ಡ್ರಗ್ ಪೆಡ್ಲರ್ ನೊಂದಿಗೆ ಬಾಲಿವುಡ್ ನಟನ ನಂಟು – ಬಿಗ್ ಬಾಸ್ ಸ್ಪರ್ಧಿ ಅರೆಸ್ಟ್..!

ಡ್ರಗ್ ಪೆಡ್ಲರ್ ನೊಂದಿಗೆ ನಂಟು ಹೊಂದಿದ್ದ ಬಾಲಿವುಡ್ ನಟ ಅರ್ಮಾನ್ ಕೊಹ್ಲಿಯನ್ನು ಪೊಲೀಸರು ಬಂಧಿಸಿದ್ದಾರೆ. ನಟ ಅರ್ಮಾನ್ ಕೊಹ್ಲಿ ಮುಂಬೈ ಮನೆಯ ಮೇಲೆ ದಾಳಿ ನಡೆಸಿದ ಎನ್‌ಸಿಬಿ ಡ್ರಗ್ಸ್ ಕೇಸ್ ನಲ್ಲಿ ಅರ್ಮಾನ್ ಕೊಹ್ಲಿಯನ್ನು ಅರೆಸ್ಟ್ ಮಾಡಿದೆ.

ಡ್ರಗ್ಸ್ ಕೇಸ್ ನಲ್ಲಿ ವಿಚಾರಣೆಗೊಳಪಡುತ್ತಿದ್ದ ಬಾಲಿವುಡ್ ನಟ ಅರ್ಮಾನ್ ಕೊಹ್ಲಿ ಅವರ ಮುಂಬೈ ಮನೆಯಿಂದ ನಿಷೇಧಿತ ಔಷಧಿಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್‌ಸಿಬಿ) ಆರೋಪಿಸಿದೆ.

ಎನ್‌ಸಿಬಿ ತಂಡ ಶನಿವಾರ ಅಕ್ರಮ ಡ್ರಗ್ಸ್ ಹೊಂದಿದ್ದ ಒಬ್ಬ ಪ್ರಮುಖ ಡ್ರಗ್ ಪೆಡ್ಲರ್ ಅಜಯ್ ರಾಜು ಸಿಂಗ್ ಎಂಬಾತನನ್ನು ಬಂಧಿಸಿತ್ತು.

ಆರೋಪಿ ಅಜಯ್ ರಾಜು ಸಿಂಗ್ ಅವರ ಪ್ರಾಥಮಿಕ ವಿಚಾರಣೆಯ ಆಧಾರದ ಮೇಲೆ ಅದೇ ದಿನ ಮುಂದಿನ ಕಾರ್ಯಾಚರಣೆಯನ್ನು ಆರಂಭಿಸಲಾಯಿತು. ಅವರ ಮಾಹಿತಿಯ ಪ್ರಕಾರ, ಎನ್ಸಿಬಿಯ ತಂಡ ಉಪನಗರ ಅಂಧೇರಿಯಲ್ಲಿರುವ ಅರ್ಮಾನ್ ಕೊಹ್ಲಿ ಅವರ ಮನೆಯ ಮೇಲೆ ದಾಳಿ ನಡೆಸಿದೆ. ಆತನಿಂದ ಸಣ್ಣ ಪ್ರಮಾಣದ ಕೊಕೇನ್ ಮಾದಕದ್ರವ್ಯವನ್ನು ವಶಪಡಿಸಿಕೊಂಡಿದೆ. ನಂತರ ಎನ್‌ಸಿಬಿ ತಂಡ ನಟನನ್ನು ವಿಚಾರಣೆಗಾಗಿ ದಕ್ಷಿಣ ಮುಂಬೈನ ತನ್ನ ಕಚೇರಿಗೆ ಕರೆದೊಯ್ದಿದೆ ಎಂದು ಮೂಲಗಳು ತಿಳಿಸಿವೆ.

ನಟ ಅರ್ಮಾನ್ ಕೊಹ್ಲಿ ಸಲ್ಮಾನ್ ಖಾನ್ ನಟನೆಯ “ಪ್ರೇಮ್ ರತನ್ ಧನ್ ಪಾಯೋ” ಇತರ ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಜೊತೆಗೆ ಟಿವಿ ರಿಯಾಲಿಟಿ ಶೋ ಬಿಗ್ ಬಾಸ್‌ನ ಸ್ಪರ್ಧಿಗಳಲ್ಲಿ ಒಬ್ಬರಾಗಿದ್ದಾರೆ.

ಆತನ ಬಂಧನಕ್ಕೆ ಒಂದು ದಿನ ಮೊದಲು, ಕೇಂದ್ರ ಮಾದಕದ್ರವ್ಯ ವಿರೋಧಿ ಸಂಸ್ಥೆ ಟಿವಿ ನಟ ಗೌರವ್ ದೀಕ್ಷಿತ್ ಅವರನ್ನು ಬಂಧಿಸಿತ್ತು.

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights