ಸರ್ಕಾರಿ ಶಾಲೆ ಹಾಲು ಕುಡಿದ 28 ಮಕ್ಕಳು ಅಸ್ವಸ್ಥ – ಆಸ್ಪತ್ರೆಗೆ ದಾಖಲು
ಸರ್ಕಾರಿ ಶಾಲೆ ಹಾಲು ಕುಡಿದ ಮಕ್ಕಳು ಅಸ್ವಸ್ಥಗೊಂಡ ಘಟನೆ ಮೈಸೂರಿನ ಹುಣಸೂರು ತಾಲ್ಲೂಕಿನ ಕಿರಂಗೂರು ಗ್ರಾಮದಲ್ಲಿ ನಡೆದಿದೆ.
ಮೈಸೂರಿನ ಕಿರಂಗೂರು ಸರ್ಕಾರಿ ಶಾಲೆಯಲ್ಲಿ ಒಟ್ಟು 68 ಮಕ್ಕಳ ವಿದ್ಯಾಭ್ಯಾಸ ಮಾಡುತ್ತಿದ್ದಾರೆ. ಈ ಪೈಕಿ ಬೆಳಗ್ಗೆ 28 ಮಕ್ಕಳಿಂದ ಕೆನೆ ಭರಿತ ಹಾಲು ಸೇವನೆ ಮಾಡಿದ್ದಾರೆ. ಹಾಲು ಕುಡಿದ ಬಳಿಕ ಮೊದಲು 5 ಮಕ್ಕಳಿಗೆ ಕಾಣಿಸಿಕೊಂಡ ವಾಂತಿಭೇದಿ, ಕ್ರಮೇಣ ಎಲ್ಲಾ ಮಕ್ಕಳಲ್ಲಿ ಕಾಣಿಸಿಕೊಂಡಿದೆ. ಕೂಡಲೆ ಹಾಲು ಸೇವಿಸಿದ ಎಲ್ಲ ಮಕ್ಕಳನ್ನ ಶಿಕ್ಷಕರು ಆಸ್ಪತ್ರೆಗೆ ಕರೆತಂದಿದ್ದಾರೆ.
ಹನಗೂಡು ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಎಲ್ಲ ಮಕ್ಕಳಿಗೆ ಚಿಕಿತ್ಸೆ ನೀಡಲಾಗುತ್ತಿದ್ದು, ಹುಣಸೂರು ಬಿಇಓ ಸೇರಿದಂತೆ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.