5 ಮಕ್ಕಳು-ಪತ್ನಿಯ ಮೇಲೆ ಕೊಡಲಿಯಿಂದ ಪತಿ ಹಲ್ಲೆ : ನಾಲ್ವರು ಸಾವು-ಇಬ್ಬರ ಸ್ಥಿತಿ ಗಂಭೀರ!

ಬಿಹಾರದ ಸಿವಾನ್ ಜಿಲ್ಲೆಯ ಅಲಿಮರ್ದನ್‌ಪುರ ಗ್ರಾಮದಿಂದ ಅಘಾತಗೊಳಿಸುವಂತ ಅಪರಾಧ ಪ್ರಕರಣವೊಂದು ವರದಿಯಾಗಿದೆ. ಒಬ್ಬ ಹುಚ್ಚು ತಂದೆ ತನ್ನ ಐದು ಮುಗ್ಧ ಮಕ್ಕಳು ಮತ್ತು ಹೆಂಡತಿಯ ಮೇಲೆ ಕೊಡಲಿಯಿಂದ ಹಲ್ಲೆ ಮಾಡಿದ್ದಾರೆ. ನಾಲ್ಕು ಮಕ್ಕಳು ಕೊಡಲಿಯಿಂದ ಸ್ಥಳದಲ್ಲೇ ಮೃತಪಟ್ಟರೆ, ಪತ್ನಿ ಮತ್ತು ಇನ್ನೊಂದು ಮಗು ಗಂಭೀರ ಸ್ಥಿತಿಯಲ್ಲಿದ್ದು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆಯ ನಂತರ ಆರೋಪಿ ಸ್ವತಃ ಆತ್ಮಹತ್ಯೆಗೆ ಯತ್ನಿಸಿದರೂ ಆತ ಬದುಕುಳಿದಿದ್ದಾನೆ ಎಂದು ಹೇಳಲಾಗುತ್ತಿದೆ. ಈ ಪ್ರಕರಣದಲ್ಲಿ ಪೊಲೀಸರು ಈಗ ಆತನನ್ನು ಬಂಧಿಸಿದ್ದು ಆತನಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.

ಈ ಪ್ರಕರಣದ ಆರೋಪಿಯ ಹೆಸರು ಅವಧೇಶ್ ಚೌಧರಿ. ಹಲ್ಲೆ ಬಳಿ ಆತ ಪೊಲೀಸರನ್ನು ಕರೆದು ಘಟನೆಯ ಬಗ್ಗೆ ತಿಳಿಸಿದ್ದಾನೆ. ಸಾವನ್ನಪ್ಪಿದವರಲ್ಲಿ ಅವಧೇಶ್ ಅವರ ಪುತ್ರಿ ಜ್ಯೋತಿ ಕುಮಾರಿ, ಪುತ್ರರಾದ ಅಭಿಷೇಕ್, ಮುಖೇಶ್ ಮತ್ತು ಭೋಲಾ ಸೇರಿದ್ದಾರೆ. ಈ ಸಮಯದಲ್ಲಿ ಎರಡನೇ ಮಗಳು ಅಂಜಲಿ ಮತ್ತು ಪತ್ನಿ ರೀಟಾ ದೇವಿ ಗಂಭೀರವಾಗಿ ಗಾಯಗೊಂಡಿದ್ದು, ಇಬ್ಬರನ್ನೂ ಪಾಟ್ನಾ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಘಟನೆ ಭಾನುವಾರ ತಡರಾತ್ರಿ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಕೊಲೆಗೆ ಕಾರಣವನ್ನು ಆರೋಪಿಗಳನ್ನು ಕೇಳಿದಾಗ, “ಇದು ನನ್ನ ಮನಸ್ಸಿಗೆ ಬಂದು ಅದನ್ನು ಮಾಡಿದೆ” ಎಂದು ಹೇಳಿದ್ದಾನೆ. ಈ ಸಂದರ್ಭದಲ್ಲಿ, ಅವಧೇಶ್ ಅವರು ಮಕ್ಕಳನ್ನು ಕೊಂದ ನಂತರ, ಸಿವಾನ್‌ನ ಡಿಎಂ ಮತ್ತು ಎಸ್‌ಪಿ ಅವರ ಅಧಿಕೃತ ಮೊಬೈಲ್ ಸಂಖ್ಯೆಗೆ ಕರೆ ಮಾಡಿದ್ದಾರೆ, ಆದರೆ ಯಾರಿಗೂ ಕರೆ ಬಂದಿಲ್ಲ. ಇದರ ನಂತರ ಭಗವಾನ್‌ಪುರ ಹಾತ್ ಪೊಲೀಸ್ ಠಾಣೆಗೆ ಕರೆ ಮಾಡಿ ಘಟನೆಯ ಬಗ್ಗೆ ಸ್ವತಃ ಪೊಲೀಸರಿಗೆ ಮಾಹಿತಿ ನೀಡಿದರು. ನಂತರ ಪೊಲೀಸ್ ತಂಡ ಸ್ಥಳಕ್ಕೆ ತಲುಪಿದೆ.

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights