ಕೊರೊನಾ ವಾರಿಯರ್ಸ್‌ಗೆ ಚಪ್ಪಾಳೆ ಹೊಡೆದ ಸರ್ಕಾರ ಸಂಬಳ ಕೊಟ್ಟಿಲ್ಲ: ಬಿಟ್ಟಿ ದುಡಿಸುತ್ತಿದೆ!

ಕೊರೊನಾ ವಾರಿಯರ್ಸ್‌ಗೆ ಚಪ್ಪಾಳೆ ಹೊಡೆದು, ಹೂ ಮಳೆ ಸುರಿಸಿದ ಸರ್ಕಾರ ಸಂಬಳವನ್ನಂತೂ ಕೊಟ್ಟಿಲ್ಲ. ಕಳೆದ ಆರು ತಿಂಗಳಿಂದ ಕೊರೊನಾನಿರ್ವಹಣೆಗೆ ಗುತ್ತಿಗೆ ಆಧಾರದಲ್ಲಿ ದುಡಿಯುತ್ತಿರುವ ಕೊರೊನಾ ವಾರಿಯರ್ಸ್‌ಗೆ ಎರಡು-ಮೂರು ತಿಂಗಳಿಂದ ಸಂಬಳವನ್ನೇ ನೀಡಿಲ್ಲ. ಇದರಿಂದಾಗಿ ಕೊರೊನಾ ವಾರಿಯರ್ಸ್‌ಗಳ ಜೀವನ ನಿರ್ವಹಣೆ ಸಂಕಷ್ಟಕ್ಕೆ ಸಿಲುಕಿದೆ.

ಗುತ್ತಿನ ಆಧಾರದಲ್ಲಿ 6 ತಿಂಗಳು ಅಥವಾ ಮುಂದಿನ ಆದೇಶದವರೆಗೆ ಎಂದು, ಪ್ರತಿ ಜಿಲ್ಲೆಗೆ 36 ಲ್ಯಾಬ್ ಟೆಕ್ನಿಷಿಯನ್ಸ್, 36 ಡೇಟಾ ಎಂಟ್ರಿ ಆಪರೇಟರ್‌ಗಳು, 36 ಡಿ ಗ್ರೂಪ್ ನೌಕರರು ಸೇರಿದಂತೆ ಒಟ್ಟು 108 ಜನರನ್ನು ಸರ್ಕಾರ ನೇಮಿಸಿಕೊಂಡಿತ್ತು. ಅವರನ್ನು ನೇಮಿಸುವಾಗ ಮಾಸಿಕವಾಗಿ 10 ಸಾವಿರ ಗೌರವಧನ ಹಾಗೂ ಪ್ರತಿ ತಪಾಸನೆಗೆ 15 ರೂ. ಇಂನ್ಸೆಂಟೆವ್ ನೀಡುವುದಾಗಿ ಕೂಡಾ ಸರ್ಕಾರ ಹೇಳಿಕೊ0ಡಿತ್ತು.‌

ಆದರೆ ಇದೀಗ ಮೂರು ತಿಂಗಳಿನಿಂದ ಸಂಬಳ ಕೊಡದೆ ಕೊರೊನಾ ವಾರಿಯರ್ಸ್‌ಗಳನ್ನು ದುಡಿಸುತ್ತಿದೆ ಎಂದು ಆರೋಪಿಸಲಾಗಿದೆ. ಅಷ್ಟೇ ಅಲ್ಲದೆ ಮಾಸ್ಕ್ ಹಾಕದೆ ಇದ್ದರೆ ಸಾರ್ವಜನಿರಿಂದ ಭಾರಿ ದಂಡ ಪಡೆಯುತ್ತಿರುವ ಸರ್ಕಾರ, ಕೊರೊನಾ ವಾರಿಯರ್‌ಗಳು ಮಾಸ್ಕ್ ಕೇಳಿದರೆ ಮೂರು ದಿನಕ್ಕೊಂದರಂತೆ ಮಾಸ್ಕ್ ನೀಡಲಾಗುತ್ತಿದೆ ಎನ್ನಲಾಗಿದೆ. ಈ ತಿಂಗಳ ಆರಂಭದಲ್ಲಿ ಡಿ ಗ್ರೂಪ್ ನೌಕರರನ್ನು ನೌಕರಿಯಿಂದ ವಜಾ ಮಾಡಲಾಗಿದ್ದು, ಕಳೆದೊಂದು ವಾರದಿಂದ ಮದ್ಯಾಹ್ನದ ಊಟವು ನೀಡುತ್ತಿಲ್ಲ ಎಂದು ನೌಕರರು ಅಲವತ್ತುಕೊಂಡಿದ್ದಾರೆ.

“ನಮ್ಮನ್ನು ಮೇಲ್ವಿಚಾರಣೆ ಮಾಡುವ ಎಲ್ಲಾ ಅಧಿಕಾರಿಗಳೊಂದಿಗೂ ಸಂಬಳ ಕೊಡಿ ಎಂದು ಕೇಳಿಯೆ ಸುಸ್ತಾಗಿದೆ. ಯಾರೊಂದಿಗಾದರೂ ಸಾಲ ಕೇಳಿದರೆ ಕೊಡುವ ಪರಿಸ್ಥಿತಿಯಲ್ಲೂ ಯಾರೂ ಇಲ್ಲ. ಜೀವನ ನಿರ್ವಹಣೆಯೆ ಕಷ್ಟಕರವಾಗಿದೆ. ನಮ್ಮ ಕಷ್ಟಗಳಿಗೆ ಸ್ಪಂದಿಸುವವರೆ ಇಲ್ಲವಾಗಿದ್ದಾರೆ” ಎಂದು ಹೆಸರು ಹೇಳಲಿಚ್ಚಿಸದ ಲ್ಯಾಬ್ ಟೆಕ್ನೀಷಿಯನ್ ಒಬ್ಬರು ಹೇಳಿದ್ದಾರೆ.


ಇದನ್ನೂ ಓದಿ: ಬಿಎಸ್‌ವೈ ವಿರುದ್ಧ ಯತ್ನಾಳ್ ಬಂಡಾಯ: ಸಿಎಂಗೆ ಬಿಸಿತುಪ್ಪವಾಗಿರುವ ಯತ್ನಾಳ್ ಉದ್ದೇಶವೇನು?

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights