ಮರಗಳನ್ನು ಕಡಿಯಲು ನಿರಾಕರಿಸಿದ ದಲಿತ ಪತಿ : ಮಕ್ಕಳೆದುರೇ ಗರ್ಭಿಣಿ ಪತ್ನಿ ಮೇಲೆ ಅತ್ಯಾಚಾರ!

ಮರಗಳನ್ನು ಕಡಿಯಲು ನಿರಾಕರಿಸಿದ್ದಕ್ಕೆ ದಲಿತನ ಮೇಲಿನ ಕೋಪಕ್ಕೆ ಗರ್ಭಿಣಿ ಮಹಿಳೆ ಮೇಲೆ ಮಕ್ಕಳೆದುರೇ ಅತ್ಯಾಚಾರ ಮಾಡಿದ ದಾರುಣ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ.

ಮಧ್ಯಪ್ರದೇಶದ ಹತ್ರಪುರ ಜಿಲ್ಲೆಯಿಂದ ಈ ಆಘಾತಕಾರಿ ಪ್ರಕರಣ ಬೆಳಕಿಗೆ ಬಂದಿದೆ. ಆರೋಪಿಗಳ ಒಡೆತನದ ಜಮೀನಿನಲ್ಲಿ ಕೆಲವು ಮರಗಳಿದ್ದವು. ಕಾರ್ಮಿಕರಾಗಿ ಕೆಲಸ ಮಾಡುತ್ತಿದ್ದ ದಲಿತನೋರ್ವನಿಗೆ ಆರೋಪಿ ಆ ಮರಗಳನ್ನು ಕಡಿಯಲು ತಿಳಿದ್ದನು. ಆದರೆ ದಲಿತ ಕಾರ್ಮಿಕ ಅನಾರೋಗ್ಯದಿಂದ ಬಳಲುತ್ತಿದ್ದರಿಂದ ಮರ ಕಡಿಯಲು ಒಪ್ಪಲಿಲ್ಲ. ಹೀಗಾಗಿ ಆತನನ್ನು ಥಳಿಸಲಾಗಿದೆ.

ನಂತರ ಕಾರ್ಮಿಕನ ಮನೆಗೆ ಹೋಗಿ ಆತನ ಗರ್ಭಿಣಿ ಹೆಂಡತಿಯ ಮೇಲೆ ಹಲ್ಲೆ ಮಾಡಲಾಗಿದೆ. ಮಾತ್ರವಲ್ಲದೇ ಅವರನ್ನು ಅಪಹರಿಸಿ ನಾಲ್ಕು ದಿನಗಳವರೆಗೆ ಹಿಂಸಿಸಲಾಗಿದೆ.

ಪತ್ರಕರ್ತರೊಬ್ಬರು ಈ ವಿಷಯದ ಬಗ್ಗೆ ತಿಳಿದುಕೊಂಡು ಸ್ಥಳೀಯ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ತರುವಾಯ, ಪೊಲೀಸರು ಬುಧವಾರ ದಲಿತ ಕುಟುಂಬವನ್ನು ರಕ್ಷಿಸಿ ಚಿಕಿತ್ಸೆಗಾಗಿ ಹತ್ತಿರದ ಆಸ್ಪತ್ರೆಗೆ ದಾಖಲಿಸಿದೆ. ಇದರ ಬೆನ್ನಲ್ಲೇ ಪೊಲೀಸರು ಪ್ರಕರಣ ದಾಖಲಿಸಿ ಆರೋಪಿಗಳನ್ನು ಬಂಧಿಸಿದ್ದಾರೆ. ಆರೋಪಿ ಇಬ್ಬರು ಸಹಚರರನ್ನು ಬಂಧಿಸಲು ಪ್ರಯತ್ನಿಸಲಾಗುತ್ತಿದೆ.

ಗುರುವಾರ, ಕಾರ್ಮಿಕರ ಪತ್ನಿ ತನ್ನ ಮಕ್ಕಳ ಮುಂದೆ ಪ್ರಧಾನ ಶಂಕಿತ ತನ್ನ ಮೇಲೆ ಅತ್ಯಾಚಾರ ಎಸಗಿದ್ದಾನೆ ಎಂದು ಸ್ಫೋಟಕ ಹೇಳಿಕೆ ನೀಡಿದ್ದಾಳೆ. ಆದರೆ ಪೊಲೀಸರು ಇದನ್ನು ಎಫ್‌ಐಆರ್‌ನಲ್ಲಿ ಉಲ್ಲೇಖಿಸಿಲ್ಲ. ಮೂವರು ಆರೋಪಿಗಳ ಮೇಲೆ ಭಾರತೀಯ ದಂಡ ಸಂಹಿತೆಯಡಿ ನೋವು, ಅಪಹರಣ ಮತ್ತು ಅಶ್ಲೀಲ ಆರೋಪ ಹೊರಿಸಲಾಗಿದೆ. ಅವರ ವಿರುದ್ಧ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡ (ದೌರ್ಜನ್ಯ ತಡೆ) ಕಾಯ್ದೆಯಡಿ ಆರೋಪಗಳನ್ನು ವಿಧಿಸಲಾಗಿದೆ.

ಮಾತ್ರವಲ್ಲದೇ ಮಹಿಳೆ ಅತ್ಯಾಚಾರಕ್ಕೊಳಗಾಗಿದ್ದಾಳೆ ಎಂದು ಅವರಿಗೆ ತಿಳಿಸಿಲ್ಲ ಎಂದು ಪೊಲೀಸರು ವಾದಿಸುತ್ತಾರೆ. “ಮಹಿಳೆ ತನ್ನ ದೇಹದ ಮೇಲೆ ಗಾಯದ ಗುರುತುಗಳನ್ನು ಹೊಂದಿದ್ದಾಳೆ ಮತ್ತು ಆಕೆಯ ದೂರಿನಲ್ಲಿ, ದೈಹಿಕ ಹಿಂಸೆಯ ಬಗ್ಗೆ ಮಾತ್ರ ಮಾಹಿತಿ ನೀಡಿದ್ದಾಳೆ. ಯಾವುದೇ ಲೈಂಗಿಕ ದೌರ್ಜನ್ಯದ ಬಗ್ಗೆ ಅವಳು ನಮಗೆ ತಿಳಿಸಿಲ್ಲ”ಎಂದು ಹತ್ತರ್‌ಪುರ ಎಸ್‌ಪಿ ಸಚಿನ್ ಶರ್ಮಾ ಹೇಳಿದ್ದಾರೆ.

ಮತ್ತೊಂದು ಘಟನೆಯಲ್ಲಿ, ಉತ್ತರ ಪ್ರದೇಶದ ಮುಜಫರ್ನಗರ ಜಿಲ್ಲೆಯ ಭೋಪಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ 17 ವರ್ಷದ ಬಾಲಕಿಯೊಬ್ಬಳು ತನ್ನ ನೆರೆಹೊರೆಯವರಿಂದ ಲೈಂಗಿಕ ದೌರ್ಜನ್ಯಕ್ಕೆ ಒಳಗಾಗಿದ್ದಾಳೆ.

ಗುರುವಾರ ಸಂಜೆ ಆರೋಪಿ ನಾಸಿರ್ ಅಪ್ರಾಪ್ತ ಬಾಲಕಿಗೆ ತನ್ನ ಅತ್ತಿಗೆ ತನ್ನನ್ನು ಭೇಟಿಯಾಗಲು ಬಯಸಿದ್ದಾಗಿ ತಿಳಿಸಿ ಅವಳನ್ನು ತನ್ನ ಮನೆಗೆ ಕರೆದೊಯ್ದು ಅತ್ಯಾಚಾರ ಎಸಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights