FactCheck: ಅಪ್ಪನನ್ನು ಸೈಕಲ್‌ನಲ್ಲಿ ಕರೆದೊಯ್ದ ಬಾಲಕಿ ಅತ್ಯಾಚಾರ ಮತ್ತು ಕೊಲೆ?

ಕೊರೊನಾ ವೈರಸ್ ಲಾಕ್‌ಡೌನ್‌ ಸಂದರ್ಭದಲ್ಲಿ ದಿಲ್ಲಿಯಿಂದ ಬಿಹಾರದವರೆಗೆ 1,200 ಕಿ.ಮೀ ಸೈಕಲ್ ತುಳಿದು ‘ಸೈಕಲ್‌ ಬಾಲಕಿ’ ಎಂದೇ ಜನಪ್ರಿಯರಾದ ಬಾಲಕಿ ಜ್ಯೋತಿ ಪಾಸ್ವಾನ್ ಅವರ ರೇಪ್ ಹಾಗೂ ಮರ್ಡರ್‌ ಆಯ್ತಾ..? ಹೀಗೊಂದು ಪುಕಾರು ಫೇಸ್‌ಬುಕ್‌ನಲ್ಲಿ ಹರಿದಾಡುತ್ತಿತ್ತು. ನಿವೃತ್ತ ಸೈನಿಕನೊಬ್ಬ ಬಾಲಕಿ ಮೇಲೆ ಅತ್ಯಾಚಾರ ಎಸಗಿ ಆಕೆಯನ್ನು ಕೊಂದಿದ್ದಾನೆ ಎಂದು ಬಾಲಕಿಯ ಮೃತದೇಹದ ಸಮೇತ ಪೋಸ್ಟ್‌ ಮಾಡಲಾಗಿತ್ತು.

ಕೆಲಸ ಕಳೆದುಕೊಂಡಿದ್ದ ತಂದೆಯನ್ನು ಸೈಕಲ್‌ನಲ್ಲಿ ಕೂರಿಸಿಕೊಂಡು ಬಾಲಕಿ 1,200 ಕಿ.ಮೀ ಪ್ರಯಾಣಿಸಿದ್ದ ಸುದ್ದಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರಾದ ಬೆನ್ನಲ್ಲೇ ಇಂಥಾದ್ದೊಂದು ಆಘಾತಕಾರಿ ಮಾಹಿತಿಯೂ ಫೇಸ್‌ಬುಕ್‌ನಲ್ಲಿ ಓಡಾಡುತ್ತಿತ್ತು.

ಅರವಿಂದ್ ರಾಜ್‌ಬಹಾರ್ ಎಂಬ ಪರಿಶೀಲಿಸಿದ ಫೇಸ್‌ಬುಕ್‌ ಬಳಕೆದಾರರೊಬ್ಬರು ಷಹಾಬ್‌ ಆಲಂ ಎಂಬಾತನ ಹೇಳಿಕೆಯನ್ನು ಉದ್ದರಿಸಿ ಈ ರೀತಿ ಪೋಸ್ಟ್‌ ಮಾಡಿದ್ದರು.

vijaya karnataka

 

vijaya karnataka

Fact Check:
ಸತ್ಯಾಂಶವೇನೆಂದರೆ, ಜ್ಯೋತಿ ಪಾಸ್ವಾನ್ ಅವರು ಆರಾಮವಾಗಿ ಸಾಮಾನ್ಯರಂತೆಯೇ ಇದ್ದಾರೆ. ಅದೇ ಹೆಸರಿನ ಬಾಲಕಿಯೊಬ್ಬಳು ದರ್ಬಾಂಗ್‌ನಲ್ಲಿ ಹತ್ಯೆಗೀಡಾಗಿದ್ದಳು. ಆದ್ರೆ, ಆಕೆಯ ಮೇಲೆ ಅತ್ಯಾಚಾರ ನಡೆದಿದೆಯಾ ಅನ್ನೋದು ಇನ್ನೂ ದೃಢಪಟ್ಟಿಲ್ಲ.

ಈ ಸುದ್ದಿಯ ಅಸಲಿತನ ಪತ್ತೆ ಹಚ್ಚಲು ಗೂಗಲ್‌ನಲ್ಲಿ ಈ ಸಂಬಂಧ ಕಿ ವರ್ಡ್‌ಗಳನ್ನು ಹಾಕಿ ಹುಡುಕಿದಾಗ, ಲೈವ್‌ ಹಿಂದೂಸ್ತಾನ್‌ ಎಂಬ ವೆಬ್‌ಸೈಟ್‌ನಲ್ಲಿ 13 ವರ್ಷದ ಬಾಲಕಿ ಜ್ಯೋತಿ ಕುಮಾರಿ ಎಂಬಾಕೆಯ ಸಾವಿನ ವರದಿ ಇತ್ತು. ದರ್ಬಾಂಗ್‌ನಲ್ಲಿ ವಿದ್ಯುದಾಘಾತದಿಂದ ಆಕೆ ಸಾವನ್ನಪ್ಪಿರೋದಾಗಿ ವರದಿಯಾಗಿತ್ತು. ಆಕೆ ಮೇಲೆ ಅತ್ಯಾಚಾರ ನಡೆದ ಬಗ್ಗೆ ಯಾವುದೇ ಮಾಹಿತಿ ಇರಲಿಲ್ಲ.

vijaya karnataka

ಈ ಬಾಲಕಿಯ ಮೃತ ದೇಹ ನಿವೃತ್ತ ಸೇನಾಧಿಕಾರಿಯ ಮನೆಯ ಕಾಂಪೌಂಡ್‌ ಒಳಗೆ ಪತ್ತೆಯಾಗಿತ್ತು. ಪ್ರಕರಣದ ಸಂಬಂಧ ಮನೆ ಮಾಲೀಕ ಹಾಗೂ ಆತನ ಪತ್ನಿಯನ್ನು ಬಂಧಿಸಲಾಗಿದೆ.

ಇನ್ನು ಸೈಕಲ್ ಬಾಲಕಿ ಜ್ಯೋತಿಯನ್ನು ಸಂಪರ್ಕಿಸಿದಾಗ ಆಕೆ ತಾನು ಸುರಕ್ಷಿತವಾಗಿ ಇರೋದಾಗಿ ವಾಟ್ಸಪ್ ಮೂಲಕ ತನ್ನ ಫೋಟೋ ರವಾನಿಸಿದ್ದಾಳೆ.

vijaya karnataka

 

ಟೈಮ್ಸ್‌ ಫ್ಯಾಕ್ಟ್‌ ಚೆಕ್‌ನ ಸಮಗ್ರ ಅಧ್ಯಯನದ ಬಳಿಕ ಹೇಳೋದಾದ್ರೆ, ಸೈಕಲ್ ಬಾಲಕಿ ಎಂದೇ ಹೆಸರಾಗಿರುವ ಜ್ಯೋತಿ ಪಾಸ್ವಾನ್ ಮೇಲೆ ನಿವೃತ್ತ ಸೇನಾಧಿಕಾರಿ ಅತ್ಯಾಚಾರ ಎಸಗಿ ಕೊಲೆ ಮಾಡಿರುವ ಸುದ್ದಿ ಸುಳ್ಳು ಎಂದು ಸಾಬೀತಾಗಿದೆ.

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights