ಜಗತ್ತಿನಾದ್ಯಂತ ಕೊರೊನಾ ರಣಕೇಕೆ : 2.33 ಲಕ್ಷ ಮಂದಿ ಬಲಿ – ಸೋಂಕಿತರ ಸಂಖ್ಯೆ 33 ಲಕ್ಷಕ್ಕೇರಿಕೆ!
ಜಗತ್ತಿನಾದ್ಯಂತ ಕೊರೊನಾ ಕಾರ್ಮೋಡ ಆವರಿಸಿದ್ದು, ರಣಕೇಕೆ ಹಾಕುತ್ತಿದೆ. ವಿಶ್ವದಲ್ಲಿ ಈ ವರೆಗೂ 2.33 ಲಕ್ಷ ಮಂದಿ ಮಹಾಮಾರಿ ವೈರಸ್’ಗೆ ಬಲಿಯಾಗಿದ್ದಾರೆ, ಅಲ್ಲದೆ ಸೋಂಕಿತರ ಸಂಖ್ಯೆ 33 ಲಕ್ಷಕ್ಕೇರಿಕೆಯಾಗಿದೆ ಎಂದು ವರದಿಗಳಿಂದ ತಿಳಿದುಬಂದಿದೆ.
ವಿಶ್ವದ ಸುಮಾರು 187 ರಾಷ್ಟ್ರಗಳಲ್ಲಿ ಕೊರೋನಾ ತನ್ನ ಆರ್ಭಟವನ್ನು ಮುಂದುವರೆಸಿದ್ದು, , 3,305,845 ಮಂದಿಯಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಅಲ್ಲದೆ, 233,969 ಸಾವನ್ನಪ್ಪಿದ್ದಾರೆ. ಅಮೆರಿಕಾ ಒಂದರಲ್ಲಿಯೇ 62,000 ಮಂದಿ ಮಹಾಮಾರಿಗೆ ಬಲಿಯಾಗಿದ್ದಾರೆ.
ಅಮೆರಿಕಾದಲ್ಲಿ 1,095,019 ಮಂದಿಯಲ್ಲಿ ಸೋಂಕು ಪತ್ತೆಯಾಗಿದ್ದು, ಸ್ಪೇನ್ ನಲ್ಲಿ 239,63, ಇಟಲಿ 205,463, ಬ್ರಿಟನ್ 171,253, ಫ್ರಾನ್ಸ್ 167,178, ಜರ್ಮನಿ 163,009ರಷ್ಟು ಜನರಲ್ಲಿ ಸೋಂಕು ಹರಡಿದೆ. ಭಾರತದಲ್ಲಿ ಸೋಂಕಿತ ಸಂಖ್ಯೆ 35 ಸಾವಿರ ದಾಟಿದೆ. ಸಾವಿನ ಸಂಖ್ಯೆ 1,147ಕ್ಕೆ ಏರಿದೆ.

