾನ್ಪುರ್, ಉತ್ತರ ಪ್ರದೇಶ ಮತ್ತು ರಾಜಸ್ಥಾನದ ಪ್ರತಾಪ್ಗಢ ಮತ್ತು ದೌಸಾ ಜಿಲ್ಲೆಗಳಲ್ಲಿ ಪಕ್ಷ ಜ್ವರ ಕಂಡು ಬಂದಿದೆ ”ಎಂದು ಸಚಿವಾಲಯ ತಿಳಿಸಿದೆ.
ಈ ಹಿನ್ನೆಲೆಯಲ್ಲಿ ಜಲಮೂಲಗಳು, ನೇರ ಪಕ್ಷಿ ಮಾರುಕಟ್ಟೆಗಳು, ಮೃಗಾಲಯಗಳು ಮತ್ತು ಕೋಳಿ ಸಾಕಾಣಿಕೆ ಕೇಂದ್ರಗಳ ಸುತ್ತಲೂ ಕಣ್ಗಾವಲು ಹೆಚ್ಚಿಸಲು ಮತ್ತು ಶವವನ್ನು ಸರಿಯಾಗಿ ವಿಲೇವಾರಿ ಮಾಡುವುದನ್ನು ಖಚಿತಪಡಿಸಿಕೊಳ್ಳಲು ಮತ್ತು ಕೋಳಿ ಸಾಕಾಣಿಕೆ ಕೇಂದ್ರಗಳಲ್ಲಿ ಜೈವಿಕ ಸುರಕ್ಷತೆಯನ್ನು ಬಲಪಡಿಸಲು ರಾಜ್ಯಗಳಿಗೆ ಸೂಚಿಸಲಾಗಿದೆ.
ಪಿಪಿಇ ಕಿಟ್ಗಳ ಬಳಕೆಗೆ ಸೂಚಿಸಲಾಗಿದೆ. ಪಕ್ಷಿ ಜ್ವರದಿಂದಾಗಿ ಮೊಟ್ಟೆ ಮತ್ತು ಕೋಳಿ ಮಾಂಸಕ್ಕೆ ಬೇಡಿಕೆ ಕಡಿಮೆಯಾದ ಕಾರಣ ಮೊಟ್ಟೆ ಮತ್ತು ಬ್ರಾಯ್ಲರ್ ಕೋಳಿಯ ಬೆಲೆಗಳು ಕುಸಿದಿವೆ. ಮಾತ್ರವಲ್ಲದೇ ರೋಗ ಹರಡುವಿಕೆಯ ಆತಂಕ ಕೋಳಿ ಉದ್ಯಮಕ್ಕೆ ತಟ್ಟಿದೆ.

