ಕೊರೊನಾದಿಂದ ಮಕ್ಕಳ ಮಾನಸಿಕ ಆರೋಗ್ಯ ಹದಗೆಟ್ಟಿದ್ದರೆ ಪೋಷಕರು ಮಾಡಬೇಕಾದ ಪ್ರಮುಖ ಕೆಲಸವಿದು…
12 ವರ್ಷದ ಶರತ್ (ಹೆಸರು ಬದಲಿಸಲಾಗಿದೆ) ಒಬ್ಬ ಬುದ್ಧಿವಂತ. ಹೊರಹೋಗಿ ಆಡುವ ಹುಡುಗ. ಕಳೆದ ವರ್ಷದಲ್ಲಿ ಅವನ ಹೆತ್ತವರು ಅವನ ನಡವಳಿಕೆಯಲ್ಲಿ ಹಲವಾರು ಬದಲಾವಣೆಗಳನ್ನು ಗಮನಿಸಲಾರಂಭಿಸಿದರು. ಲಾಕ್‌ಡೌನ್‌ಗಳು, ಶಾಲೆಗಳ ಮುಚ್ಚುವಿಕೆ, ಸ್ನೇಹಿತರನ್ನು ಭೇಟಿಯಾಗಲು ಅಸಮರ್ಥತೆ, ಹೊರಗೆ ಹೋಗಿ ಆಟವಾಡದೇ ಇರುವುದು ಶರತ್ ಮೇಲೆ ತೀವ್ರ ಪರಿಣಾಮ ಬೀರಿದೆ ಎಂದು ಅವರ ಪೋಷಕರು ಹೇಳುತ್ತಾರೆ. ಮಾತ್ರವಲ್ಲ ಶರತ್ ಆನ್‌ಲೈನ್ ತರಗತಿಗಳನ್ನು ಗಮನಹರಿಸುವುದಿಲ್ಲ. ಅವರ ಹಸಿವು ಕಡಿಮೆಯಾಗಿದೆ ಮತ್ತು ಸಾಮಾನ್ಯವಾಗಿ ಹರ್ಷದಿಂದ ಲವಲವಿಕೆಯಿಂದ ಇರುತ್ತಿದ್ದ ಅವನು ತುಂಬಾ ಶಾಂತ ಮತ್ತು ಚಿಂತಾಜನಕವಾಗಿದ್ದಾನೆ. ಶರತ್ ಈ ತನ್ನ ಸಮಸ್ಯೆಗಳಿಂದ ಹೊರಬರಲು ಹಲವಾರು ಸುತ್ತಿನ ಸಮಾಲೋಚನಾ ಅವಧಿಗಳನ್ನು ತೆಗೆದುಕೊಂಡನು.
ಸಾಂಕ್ರಾಮಿಕ ರೋಗದಿಂದಾಗಿ ಶರತ್‌ನಂತೆ ಕಳೆದ ಎರಡು ವರ್ಷಗಳಲ್ಲಿ ಹಲವಾರು ಮಕ್ಕಳ ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಉಂಟಾಗಿದೆ. ಇದನ್ನು ಪೋಷಕರು ನಿರ್ಲಕ್ಷ್ಯ ಮಾಡಿದರೆ ಹಲವಾರು ತೊಂದರೆಗಳನ್ನು ಅನುಭವಿಸಬೇಕಾಗುತ್ತದೆ ಎನ್ನುತ್ತಾರೆ ವೈದ್ಯರು. ಯುನಿಸೆಫ್ ವರದಿಯ ಪ್ರಕಾರ, ಭಾರತದಲ್ಲಿ ಸುಮಾರು 15 ರಿಂದ 24 ವರ್ಷ ವಯಸ್ಸಿನವರಲ್ಲಿ 14 ಪ್ರತಿಶತ ಮಕ್ಕಳು ಅಥವಾ 7 ರಲ್ಲಿ ಒಬ್ಬರು ಸಾಮಾನ್ಯವಾಗಿ ಖಿನ್ನತೆ ಅಥವಾ ಕೆಲಸ ಮಾಡುವಲ್ಲಿ ಸ್ವಲ್ಪ ಆಸಕ್ತಿ ಹೊಂದಿರದೇ ಇರುವುದು ವರದಿಯಾಗಿದೆ.
ಅದೇ ವರದಿಯಲ್ಲಿ, 10-19 ವಯಸ್ಸಿನ 7 ರಲ್ಲಿ 1 ಕ್ಕಿಂತ ಹೆಚ್ಚು ಹದಿಹರೆಯದವರು ಜಾಗತಿಕವಾಗಿ ರೋಗನಿರ್ಣಯದ ಮಾನಸಿಕ ಅಸ್ವಸ್ಥತೆಯೊಂದಿಗೆ ಬಳಲುತಿದ್ದಾರೆ ಎಂದು ಅಂದಾಜಿಸಲಾಗಿದೆ.
ಅಕ್ಟೋಬರ್ 10 ರಂದು ಬರುವ ವಿಶ್ವ ಮಾನಸಿಕ ಆರೋಗ್ಯ ದಿನದಂದು, ದಿ ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್ ಮನೋವೈದ್ಯರೊಂದಿಗೆ ಮಕ್ಕಳಲ್ಲಿ ಸಾಂಕ್ರಾಮಿಕ ರೋಗದ ಪರಿಣಾಮಗಳ ಬಗ್ಗೆ ಮತ್ತು ತಮ್ಮ ಮಗುವಿಗೆ ಮಾನಸಿಕ ಆರೋಗ್ಯ ಸಮಸ್ಯೆಗಳಿದ್ದರೆ ಪೋಷಕರು ಹೇಗೆ ಗುರುತಿಸಬಹುದು ಎಂಬುದರ ಕುರಿತು ಮಾತನಾಡಿದರು. ಈ ವರ್ಷದ ವಿಶ್ವ ಮಾನಸಿಕ ಆರೋಗ್ಯ ದಿನದ ಥೀಮ್, ‘ಅಸಮಾನ ಜಗತ್ತಿನಲ್ಲಿ ಮಾನಸಿಕ ಆರೋಗ್ಯ’ ಆಗಿತ್ತು.
“ಮನೆಯಲ್ಲಿದ್ದಾಗ ಮಕ್ಕಳು ತಮ್ಮ ಗೆಳೆಯರೊಂದಿಗೆ ಸಂವಹನ ನಡೆಸುವುದನ್ನು ಸೀಮಿತಗೊಳಿಸಲಾಗಿದೆ. ವಯಸ್ಸಿಗೆ ಸೂಕ್ತವಾದ ಚಟುವಟಿಕೆಗಳನ್ನು ನಿರ್ಬಂಧಿಸಲಾಗಿದೆ. ಇದು ಹಲವಾರು ಸಮಸ್ಯೆಗಳಿಗೆ ಕಾರಣವಾಗಿದೆ. ದಿನಚರಿಗಳು, ಶಿಕ್ಷಣ, ಮನರಂಜನಾ ಚಟುವಟಿಕೆಗಳಿಗೆ ಅಡ್ಡಿಪಡಿಸುವುದು ಅನೇಕ ಮಕ್ಕಳನ್ನು ಭಯ, ಕೋಪಕ್ಕೆ ತಳ್ಳುತ್ತದೆ ” ಎಂದು ಪುದುಕೊಟ್ಟೈ ಜಿಲ್ಲಾ ಮನೋವೈದ್ಯರು, ಡಾ. ಕಾರ್ತಿಕ್ ದೈವನಾಯಗಂ ಹೇಳುತ್ತಾರೆ.
ಮಗುವಿನ ಸಾಮಾಜಿಕ ಬೆಳವಣಿಗೆಗೆ ಶಾಲೆಗಳು ಬಹಳ ಮುಖ್ಯ ಎಂದು ವೈದ್ಯರು ಹೇಳುತ್ತಾರೆ. ವೈದ್ಯರ ಪ್ರಕಾರ ಶಾಲೆಗಳಲ್ಲಿ ನಡೆಯುವ ಬೆಳವಣಿಗೆಯನ್ನು ಆನ್‌ಲೈನ್ ತರಗತಿಗಳಿಂದ ಬದಲಿಸಲು ಸಾಧ್ಯವಿಲ್ಲ.
“ಮಕ್ಕಳಿಗೆ ಆನ್‌ಲೈನ್ ತರಗತಿಗಳಲ್ಲಿ ಅಗತ್ಯವಾದ ಗಮನವಿರುವುದಿಲ್ಲ. ನಾವು ಶಾಲೆಗೆ ಹೋಗದ 2-3 ವರ್ಷ ವಯಸ್ಸಿನ ಮಕ್ಕಳಲ್ಲಿ ಮಾತು ವಿಳಂಬವನ್ನು ಗಮನಿಸುತ್ತಿದ್ದೇವೆ. ಅವರ ಪರಸ್ಪರ ಕ್ರಿಯೆಯನ್ನು ನಿರ್ಬಂಧಿಸಿರುವುದರಿಂದ, ಅನೇಕ ಮಕ್ಕಳು ಮಾತನ್ನು ವಿಳಂಬವಾಗಿ ಆಡುವುದನ್ನು ನಾವು ಗಮನಿಸಿದ್ದೇವೆ.
ನಮ್ಮ ದೇಶದಲ್ಲಿ ವಯಸ್ಕರಲ್ಲಿ ಬಹಳ ಕಡಿಮೆ ಪ್ರಮಾಣದಲ್ಲಿ ಮಾನಸಿಕ ಆರೋಗ್ಯ ಸಮಸ್ಯೆ ಕಾಡುತ್ತದೆ. ಇದೇ ರೀತಿ ಮಕ್ಕಳಲ್ಲೂ ಸಂಭವಿಸುತ್ತದೆ. ಪೋಷಕರು ತಮ್ಮ ಮಕ್ಕಳಲ್ಲಿ ಆಗುವ ಬದಲಾವಣೆಗಳ ಬಗ್ಗೆ ತಿಳಿದಿರಬೇಕು ಮತ್ತು ಸಕಾಲಿಕ ವೈದ್ಯರ ಸಹಾಯವನ್ನು ಪಡೆಯಬೇಕು ಎನ್ನುತ್ತಾರೆ.
ಮಕ್ಕಳು 14 ನೇ ವಯಸ್ಸಿಗೆ ಮಾನಸಿಕ ಆರೋಗ್ಯ ಸಮಸ್ಯೆಗಳನ್ನು ಬೆಳೆಸಿಕೊಳ್ಳುತ್ತಾರೆ ಎಂದು ವೈದ್ಯರು ಹೇಳುತ್ತಾರೆ. ಆದರೆ ಇದು 10 ವರ್ಷಗಳ ನಂತರ ಕಾಣಿಸಿಕೊಳ್ಳುತ್ತದೆ.
“13-19 ವಯಸ್ಸಿನಲ್ಲಿ ಮಾನಸಿಕ ಆರೋಗ್ಯ ಸಮಸ್ಯೆಗಳು ಸಾಮಾನ್ಯವಾಗಿದೆ. ಈ ವಯಸ್ಸಿನವರ ಆತ್ಮಹತ್ಯೆಗೆ ಇದು ಒಂದು ಪ್ರಮುಖ ಕಾರಣವಾಗಿದೆ. ಶೇ. 75-85 ರಷ್ಟು ಜನರು ತಮ್ಮ ಮಾನಸಿಕ ಆರೋಗ್ಯ ಸಮಸ್ಯೆಗಳಿಗೆ ಚಿಕಿತ್ಸೆ ಪಡೆಯುವುದಿಲ್ಲ. ಇದಕ್ಕೆ ಕಾರಣ ಸಾಮಾಜಿಕ ಅಸಮಾನತೆ. ಚಿಕಿತ್ಸೆಗೆ ಪ್ರವೇಶದ ಕೊರತೆಯಿಂದಾಗಿ, ಮಾನಸಿಕ ಆರೋಗ್ಯದ ಬಗ್ಗೆ ವಿಚಾರಿಸಿದಾಗ ಹುಟ್ಟಿಕೊಳ್ಳುವ ಕಳಂಕದಿಂದಾಗಿ ಚಿಕಿತ್ಸೆ ಪಡೆಯುವುದಿಲ್ಲ. ಒಂದು ವೇಳೆ ಇದಕ್ಕೆ ಚಿಕಿತ್ಸೆ ನೀಡದೇ ಹೋದಲ್ಲಿ ಇದು ಹಿಂಸೆ, ಮಾದಕ ದ್ರವ್ಯ ಸೇವನೆಯಾಗಿ ಹೊರಹೊಮ್ಮುತ್ತದೆ “ಎಂದು ಕ್ಲಿನಿಕಲ್ ಮನಶ್ಶಾಸ್ತ್ರಜ್ಞ ಡಾ. ಹೇಳುತ್ತಾರೆ.
ಮಾನಸಿಕ ಆರೋಗ್ಯ ಸಮಸ್ಯೆಗಳನ್ನು ಪರಿಹರಿಸಲು ಸಾಮಾಜಿಕ ಸಮಾನತೆ ಅಗತ್ಯವಿದೆ ಎಂದು ಅವರು ಹೇಳುತ್ತಾರೆ. ಪೋಷಕರು ಗಮನಿಸಬೇಕಾದ ಸೂಕ್ಷ್ಮ ಚಿಹ್ನೆಗಳು ಇವೆ ಎಂದು ವೈದ್ಯರು ಹೇಳುತ್ತಾರೆ.
“ಮಗು ತನ್ನನ್ನು ಪ್ರತ್ಯೇಕಿಸಿಕೊಳ್ಳುತ್ತಿದ್ದರೆ, ಹೆಚ್ಚು ಮಾತನಾಡದೆ, ತಿನ್ನುವುದರಲ್ಲಿ ಗಡಿಬಿಡಿಯಾಗುತ್ತಿದ್ದರೆ, ಮಧ್ಯರಾತ್ರಿಯಲ್ಲಿ ಅಳುತ್ತಾ, ಏನಾದರೂ ಕೆಟ್ಟದ್ದಾಗುತ್ತಿದೆ ಎಂದು ಊಹಿಸಿಕೊಳ್ಳುತ್ತಿದ್ದರೆ, ಅದು ಸಹಾಯಕ್ಕಾಗಿ ಒಂದು ಕೂಗು ಆಗಿರಬಹುದು. ಮಕ್ಕಳ ದಿನಚರಿಯಲ್ಲಿ/ನಡವಳಿಕೆಯಲ್ಲಿ ಯಾವುದೇ ಬದಲಾವಣೆಯಾಗಬಹುದು ಅದನ್ನು ಪೋಷಕರು ಗಮನಿಸಬೇಕು. ನೀವು ಬದಲಾವಣೆಯನ್ನು ಗಮನಿಸಿದರೆ ನಿಮ್ಮ ಮಗುವನ್ನು ಗದರಿಸಬೇಡಿ, ಅವನು ಅಥವಾ ಅವಳು ಇನ್ನಷ್ಟು ಗಾಬರಿಯಾಗಬಹುದು” ಎಂದು ವೈದ್ಯರು ಸೂಚಿಸುತ್ತಾರೆ.
