ಫ್ಯಾಕ್ಟ್‌ಚೆಕ್ : ವಿಚಿತ್ರ ಮಗು ಜನಿಸಿದ್ದು ಉತ್ತರಪ್ರದೇಶದಲ್ಲಿ ಅಲ್ಲ, ಮಧ್ಯಪ್ರದೇಶದಲ್ಲಿ
‘ಉತ್ತರಪ್ರದೇಶದ ಶಾಮಿಲಿಯಲ್ಲಿ ವಿಚಿತ್ರ ಮಗುವೊಂದು ಜನಿಸಿದೆ’ ಎಂಬುದಾಗಿ ಸಾಮಾಜಿಕ ಜಾಲತಾಣದಲ್ಲಿ ನವಜಾತ ಶಿಶುವಿನ ವೀಡಿಯೋವನ್ನು ಹೊಂದಿರುವ ಪೋಸ್ಟ್ಅನ್ನು ಶೇರ್ ಮಾಡಲಾಗಿದೆ. ಶಾಮ್ಲಿ ಸಮೀಪದ ಕೆಡಿ ಗ್ರಾಮದಲ್ಲಿ ಇಂದು ಮುಸಲ್ಮಾನರೊಬ್ಬರ ಮನೆಯಲ್ಲಿ ಜನಿಸಿದ ವಿಚಿತ್ರ ಮಗು, 50 ವಿಷ ಮದ್ದು ಚುಚ್ಚಿದ ನಂತರವೂ ಶಿಶು ಸಾಯಲಿಲ್ಲ, ಕೊನೆಗೆ ಕತ್ತು ಕೂಯ್ದು ಶಿಶುವನ್ನು ಹೂಳಲಾಯಿತು ಎಂದು ಪ್ರತಿಪಾದಿಸಲಾಗಿದೆ. ಈ ವಿಡಿಯೊ ಪೋಸ್ಟ್‌ನಲ್ಲಿ ಮಾಡಲಾದ ಪ್ರತಿಪಾದನೆಯನ್ನು ಪರಿಶೀಲಿಸೋಣ.
ಫ್ಯಾಕ್ಟ್‌ಚೆಕ್ :
ಅಂತರ್ಜಾಲದಲ್ಲಿ ಸಂಬಂಧಿತ ಕೀವರ್ಡ್‌ಗಳೊಂದಿಗೆ ಸರ್ಚ್ ಮಾಡಿದಾಗ ಉತ್ತರ ಪ್ರದೇಶದಲ್ಲಿ ಅಂತಹ ಮಗು ಜನಿಸಿದ ಬಗ್ಗೆ ಯಾವುದೇ ವರದಿಗಳು ಲಭ್ಯವಾಗಿಲ್ಲ. ಹೆಚ್ಚಿನ ಹುಡುಕಾಟ ನಡೆಸಿದಾಗ ಇದೇ ರೀತಿಯ ದೃಶ್ಯಗಳನ್ನು ಹೊಂದಿರುವ ಫೇಸ್‌ಬುಕ್ ಪೋಸ್ಟ್‌ವೊಂದು ಲಭ್ಯವಾಗಿದೆ.ಈ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ ಎಂದು ವಿವರಣೆಯಲ್ಲಿ ಉಲ್ಲೇಖಿಸಲಾಗಿದೆ.
ನಾವು ಅಂತರ್ಜಾಲದಲ್ಲಿ ಹುಡುಕಿದಾಗ ಈ ಮಾಹಿತಿಯೊಂದಿಗೆ ಕೆಲವು ಸಂಬಂಧಿತ ಸುದ್ದಿ ಲೇಖನಗಳು ಕಂಡುಬಂದಿವೆ. ನಮ್ಮ ಮೂಲ ಪೋಸ್ಟ್‌ನಂತೆಯೇ ಅದೇ ವೀಡಿಯೊವನ್ನು ಒಳಗೊಂಡಿರುವ ETV ಭಾರತ್‌ನ ವರದಿನ್ನು ನಾವು ಕಂಡುಕೊಂಡಿದ್ದೇವೆ.
ವರದಿಗಳ ಪ್ರಕಾರ, ಮಧ್ಯಪ್ರದೇಶದ ರತ್ಲಾಮ್‌ನ ಸಿವಿಲ್ ಆಸ್ಪತ್ರೆಯಲ್ಲಿ ‘ಕೊಲೊಡಿಯನ್’ ಎಂಬ ಅಪರೂಪದ ಆನುವಂಶಿಕ ಸ್ಥಿತಿಯನ್ನು ಹೊಂದಿರುವ ಮಗು ಜನಿಸಿತು. ಈ ವರದಿಗಳನ್ನು ಇಲ್ಲಿ, ಇಲ್ಲಿ ಮತ್ತು ಇಲ್ಲಿ ಓದಬಹುದು. ಹಾಗಾಗಿ ಈ ಘಟನೆ ನಡೆದಿರುವುದು ಮಧ್ಯಪ್ರದೇಶದಲ್ಲಿಯೇ ಹೊರತು ಉತ್ತರ ಪ್ರದೇಶದಲ್ಲಿ ಅಲ್ಲ ಎಂದು ತೀರ್ಮಾನಿಸಬಹುದು. ಮಗುವು 50 ಬಾರಿ ವಿಷ ಮದ್ದು ಚುಚ್ಚಿದರೂ ಸಾಯಲಿಲ್ಲ ಮತ್ತು ಅಂತಿಮವಾಗಿ ಅವನ/ಅವಳ ಕುತ್ತಿಗೆಯನ್ನು ಸೀಳಿ ಕೊಲ್ಲಲಾಯಿತು ಎಂದು ಸಾಬೀತುಪಡಿಸುವ ಯಾವುದೇ ವರದಿಗಳು ಇಂಟರ್ನೆಟ್‌ನಲ್ಲಿ ನಮಗೆ ಕಂಡುಬಂದಿಲ್ಲ. ಕೊಲೊಡಿಯನ್ ಶಿಶುಗಳ ಕುರಿತು ಹೆಚ್ಚಿನ ಮಾಹಿತಿಯನ್ನು ಇಲ್ಲಿ ಮತ್ತು ಇಲ್ಲಿ ಕಾಣಬಹುದು.
ವಿಚಿತ್ರ ಮಗು ಜನನ.. ಇಂತಹ ಸುದ್ದಿಗಳನ್ನು ಆಗಾಗ ಪತ್ರಿಕೆಗಳಲ್ಲಿ ನೋಡುತ್ತಿರುತ್ತೇವೆ. ಆರು ಬೆರಳಿನಿಂದ ಹುಟ್ಟಿದ ಮಗು.. ಒಂದೇ ಕಣ್ಣಲ್ಲಿ ಹುಟ್ಟಿದ ಮಗು. ಎರಡು ತಲೆ ಇರುವ ಮಗು. ಇಂತಹ ಹಲವಾರು ಪ್ರಕರಣಗಳನ್ನು ನಮ್ಮ ದೇಶದಲ್ಲಿ ನೋಡಿದ್ದೇವೆ. ಇತ್ತೀಚೆಗಷ್ಟೇ ಮಧ್ಯಪ್ರದೇಶದಲ್ಲಿ ಇಂತಹದ್ದೇ ಘಟನೆ ನಡೆದಿದೆ.
ರತ್ಲಾಮ್‌ನ ಬರವಾಡದ 25 ವರ್ಷದ ಷರೀಫ್ ಹರ್ಪಿಸ್‌ನೊಂದಿಗೆ ಜಿಲ್ಲೆಯ ಮಾತಾ ಶಿಶು ವೈದ್ಯಕೀಯ ಕೇಂದ್ರಕ್ಕೆ (ಎಂಸಿಎಚ್) ದಾಖಲಾಗಿದ್ದರು. ಜೂನ್‌ 3 ಶುಕ್ರವಾರ ಮಧ್ಯಾಹ್ನ 03.45ಕ್ಕೆ ಗಂಡು ಮಗುವಿಗೆ ಜನ್ಮ ನೀಡಿದ್ದಾಳೆ. ಮಗುವನ್ನು ನೋಡಿದ ತಾಯಿಯೊಂದಿಗೆ ವೈದ್ಯರು ಮತ್ತು ಸಂಬಂಧಿಕರು ಬೆಚ್ಚಿಬಿದಿದ್ದಾರೆ. ಏಕೆಂದರೆ ನವಜಾತ ಶಿಶು ಸಹಜವಾಗಿರದೆ. ವಿಚಿತ್ರವಾಗಿದೆ. ಬೆರಳುಗಳಿಲ್ಲ. ಜನನಾಂಗಗಳು ಅಭಿವೃದ್ಧಿ ಹೊಂದಿಲ್ಲ. ಚರ್ಮದ ಕೊರತೆಯು ಕೈಕಾಲುಗಳ ಊತ ಮತ್ತು ಸೋಂಕನ್ನು ಉಂಟುಮಾಡುತ್ತದೆ.
ಅಂತಹ ಮಕ್ಕಳು ಸೋಂಕಿಗೆ ಒಳಗಾಗುವ ಸಾಧ್ಯತೆ ಹೆಚ್ಚು. ಅದಕ್ಕಾಗಿಯೇ ನವಜಾತ ಶಿಶುಗಳ ತೀವ್ರ ನಿಗಾ ಘಟಕದಲ್ಲಿರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಮಗುವಿನ ಸ್ಥಿತಿ ಗಂಭೀರವಾಗಿತ್ತು. ಬದುಕುಳಿಯುವ ಭರವಸೆ ಇಲ್ಲ ಎನ್ನುತ್ತಾರೆ ವೈದ್ಯರು. ಕೈ ಕಾಲುಗಳ ಜೊತೆಗೆ ಜನನಾಂಗವೂ ಇಲ್ಲದಿರುವುದರಿಂದ. ಆ ಮಗು ಗಂಡು ಮಗುವೇ? ಅಥವಾ ಹುಡುಗಿಯಾ? ಎಂದು ಹೇಳುವುದೂ ಕಷ್ಟವಾಗುತ್ತದೆ ಎಂದು ಫ್ಯಾಕ್ಟ್‌ಲಿ ವರದ ಮಾಡಿದೆ.
ಮಗುವಿಗೆ ಚಿಕಿತ್ಸೆ ನೀಡುತ್ತಿರುವುದನ್ನು ನೋಡಿದ ಅವರು ತಮಗೇ ಹೀಗಾಗಬೇಕಾ ಎಂದು ಮಗುವಿನ ಸ್ಥಿತಿ ಕಂಡು ಪೋಷಕರು ಕಣ್ಣೀರಿಟ್ಟಿದ್ದಾರೆ. ಈ ವಿಷಯ ಸ್ಥಳೀಯರಿಗೆ ತಿಳಿಯುತ್ತಿದ್ದಂತೆ. ಸ್ಥಳಿಯರು ಈ ಮಗುವನ್ನು ನೋಡಿ ಅನ್ಯಗ್ರಹ ಜೀವಿ ಎಂಬಂತೆ ಮಾತನಾಡುತ್ತ ನಾನಾ ಚರ್ಚೆಗಳು ನಡೆದವು ಎಂದು ಸಂಬಂಧಿಕರು ತಿಳಿಸಿದ್ದಾರೆ. 2019ರಲ್ಲಿಯೂ ಇಂತಹದೇ ಸುದ್ದಿ ವೈರಲ್ ಆಗಿತ್ತು.
ಒಟ್ಟಾರೆಯಾಗಿ ಹೇಳುವುದಾದರೆ, ಮಧ್ಯಪ್ರದೇಶದಲ್ಲಿ ಕೊಲೊಡಿಯನ್ ಎಂಬ ಅಪರೂಪದ ಆನುವಂಶಿಕ ಅಸ್ವಸ್ಥತೆಯೊಂದಿಗೆ ಜನಿಸಿದ ಮಗುವಿನ ಘಟನೆಯನ್ನು ಉತ್ತರ ಪ್ರದೇಶದಲ್ಲಿ ಜನಿಸಿದೆ ಎಂದು ಮತ್ತು ಅದನ್ನು ವಿಷದ ಚುಚ್ಚು ಮದ್ದು ನೀಡಿ ಹತ್ಯೆ ಮಾಡಲು ಪ್ರಯತ್ನಿಸಿ ಅದು ಸಾಧ್ಯವಾಗದಿದ್ದಾಗ ಕತ್ತು ಕೂಯ್ದು ಸಾಯಿಸಲಾಗಿದೆ ಎಂಬ ಸುಳ್ಳು ನಿರೂಪಣೆಯೊಂದಿಗೆ ಹಂಚಿಕೊಳ್ಳಲಾಗಿದೆ. ಹಾಗಾಗಿ ಪೋಸ್ಟ್‌ನಲ್ಲಿ ಮಾಡಲಾದ ಪ್ರತಿಪಾದನೆ ಸುಳ್ಳು.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್‌ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ : ಫ್ಯಾಕ್ಟ್‌ಚೆಕ್ : ಶಾಲಾ ಮಕ್ಕಳಿಂದ ಆಜಾನ್ ಪಠಿಸಿದ ವೈರಲ್ ವಿಡಿಯೊದ ಅಸಲಿಯತ್ತೇನು ?
