ಫ್ಯಾಕ್ಟ್ಚೆಕ್: ಸಾಧುವಿನ ಮೇಲೆ ಹಲ್ಲೆ ನಡೆಸಿ, ಜುಟ್ಟು ಕತ್ತರಿಸಿದ್ದು ಮುಸ್ಲಿಂ ವ್ಯಕ್ತಿ ಎಂಬುದು ಸುಳ್ಳು
ಸಾಧು ಒಬ್ಬರ ಮೇಲೆ ಹಲ್ಲೆ ನಡೆಸಿ ಅವರ ಕೂದಲನ್ನು ಬಲವಂತವಾಗಿ ಕತ್ತರಿಸುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಘಟನೆಯನ್ನು ಸೋಶಿಯಲ್ ಮೀಡಿಯಾದಲ್ಲಿ ಕೋಮು ವೈಷಮ್ಯದ ನಿರೂಪಣೆಯೊಂದಿಗೆ ಹಂಚಿಕೊಳ್ಳಲಾಗುತ್ತಿದೆ. ಮಧ್ಯಪ್ರದೇಶದ ಖಾಂಡ್ವಾದಲ್ಲಿ ಮುಸ್ಲಿಂ ಯುವಕನೊಬ್ಬ ಸಾರ್ವಜನಿಕವಾಗಿ ಅಘೋರಿ ಸಾಧುವಿನ ಕೂದಲು ಮತ್ತು ಗಡ್ಡವನ್ನು ಬೋಳಿಸಿದ್ದಾನೆ ಎಂಬ ಕೋಮು ವೈಷಮ್ಯದ ಹೇಳಿಕೆಯೊಂದಿಗೆ ವಿಡಿಯೊವನ್ನು ಹಂಚಿಕೊಳ್ಳಲಾಗಿದೆ. ಈ ವಿಡಿಯೋ ಪೋಸ್ಟ್ನ ಸತ್ಯಾಸತ್ಯತೆಗಳನ್ನು ಪರಿಶೀಲಿಸೋಣ.
खंडवा में एक मुस्लिम युवक ने एक अघोरी साधु महाराज की जटाएऔर दाढ़ी सारे आम काटी इस सूअर की औलाद को जल्द से जल्द पकड़ा जाए सभी इस पोस्ट को ज्यादा से ज्यादा फॉरवर्ड करें इसे सख्त से सख्त हिंदू एक्ट में सजा होना, @khandwapolice @mpcyberpolice pic.twitter.com/jvTKsKmx0D
— जनसेवक अमन त्रिपाठी (@srirama10582874) May 30, 2022
Two incidents reported in a week in Madhya Pradesh:
1. Khandwa: A man named Praveen Gaur abused, assaulted & cut the hair of Sadhu
2. Neemuch: BJP worker Dinesh Kushwaha assaulted a mentally-ill elderly man Bhawarlal Jain, asked his Aadhaar card & asked if his name was Mohammed pic.twitter.com/3BUN8pBcCU
— Anshul Saxena (@AskAnshul) May 26, 2022
ಫ್ಯಾಕ್ಟ್ಚೆಕ್:
ವಿಡಿಯೊದ ಸ್ಕ್ರೀನ್ಶಾಟ್ ತೆಗೆದು ಗೂಗಲ್ InVid ನ ಕೀಫ್ರೇಮ್ ಅನಾಲಿಸಿಸ್ ಟೂಲ್ ಬಳಸಿ ಸರ್ಚ್ ಮಾಡಿದಾಗ, ಮೇ 24 ರಂದು ಪ್ರಕಟಿಸಲಾದ ABP ಲೈವ್ನ ವೀಡಿಯೊ ಲಭ್ಯವಾಗಿದೆ. ಕೀಫ್ರೇಮ್ಗಳ ಆಧಾರದಲ್ಲಿ ಗೂಗಲ್ ರಿವರ್ಸ್ ಇಮೇಜ್ ಸರ್ಚ್ ಮಾಡಿದಾಗ, ಎಬಿಪಿ ಲೈವ್ ವರದಿಯಲ್ಲಿ ವೈರಲ್ ವೀಡಿಯೊದ ಬಗೆಗಿನ ವಿವರಗಳಿದ್ದು, ಘಟನೆ ಮಧ್ಯಪ್ರದೇಶದ ಖಾಂಡ್ವಾದಲ್ಲಿ ನಡೆದಿದೆ ಎಂದು ಹೇಳುತ್ತದೆ. ವರದಿಯ ಪ್ರಕಾರ, ಆರೋಪಿಯು ಖಾಂಡ್ವಾದಲ್ಲಿ ರೆಸ್ಟೋರೆಂಟ್ ನಡೆಸುತ್ತಿರುವ ರಾಮದಾಸ್ ಗೌರ್ ಅವರ ಪುತ್ರ ಪ್ರವೀಣ್ ಗೌರ್ ಎಂದು ತಿಳಿದು ಬಂದಿದೆ. ಗೌರ್ ಅವರು ಸಾಧುವನ್ನು ಅವಾಚ್ಯವಾಗಿ ನಿಂದಿಸಿದಲ್ಲದೆ ಅವರನ್ನು ಹತ್ತಿರದ ಕ್ಷೌರದ ಅಂಗಡಿಗೆ ಎಳೆದೊಯ್ದು, ಸನ್ಯಾಸಿಯ ಕೂದಲನ್ನು ಬಲವಂತವಾಗಿ ಕತ್ತರಿಸಿದರು ಎಂದು ವರದಿ ಮಾಡಿದೆ.
Alt news ನ ಫ್ಯಾಕ್ಟ್ಚೆಕ್ ವರದಿಗಾರರಾದ Mohammed Zubair ಘಟನೆಯ ವಿಡಿಯೋವನ್ನು ತಮ್ಮ ಟ್ವಿಟರ್ನಲ್ಲಿ ಶೇರ್ ಮಾಡಿದ್ದು ಸಾಧುವಿನ ಮೇಲೆ ಹಲ್ಲೆ ನಡೆಸಿದ ವ್ಯಕ್ತಿಯು ಹಿಂದೂ ಸಮುದಾಯದ ವ್ಯಕ್ತಿ ಎಂದು ಹೇಳಿದ್ದು, ಈ ಘಟನೆಯು ಮಧ್ಯಪ್ರದೇಶದ ಖಾಂಡ್ವಾ ಪ್ರದೇಶದಲ್ಲಿ ನಡೆದಿದೆ ಎಂದು ಬರೆದಿದ್ದಾರೆ. ಪ್ರವೀಣ್ ಗೌರ್ ಎಂಬಾತ ಸಾರ್ವಜನಿಕರ ಸಮ್ಮುಖದಲ್ಲಿ ಅಘೋರಿ ಸಾಧುವಿನ ಮೇಲೆ ಹಲ್ಲೆ, ನಿಂದನೆ ಮಾಡಿ, ಆತನ ಕೂದಲನ್ನು ಕತ್ತರಿಸಿದ್ದಾನೆ. ಇದು ಸುದ್ದಿ ವಾಹಿನಿಗಳ ಹೆಡ್ಲೈನ್ನಲ್ಲಿ ಬರುವುದಿಲ್ಲ ಏಕೆಂದರೆ ಇದು ರಾಜಸ್ಥಾನ/ಮುಂಬೈನಲ್ಲಿ ಸಂಭವಿಸಿಲ್ಲ ಮತ್ತು ಆರೋಪಿಯು (BJP) ಪಕ್ಷಕ್ಕೆ ಸಂಬಂಧಿಸಿದ್ದಾನೆ ಎಂದು ಸೂಚ್ಯವಾಗಿ ಬರೆದಿದ್ದಾರೆ.
An Aghori Sadhu was assaulted, abused and his hair cut in front of public by Pravin Gaur in Khandwa, Madhya Pradesh. This will not make it to News Headlines because it didn't happen in Rajasthan/Mumbai and the accused is associated to a party.
*Use headphones, Abusive language* pic.twitter.com/v7FSemHAUk
— Mohammed Zubair (@zoo_bear) May 25, 2022
ಎಬಿಪಿ ಲೈವ್ ಸರ್ಚ್ ನಂತರ ನಾವು ಸಂಬಂಧಿತ ಮಾಹಿತಿಯೊಂದಿಗೆ ಕೀವರ್ಡ್ ಹುಡುಕಾಟವನ್ನು ನಡೆಸಿದಾಗ ಮೇ 28 ರಂದು ಎನ್ಡಿಟಿವಿ ಪ್ರಕಟಿಸಿದ ವರದಿಯು ಲಭ್ಯವಾಗಿದೆ. ವರದಿಯ ಪ್ರಕಾರ, ಮಧ್ಯಪ್ರದೇಶದ ಖಾಂಡ್ವಾದಲ್ಲಿರುವ ಪತಾಜನ್ ಗ್ರಾಮದ ಬುಡಕಟ್ಟು ಪ್ರದೇಶದಲ್ಲಿ ಈ ಘಟನೆ ನಡೆದಿದೆ. ಈ ಘಟನೆಯು ಖಾಂಡ್ವಾದ ಹಾತ್ ಬಜಾರ್ನಲ್ಲಿ ಮೇ 22 ರಂದು ಮಧ್ಯಾಹ್ನ ನಡೆದಿದೆ ಎಂದು ವರದಿಯಾಗಿದೆ. ಸಾಧು ಒಬ್ಬರು ಮಾರುಕಟ್ಟೆಯ ಬೀದಿಯೊಂದರಲ್ಲಿ ಭಿಕ್ಷೆ ಬೇಡುತ್ತಿದ್ದಾಗ ಆರೋಪಿಯು ಜಗಳಕ್ಕಿಳಿದ್ದಿದಾನೆ. ಇದಾದ ಬಳಿಕ ಪ್ರವೀಣ್ ಗೌರ್ ಸಾಧುವಿನ ಮೇಲೆ ಸಾರ್ವಜನಿಕರ ಎದುರಿಗೆ ಮಾರುಕಟ್ಟೆಯಲ್ಲಿ ಹಲ್ಲೆ ನಡೆಸಿದ್ದಾರೆ. ಆರೋಪಿ ಮದ್ಯ ಸೇವಿಸಿದ್ದ ಸ್ಥಿತಿಯಲ್ಲಿದ್ದ ಎನ್ನಲಾಗಿದೆ. ಘಟನೆಯ ನಂತರ, ನೆರೆದಿದ್ದ ಜನರು ಆರೋಪಿಯಿಂದ ಸಾಧುವನ್ನು ರಕ್ಷಿಸಿದರು ಎಂದು ವರದಿಯಲ್ಲಿ ಹೇಳಲಾಗಿದೆ. ಆದರೆ, ಘಟನೆಯ ನಂತರ ಸಾಧು ನಾಪತ್ತೆಯಾಗಿದ್ದು, ಖಾಂಡ್ವಾ ಪೊಲೀಸರು ಔಪಚಾರಿಕ ದೂರನ್ನು ದಾಖಲಿಸುವ ಸಲುವಾಗಿ ಸಾಧುವನ್ನು ಹುಡುಕುತ್ತಿದ್ದಾರೆ ಎಂದು ಠಾಣಾಧಿಕಾರಿ ಪರಶ್ರಾಮ್ ದಬರ್ ತಿಳಿಸಿದ್ದಾರೆ.
A Sadhu was assaulted in Khandwa, he was abused and his hair was chopped off. The accused Praveen Gaur has been arrested @ndtv @ndtvindia pic.twitter.com/drqGzbf4ih
— Anurag Dwary (@Anurag_Dwary) May 24, 2022
ಹಿಂದೂಸ್ತಾನ್ ಟೈಮ್ಸ್ ಈ ವಿಷಯದ ಕುರಿತು ವೀಡಿಯೊ ವರದಿಯನ್ನು ಸಹ ಪ್ರಕಟಿಸಿದೆ, ಅದನ್ನು ಮೇ 25 ರಂದು ಯೂಟ್ಯೂಬ್ಗೆ ಅಪ್ಲೋಡ್ ಮಾಡಲಾಗಿದೆ. ವೀಡಿಯೊ ವರದಿಯಲ್ಲಿ 1.29 ಮಾರ್ಕ್ನಲ್ಲಿ, ಖಾಂಡ್ವಾದಲ್ಲಿ ಪೊಲೀಸ್ ಅಧೀಕ್ಷಕ ವಿವೇಕ್ ಸಿಂಗ್ ಅವರ ಹೇಳಿಕೆಯನ್ನು ಕೇಳಬಹುದು. ಈ ವಿಷಯಕ್ಕೆ ಸಂಬಂಧಿಸಿದಂತೆ ಆರೋಪಿ ಪ್ರವೀಣ್ ಗೌರ್ ಅವರನ್ನು ಪೊಲೀಸ್ ಕಸ್ಟಡಿಯಲ್ಲಿ ಇರಿಸಿ ತನಿಖೆ ನಡೆಸುತ್ತಿದ್ದೇವೆ ಎಂದು ಅವರು ಹೇಳಿದ್ದಾರೆ.
ಲಾಜಿಕಲ್ ಇಂಡಿಯನ್ ಫ್ಯಾಕ್ಟ್ ಚೆಕ್ ತಂಡವು ವೈರಲ್ ವಿಡಿಯೋವನ್ನು ಪರಿಶೀಲಿಸಿದೆ ಮತ್ತು ಅದು ಸುಳ್ಳು ಎಂದು ಕಂಡುಹಿಡಿದಿದೆ. ಆರೋಪಿಯು ಹಿಂದೂ ಸಮುದಾಯಕ್ಕೆ ಸೇರಿದವನಾಗಿದ್ದು, ಇದರಲ್ಲಿ ಯಾವುದೇ ಕೋಮು ಹಿನ್ನಲೆಯಿಲ್ಲ ಎಂದು ವರದಿ ಮಾಡಿದೆ.
ಒಟ್ಟಾರೆಯಾಗಿ ಹೇಳುವುದಾದರೆ ಮೇ 22 ರಂದು ಸಾಧುವಿನ ಮೇಲೆ ಹಲ್ಲೆ ಮಾಡಿದ ವ್ಯಕ್ತಿಯು ಪ್ರವೀಣ್ ಗೌರ್ ಎಂದು ಗುರುತಿಸಲಾಗಿದ್ದು ಈತ ಹಿಂಧು ಸಮುದಾಯಕ್ಕೆ ಸೇರಿದ ವ್ಯಕ್ತಿ ಎಂದು ಗುರುತಿಸಲಾಗಿದೆ. ಆರೋಪಿ ಮಧ್ಯಪ್ರದೇಶದ ಖಾಂಡ್ವಾ ಬ್ಲಾಕ್ನ ಪತಾಜನ್ ಗ್ರಾಮದಲ್ಲಿ ರೆಸ್ಟೋರೆಂಟ್ ನಡೆಸುತ್ತಿದ್ದಾನೆ ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ ಹೇಳಿರುವಂತೆ ಹಲ್ಲೆ ನಡೆಸಿದ ವ್ಯಕ್ತಿಯು ಮುಸ್ಲಿಂ ಸಮುದಾಯದವನಲ್ಲ ಎಂದು ಪೊಲೀಸರು ಸ್ಪಷ್ಟ ಪಡೆಸಿದ್ದಾರೆ.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ: ಫ್ಯಾಕ್ಟ್ಚೆಕ್: ಮಾಜಿ ಪ್ರಧಾನಿ ದಿ.ಇಂದಿರಾ ಗಾಂಧಿಯವರ ಅಂತ್ಯಕ್ರಿಯೆಯನ್ನು ಇಸ್ಲಾಮಿಕ್ ವಿಧಾನದಲ್ಲಿ ಮಾಡಲಾಗಿದೆ ಎಂಬುದು ಸುಳ್ಳು

