ಪೊಲೀಸರ ಭರ್ಜರಿ ಕಾರ್ಯಾಚರಣೆ : ವಿಜಯಪುರದಲ್ಲೊಂದು ಹನಿಟ್ರ್ಯಾಪ್ ಪ್ರಕರಣ ಬಯಲು

ವಿಜಯಪುರದ ಜಿಲ್ಲಾ ಪೊಲೀಸರ ಭರ್ಜರಿ ಕಾರ್ಯಾಚರಣೆಯಿಂದ ಹನಿಟ್ರ್ಯಾಪ್ ಪ್ರಕರಣ ಬಯಲಾಗಿದೆ.

ವಿಜಯಪುರ ಗ್ರಾಮೀಣ ಪೊಲೀಸರು ಹನಿಟ್ರ್ಯಾಪ್ ಮಾಡುತ್ತಿದ್ದ ನಾಲ್ವರನ್ನು ಬಂಧಿಸಿದ್ದಾರೆ. ದಾನಮ್ಮ ಹಿರೇಮಠ, ಸುದೀರ್ ಘಟ್ಟನವರ, ರವಿ ಕಾರಜೋಳ, ಮಲ್ಲಿಕಾರ್ಜುನ ಮುರಗುಂಡಿ, ಶ್ರೀಕಾಂತ ಶಾವಂತ್ರವ್ವ ಸೋಮಜಾಳ ಸೇರಿ ಐದು ಜನರನ್ನು ಬಂಧಿಸಲಾಗಿದೆ.

ಬಂಗಾರದ ಆಭರಣ ಮಾಡಿಕೊಡುವಂತೆ ಬಂದಿದ್ದ ಯುವತಿ, ವಿಜಯಪುರ ನಗರದ ಸೈನಿಕ ಶಾಲೆ ಬಳಿ ಬರುವಂತೆ ಸೂಚನೆ ನೀಡಿದ್ದಳು. ಮಹಿಳೆಯ ಮನೆಗೆ ಹೋದಾಗ ಹಿಂದಿನಿಂದ ದಾಳಿ ಮಾಡಿದ ಯುವಕರು ಮಹಿಳೆಯೊಂದಿಗೆ, ರೂ. 15 ಲಕ್ಷ ಹಣಕ್ಕೆ ಬೇಡಿಕೆ ಇಟ್ಟಿದ್ದು ಬೆಳಕಿಗೆ ಬಂದಿದೆ.

ಬಂಗಾರದ ಅಂಗಡಿಯವರು ಹಣದ ಬೇಡಿಕೆ ಹಿನ್ನೆಲೆಯಲ್ಲಿ ಪೊಲೀಸರಿಗೆ ದೂರು ನೀಡಿದ್ದರು. ದೂರಿನ‌ ಹಿನ್ನೆಲೆಯಲ್ಲಿ ಕಾರ್ಯಾಚರಣೆ ‌ನಡೆಸಿ ಆರೋಪಿಗಳನ್ನ ಬಂಧಿಸಲಾಗಿದೆ ಎಂದು ವಿಜಯಪುರದಲ್ಲಿ ಸುದ್ದಿಗೋಷ್ಠಿಯಲ್ಲಿ ವಿಜಯಪುರ ಎಸ್ಪಿ ಪ್ರಕಾಶ ಅಮೃತ ನಿಕ್ಕಮ್ ಹೇಳಿದ್ದಾರೆ.

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights