WHO ಪ್ರಕಾರ ಲಾಕ್ಡೌನ್ ಜೂನ್ವರೆಗೂ ವಿಸ್ತರಣೆಯೆಂಬುದು ಫೇಕ್ ನ್ಯೂಸ್
ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್ಒ) ಕೊರೊನಾ ವಿರುದ್ಧದ ಹೋರಾಟದಲ್ಲಿ ಲಾಕ್ಡೌನ್ ವಿಸ್ತರಿಸಲು ಆದೇಶ ಹೊರಡಿಸಿದೆ ಎಂಬ ಸಂದೇಶ ವೈರಲ್ ಆಗಿದೆ.
“ವಿಶ್ವ ಆರೋಗ್ಯ ಸಂಸ್ಥೆ ಪ್ರೋಟೋಕಾಲ್ ಮತ್ತು ಅತ್ಯಂತ ಅಪಾಯಕಾರಿ ವೈರಸ್ ಅನ್ನು ನಿಯಂತ್ರಿಸಲು ಲಾಕ್ಡೌನ್ ಅವಧಿಗಳ ಕಾರ್ಯವಿಧಾನ” ಹೆಸರಿನಲ್ಲಿ ಮಧ್ಯೆ ಮಧ್ಯೆ ಒಂದು ವಾರಗಳ ಬಿಡುವು ಕೊಟ್ಟು ಜೂನ್ ಅಂತ್ಯದವರೆಗೂ ಲಾಕ್ಡೌನ್ ಚಾಲ್ತಿಯಲ್ಲಿರುತ್ತದೆ ಎಂದು ವಾಟ್ಸಾಪ್, ಫೇಸ್ಬುಕ್ ಮತ್ತು ಟ್ವಿಟ್ಟರ್ಗಳಲ್ಲಿ ಸುಳ್ಳು ಸುದ್ದಿ ಹರಡಲಾಗಿದೆ.
https://www.facebook.com/hema.sankhe/posts/2659223194357422
https://twitter.com/anil76026272/status/1245969864658804736
ಆ ಸಂದೇಶದಲ್ಲಿ ಒಂದು ದಿನದ ಜನತಾ ಕರ್ಫ್ಯೂ ಮತ್ತು 21ದಿನಗಳ ಲಾಕ್ಡೌನ್ ನಂತರ, ಡಬ್ಲ್ಯುಎಚ್ಒ ಐದು ದಿನಗಳವರೆಗೆ ವಿಶ್ರಾಂತಿ ನೀಡುವಂತೆ ಪ್ರಸ್ತಾಪಿಸುತ್ತದೆ. ನಂತರ ಮತ್ತೆ 28 ದಿನಗಳ ಕಾಲ ಲಾಕ್ಡೌನ್ ಘೋಷಿಸುತ್ತದೆ. ಅದು ಮುಗಿದಾಗ 5 ದಿನಗಳ ವಿಶ್ರಾಂತಿ ಜೊತೆಗೆ ಮತ್ತೆ 14 ದಿನಗಳ ಲಾಕ್ಡೌನ್ ಇದ್ದು ಅಲ್ಲಿಗೆ ಕೊನೆಯಾಗುತ್ತದೆ ಎಂದು ಬರೆಯಲಾಗಿದೆ. ಬಹಳಷ್ಟು ಜನ ಇದನ್ನು ನಂಬಿಬಿಟ್ಟಿದ್ದಾರೆ.
Fact Check
ಮೊದಲಿಗೆ WHO ಲಾಕ್ಡೌನ್ ಟೈಮ್ಲೈನ್ ಅನ್ನು ಬಿಡುಗಡೆಮಾಡಿರುವುದು ಎಲ್ಲಿಯೂ ಸಹ ವರದಿಯಾಗಿಲ್ಲ. ಕೊರೊನಾ ರೋಗದ ಹರಡುವಿಕೆಯನ್ನು ಅವಲಂಬಿಸಿ ಎಷ್ಟು ದಿನ ಲಾಕ್ಡೌನ್ ಮಾಡಬೇಕೆಂಬ ಮಾರ್ಗಸೂಚಿಗಳನ್ನು ಹೊರಡಿಸುವುದು ದೇಶಗಳಿಗೆ ಬಿಟ್ಟಿದ ವಿಚಾರವಾಗಿದೆ.
ಈ ಸುದ್ದಿಯನ್ನು ವಿಶ್ವ ಆರೋಗ್ಯ ಸಂಸ್ಥೆಯು ಆಧಾರ ರಹಿತ ಮತ್ತು ಮಹಾನ್ ಸುಳ್ಳು ಎಂದು ಕರೆದಿದೆ. ನಾವು ಈ ರೀತಿಯ ನಿರ್ದೇಶನ ನೀಡಿಲ್ಲ. ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವುದು ಸುಳ್ಳು ಸುದ್ದಿ ಎಂದಿದೆ. ಈ ಕುರಿತು ಅದು ಅಧಿಕೃತವಾಗಿ ಟ್ವೀಟ್ ಮಾಡಿದೆ ನೋಡಿ.
https://twitter.com/WHOSEARO/status/1246804406705614848
ಆದರೆ ಮೇಲಿನ ವೈರಲ್ ಆದ ಸಂದೇಶವು ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯದ ಇಬ್ಬರು ಭಾರತೀಯ ಮೂಲದ ಸಂಶೋಧಕರ ಸಂಶೋಧನಾ ಪ್ರಬಂಧವನ್ನು ಆಧರಿಸಿದ್ದು, ಇದು ವೈರಸ್ ಹರಡುವಿಕೆಯನ್ನು ತಡೆಯಲು ಆವರ್ತಕ ವಿಶ್ರಾಂತಿಯೊಂದಿಗೆ ನಿರಂತರ ಲಾಕ್ಡೌನ್ ಅನ್ನು ಪ್ರಸ್ತಾಪಿಸುತ್ತದೆ. ವಿಶ್ವ ಆರೋಗ್ಯ ಸಂಸ್ಥೆಗೂ ಆ ಸಂದೇಶಕ್ಕೂ ಯಾವುದೇ ಸಂಬಂಧವಿಲ್ಲ.

