ಕೊರೊನಾ ಎಫೆಕ್ಟ್ : ಸತತ ಎರಡನೇ ದಿನವೂ ಪೆಟ್ರೋಲ್-ಡೀಸೆಲ್ ದರ ಏರಿಕೆ…!
ಕೊರೊನಾ ಲಾಕ್ ಡೌನ್ ನಿಂದಾಗಿ ಇಳಿಕೆ ಕಂಡಿದ್ದ ಪೆಟ್ರೋಲ್-ಡಿಸೇಲ್ ದರ ಸತತ ಎರಡನೇ ದಿನವೂ ಏರಿಕೆಯಾಗಿದೆ.
ದೇಶದಲ್ಲಿ ಲಾಕ್ ಡೌನ್ 5.0 ಜಾರಿಯಲ್ಲಿದ್ದು ಕೆಲ ಸ್ಥಳಗಳನ್ನು ತೆರೆಯಲು ಷರತ್ತು ಬದ್ಧ ಒಪ್ಪಿಗೆ ನೀಡಲಾಗಿದೆ. ಹೀಗಾಗಿ ಜನರ ಓಡಾಟ ಹೆಚ್ಚಾಗುತ್ತಿದ್ದಂತೆ ಪೆಟ್ರೋಲ್-ಡೀಸೆಲ್ ದರ ಏರಿಕೆಯಾಗಿದೆ. ಭಾನುವಾರ 60 ಪೈಸೆ ಇದ್ದ ಏರಿಕೆಯಾಗಿದ್ದ ಪೆಟ್ರೋಲ್ ದರ, ಸೋಮವಾರವೂ ಏರಿಕೆಯಾಗಿದೆ. ಜೂನ್ ತಿಂಗಳಿನಿಂದ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಕನಿಷ್ಠ ಲೀಟರ್ಗೆ 4 ರಿಂದ 5 ರೂ. ಹೆಚ್ಚಳವಾಗುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕಚ್ಚಾ ತೈಲ ಬೆಲೆ ಕಡಿಮೆ ಆಗುತ್ತಲೇ ಇದೆ. ಅಮೆರಿಕ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ತೈಲ ಬೆಲೆ ಪಾತಾಳಕ್ಕೆ ಕುಸಿದಿದೆ. ಆದಾಗ್ಯೂ ಕೇಂದ್ರ ಸರ್ಕಾರ ಈ ಲಾಭವನ್ನು ಜನರಿಗೆ ವರ್ಗಾಣೆ ಮಾಡುತ್ತಿಲ್ಲ.
ಈ ಮೊದಲು ಮಾರ್ಚ್ 16ರಂದು ಪೆಟ್ರೋಲ್ ದರ ಕೊನೆಯದಾಗಿ ಏರಿಕೆ ಕಂಡಿತ್ತು. ಲಾಕ್ ಡೌನ್ ನಿಂದಾಗಿ ಬೆಲೆ ಕುಸಿದಿತ್ತು ಆದರೆ ಲಾಕ್ ಡೌನ್ ಸಡಿಲಗೊಂಡ ನಂತರ ಸತತ ಎರಡು ದಿನವೂ ದರ ಏರಿಕೆ ಕಂಡಿದೆ.ಸೋಮವಾರ ದೇಶಾದ್ಯಂತ ಪೆಟ್ರೋಲ್-ಡೀಸೆಲ್ ದರದಲ್ಲಿ 60 ಪೈಸೆ ಏರಿಕೆ ಕಂಡಿದೆ. ಬೆಂಗಳೂರಿನಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ಗೆ 74.79 ರೂಪಾಯಿ ಇದೆ. ಇನ್ನು ಡೀಸೆಲ್ ದರ 67.14 ರೂಪಾಯಿ ಇದೆ.
ಪ್ರತಿ ಲೀಟರ್ ಪೆಟ್ರೋಲ್ಗೆ ಹೈದರಾಬಾದ್ ದಲ್ಲಿ 75.22, ದೆಹಲಿ 72.46, ಚೆನ್ನೈ 76.60, ಮುಂಬೈ, 79.49, ಮೈಸೂರು 74.43, ನೋಯ್ಡಾ 74.97 ರೂಪಾಯಿ ಇದೆ.