ಧೈರ್ಯಶಾಲಿಗಳ ಸಾಲಿಗೆ ಸೇರಿಸಿ ರವಿ ಶಾಸ್ತ್ರಿಗೆ ಶುಭಕೋರಿದ ಕೊಹ್ಲಿ…

ರವಿ ಶಾಸ್ತ್ರಿ ಅವರನ್ನು ಧೈರ್ಯಶಾಲಿಗಳ ಸಾಲಿಗೆ ಸೇರಿಸಿದ ವಿರಾಟ್ ಕೊಹ್ಲಿ 58 ನೇ ಹುಟ್ಟುಹಬ್ಬದ ಶುಭಾಶಯಗಳನ್ನು ಕೋರಿದ್ದಾರೆ.

ಹಲವರಲ್ಲಿ ಆತ್ಮವಿಶ್ವಾಸವಿರುತ್ತದೆ ಆದರೆ ಕೆಲವರು ಮಾತ್ರ ಧೈರ್ಯಶಾಲಿಗಳಾಗಿರುತ್ತಾರೆಂದು ವರ್ಣಿಸಿ ರವಿ ಶಾಸ್ತ್ರಿಗೆ ಕೋಹ್ಲಿ ಶುಭಕೋರಿದ್ದಾರೆ. ಭಾರತದ ನಾಯಕ ವಿರಾಟ್ ಕೊಹ್ಲಿ ಸೋಷಿಯಲ್ ಮೀಡಿಯಾದ ಮೂಲಕ ಮುಖ್ಯ ಕೋಚ್ ರವಿಶಾಸ್ತ್ರಿ ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳನ್ನು ತಿಳಿಸಿದ್ದಾರೆ.

ಕೋವಿಡ್ -19 ಸಾಂಕ್ರಾಮಿಕ ರೋಗದಿಂದಾಗಿ ಅಮಾನತುಗೊಂಡು ಸ್ಪರ್ಧಾತ್ಮಕ ಕ್ರಿಕೆಟ್‌ನಿಂದ ದೂರದಲ್ಲಿರುವ ರವಿಶಾಸ್ತ್ರಿ ಬುಧವಾರ 58 ನೇ ವರ್ಷಕ್ಕೆ ಕಾಲಿಟ್ಟಿದ್ದು ಕಳೆದ ಕೆಲವು ವರ್ಷಗಳ ಬಳಿಕ ಅಲಿಬಾಗ್‌ನಲ್ಲಿರುವ ತಮ್ಮ ಮನೆಯಲ್ಲಿ ತಮ್ಮ ವಿಶೇಷ ದಿನವನ್ನು ಕಳೆಯುತ್ತಿದ್ದಾರೆ.

“ಹಲವರು ಆತ್ಮವಿಶ್ವಾಸ ತೋರುತ್ತಿದ್ದಾರೆ. ಆದರೆ ಕೆಲವರು ಮಾತ್ರ ಧೈರ್ಯಶಾಲಿಗಳು. ಜನ್ಮದಿನದ ಶುಭಾಶಯಗಳು ರವಿ ಭಾಯ್. ಗಾಡ್ ಬ್ಲೆಸ್ ಯು # ಥ್ರೋಬ್ಯಾಕ್” ಎಂದು ವಿರಾಟ್ ಕೊಹ್ಲಿ ಟ್ವಿಟ್ಟರ್ ನಲ್ಲಿ ಬರೆದಿದ್ದಾರೆ.

https://twitter.com/imVkohli/status/1265511916316897283

ವಿರಾಟ್ ಕೊಹ್ಲಿ ನೇತೃತ್ವದ ಭಾರತೀಯ ತಂಡವು ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಹೊಸ ಮೈಲಿಗಲ್ಲುಗಳನ್ನು ಸಾಧಿಸಲು ಶಾಸ್ತ್ರಿ ಸಹಾಯ ಮಾಡುತ್ತಿದ್ದಾರೆ. ಬ್ಯಾಟಿಂಗ್ ಮತ್ತು ಬೌಲಿಂಗ್ ಆಟಗಾರನಾಗಿ ಭಾರತೀಯ ತಂಡಕ್ಕೆ ನಂಬಲಾಗದಷ್ಟು ಉತ್ತಮ ಸಾಧನೆ ಮಾಡಿದ್ದಾರೆ. ಶಾಸ್ತ್ರಿ 1981 ಮತ್ತು 1992 ರ ನಡುವೆ ಟೆಸ್ಟ್ ಮತ್ತು ಏಕದಿನ ಪಂದ್ಯಗಳಲ್ಲಿ ಭಾರತದ ರಾಷ್ಟ್ರೀಯ ಕ್ರಿಕೆಟ್ ತಂಡದ ಆಟಗಾರನಾಗಿ ಪ್ರತಿನಿಧಿಸಿದರು.

ಎಡಗೈ ಸ್ಪಿನ್ ಬೌಲರ್ ಆಗಿ ಅವರು ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರೂ, ಬ್ಯಾಟಿಂಗ್ ಆಲ್ರೌಂಡರ್ ಆಗಿ ರೂಪಾಂತರಗೊಂಡವರು. 12 ವರ್ಷಗಳ ವೃತ್ತಿಜೀವನದಲ್ಲಿ, ಶಾಸ್ತ್ರಿ ಟೆಸ್ಟ್ ಪಂದ್ಯಗಳಲ್ಲಿ 3,830 ರನ್ ಗಳಿಸಿದ್ದಾರೆ ಮತ್ತು 151 ವಿಕೆಟ್ ಪಡೆದಿದ್ದಾರೆ.

1985 ರಲ್ಲಿ ಟೀಮ್ ಇಂಡಿಯಾ ಕ್ರಿಕೆಟ್‌ನ ಬೆನ್ಸನ್ ಮತ್ತು ಹೆಡ್ಜಸ್ ವಿಶ್ವ ಚಾಂಪಿಯನ್‌ಶಿಪ್ ಗೆಲ್ಲಲು ಸಹಾಯ ಮಾಡಿದಾಗ ಆಟಗಾರನಾಗಿ ಅವರ ಪ್ರಮುಖ ಸಾಧನೆ ಸಿಕ್ಕಿತು. ಅವರು ಆಟಗಾರನಾಗಿ ಅನೇಕ ಆಸಕ್ತಿದಾಯಕ ದಾಖಲೆಗಳನ್ನು ಹೊಂದಿದ್ದಾರೆ.

https://twitter.com/BCCI/status/1265499087689973761

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights