Fact Check: ಪ್ಯಾರಾಚೂಟ್ ಇಳಿಯುವಿಕೆಯ ಕ್ಲಿಪ್‌ಗೂ ಪಾಕಿಸ್ತಾನ-ಚೀನಾಕ್ಕೂ ಯಾವುದೇ ಸಂಬಂಧವಿಲ್ಲ..
ಪ್ಯಾರಾಚೂಟ್ (ಧುಮುಕುಕೊಡೆ) ಇಳಿಯುವಿಕೆಯ ಕ್ಲಿಪ್, ಚೀನಾದ ತರಬೇತಿಯೊಂದಿಗೆ ಪಾಕಿಸ್ತಾನದ ಪ್ಯಾರಾಟ್ರೂಪರ್ ಬೋಧಕ ಎಂಬ ಹೇಳಿಕೆಯೊಂದಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಪ್ರಸಾರವಾಗುತ್ತಿದೆ.
ಹಲವಾರು ಟ್ವಿಟರ್ ಮತ್ತು ಫೇಸ್‌ಬುಕ್ ಬಳಕೆದಾರರು 44 ಸೆಕೆಂಡುಗಳ ಈ ವೀಡಿಯೊವನ್ನು ಪೋಸ್ಟ್ ಮಾಡಿದ್ದಾರೆ. “ಪಾಕಿಸ್ತಾನದ ಪ್ಯಾರಾಟ್ರೂಪ್ ಬೋಧಕ ಚೀನಾದಲ್ಲಿ ತರಬೇತಿ ಪಡೆದು ಪರಿಪೂರ್ಣ ಲ್ಯಾಂಡಿಂಗ್ ಅನ್ನು ಪ್ರದರ್ಶಿಸುತ್ತಾನೆ” ಎಂದು ಪೋಸ್ಟ್ನ ಶೀರ್ಷಿಕೆ ಹೇಳುತ್ತದೆ.
ಇಂಡಿಯಾ ಟುಡೆ ಆಂಟಿ ಫೇಕ್ ನ್ಯೂಸ್ ವಾರ್ ರೂಮ್ (ಎಎಫ್‌ಡಬ್ಲ್ಯೂಎ) ಈ ವಿಡಿಯೋ ಎಂಟು ವರ್ಷ ಹಳೆಯದು ಎಂದು ಕಂಡುಹಿಡಿದಿದೆ. ತರಬೇತಿ ವ್ಯಾಯಾಮದ ಸಮಯದಲ್ಲಿ ಧುಮುಕುಕೊಡೆ ಇಳಿಯುವಲ್ಲಿ ತೊಂದರೆ ಎದುರಿಸುತ್ತಿರುವ ರಷ್ಯಾದ ಪ್ಯಾರಾಟ್ರೂಪರ್‌ನ ಕ್ಲಿಪಿಂಗ್ ಇದು.
ಅನೇಕ ಫೇಸ್‌ಬುಕ್ ಬಳಕೆದಾರರು ಈ ವಿಡಿಯೋವನ್ನು ನಿಜವೆಂದು ನಂಬಿ ವೀಡಿಯೊವನ್ನು ಪೋಸ್ಟ್ ಮಾಡಿದ್ದಾರೆ. ಪೋಸ್ಟ್‌ಗಳ ಇಲ್ಲಿ ನೋಡಬಹುದು.
Pakistani paratroop instructor demonstrating a perfect landing – trained in China.
Follow @bhaiyaji_kahin pic.twitter.com/R7jeNKiRuC
— भैयाजी_कहिन (BJP) (@bhaiyaji_kahin) September 6, 2020
ಎಎಫ್‌ಡಬ್ಲ್ಯೂಎ ತನಿಖೆ
ಇನ್ವಿಐಡಿ ಮತ್ತು ಯಾಂಡೆಕ್ಸ್ ರಿವರ್ಸ್ ಇಮೇಜ್ ಹುಡುಕಾಟದ ಸಹಾಯದಿಂದ, ವೈರಲ್ ವೀಡಿಯೊವನ್ನು ರಷ್ಯಾದ ಸಾಮಾಜಿಕ ಮಾಧ್ಯಮ ಸೈಟ್‌ಗಳು ಹಲವಾರು ವರ್ಷಗಳಿಂದ ಹಂಚಿಕೊಳ್ಳುತ್ತಿರುವುದನ್ನು ಕಂಡುಕೊಳ್ಳಲಾಗಿದೆ.
ಅಲ್ಲಿ ರಷ್ಯನ್ ಭಾಷೆಯ ಶೀರ್ಷಿಕೆ “ಧುಮುಕುಕೊಡೆ ಟೇಮಿಂಗ್” ಎಂದು ಅನುವಾದಿಸುತ್ತದೆ. ವೀಡಿಯೊವನ್ನು ಸೆಪ್ಟೆಂಬರ್ 28, 2012 ರಂದು ಅಪ್‌ಲೋಡ್ ಮಾಡಲಾಗಿದೆ. ಇಲ್ಲಿ ಪ್ಯಾರಾಟ್ರೂಪರ್ ಗಾಳಿಕೊಡೆಯೊಂದಿಗೆ ಹೋರಾಡುವುದನ್ನು ಕಾಣಬಹುದು. ನಂತರ, ಇನ್ನೊಬ್ಬ ವ್ಯಕ್ತಿಯು ಅವನ ರಕ್ಷಣೆಗೆ ಬರುತ್ತಾನೆ ಆದರೆ ವ್ಯರ್ಥವಾಗುತ್ತದೆ.
ಸೆಪ್ಟೆಂಬರ್ 25, 2012 ರಂದು ಅದೇ ವೀಡಿಯೊವನ್ನು ಯೂಟ್ಯೂಬ್‌ನಲ್ಲಿ ಅಪ್‌ಲೋಡ್ ಮಾಡಲಾಗಿದೆ. ಈ ಶೀರ್ಷಿಕೆಯಲ್ಲಿ “ರಷ್ಯನ್ ಪ್ಯಾರಾಚೂಟ್ ಲ್ಯಾಂಡಿಂಗ್ ವಿಫಲ” ಎಂದು ಬರೆಯಲಾಗಿದೆ.
“Gfycat” ಎಂಬ ಮತ್ತೊಂದು ವೆಬ್‌ಸೈಟ್ ಈ ವೀಡಿಯೊವನ್ನು “ರಷ್ಯಾದ ಸೈನಿಕರ ಧುಮುಕುಕೊಡೆ ” ಎಂದು ಹೆಸರಿಸಿದೆ. ರಷ್ಯಾದ ಕೆಲವು ಫೇಸ್‌ಬುಕ್ ಬಳಕೆದಾರರು ಈ ವೀಡಿಯೊವನ್ನು ಪೋಸ್ಟ್ ಮಾಡಿದ್ದಾರೆ, ಇದು ರಷ್ಯಾದ ಧುಮುಕುಕೊಡೆ ಇಳಿಯುವಿಕೆಯಾಗಿದೆ ಎಂದು ಹೇಳಿದ್ದಾರೆ.
ಇನ್ದನೊಂದು ಕಡೆ ಇದರ ಸುಳಿವನ್ನು ಪತ್ತೆ ಹಚ್ಚಲಾಗಿದೆ. ಕೀವರ್ಡ್‌ಗಳ ಸಹಾಯದಿಂದ ಇಂಟರ್‌ನೆಟ್‌ನಲ್ಲಿ ಹುಡುಕಿದಾಗ ಸೆಪ್ಟೆಂಬರ್ 24, 2012 ರಂದು “ಮಿಲಿಟರಿ ಡಾಟ್ ಕಾಮ್” ನಲ್ಲಿ ಅದೇ ವೀಡಿಯೊದೊಂದಿಗೆ ಘಟನೆಯನ್ನು ಪ್ರಕಟಿಸಲಾಗಿದೆ.
ಹೀಗೆ ಈ ವಿಡಿಯೋದ ಬಗ್ಗೆ ಒಂದೊಂದು ಕಡೆ ಬೇರೆ ಬೇರೆ ರೀತಿ ಅರ್ಥ ಕಲ್ಪಿಸಲಾಗಿದೆ. ಆದರೆ ಇದು ತರಬೇತಿ ವ್ಯಾಯಾಮದ ಸಮಯದಲ್ಲಿ ಧುಮುಕುಕೊಡೆ ಇಳಿಯುವಲ್ಲಿ ತೊಂದರೆ ಎದುರಿಸುತ್ತಿರುವ ರಷ್ಯಾದ ಪ್ಯಾರಾಟ್ರೂಪರ್‌ನ ಕ್ಲಿಪಿಂಗ್ ಆಗಿದೆ.
