ರಾಜ್ಯದಲ್ಲಿ ದುರ್ಬಲರಿರುವ 50 ಲಕ್ಷಕ್ಕೂ ಹೆಚ್ಚು ಮನೆಗಳನ್ನು ಗುರುತಿಸಿದ ಸರ್ಕಾರ…

ಕರ್ನಾಟಕ ರಾಜ್ಯದಲ್ಲಿ ದುರ್ಬಲರಿರುವ 50 ಲಕ್ಷಕ್ಕೂ ಹೆಚ್ಚು ಮನೆಗಳಲ್ಲಿ ಸರ್ಕಾರ ಗುರುತಿಸಿದೆ.

ಕೋವಿಡ್-19 ಸಮಯದಲ್ಲಿ  ‘ದುರ್ಬಲ’ ಜನರ ಮನೆ ಪತ್ತೆ ಮತ್ತು ಅವರನ್ನು ನಿಕಟವಾಗಿ ಮೇಲ್ವಿಚಾರಣೆ ಮಾಡಲು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಸಮೀಕ್ಷೆ ನಡೆಸಿದೆ. ಈವರೆಗೆ 67% ಸಮೀಕ್ಷೆಯನ್ನು ಪೂರ್ಣಗೊಳಿಸಿದ್ದು, ರಾಜ್ಯದ 1.68 ಕೋಟಿ ಕುಟುಂಬಗಳಲ್ಲಿ 1.13 ಕೋಟಿ ಕುಟುಂಬಗಳಿಂದ ಮಾಹಿತಿ ಸಂಗ್ರಹಿಸಲಾಗಿದೆ. ಹೆಚ್ಚು ದುರ್ಬಲವಾಗಿರುವ ಮತ್ತು ಸಹಾಯದ ಅಗತ್ಯವಿರುವ ಜನಸಂಖ್ಯೆಯ ಆರೋಗ್ಯ ಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡಲು ಈ ಸಮೀಕ್ಷೆಯನ್ನು ನಡೆಸಲಾಗಿದೆ.

ಈ ಸಮೀಕ್ಷೆಯಲ್ಲಿ ‘ದುರ್ಬಲ’ ಎಂದು ಗುರುತಿಸಲ್ಪಟ್ಟವರಲ್ಲಿ ಹಿರಿಯ ನಾಗರಿಕರು, ಕೊಮೊರ್ಬಿಡಿಟಿ ಇರುವವರು, ಗರ್ಭಿಣಿ ಮತ್ತು ಹಾಲುಣಿಸುವ ಮಹಿಳೆಯರು, ಇನ್ಫ್ಲುಯೆನ್ಸದಂತಹ ಕಾಯಿಲೆಗಳು (ಐಎಲ್ಐ) ಅಥವಾ ತೀವ್ರ ಉಸಿರಾಟದ ಕಾಯಿಲೆಗಳು (ಸಾರಿ) ಮತ್ತು ಕೋವಿಡ್-19 ರೋಗಲಕ್ಷಣಗಳನ್ನು ಹೊಂದಿರುವವರು ಸೇರಿದ್ದಾರೆ.

ದುರ್ಬಲರಲ್ಲಿ ಹೆಚ್ಚಿನವರು 48.35 ಲಕ್ಷ ಮನೆಗಳಲ್ಲಿ ಹಿರಿಯ ನಾಗರಿಕರಿದ್ದು, ಗರ್ಭಿಣಿಯರು ಮತ್ತು ಹಾಲುಣಿಸುವ ತಾಯಂದಿರು 4.14 ಲಕ್ಷ ಮನೆಗಳಲ್ಲಿ ಕಂಡುಬಂದಿದ್ದಾರೆ. ಕೊಮೊರ್ಬಿಡಿಟಿ ಹೊಂದಿರುವವರು 1.37 ಲಕ್ಷ ಮನೆಗಳಲ್ಲಿ ಇದ್ದಾರೆ. ಜೊತೆಗೆ ಇವರಲ್ಲಿ ಕೊರೊನಾ ರೋಗಲಕ್ಷಣಗಳನ್ನು ಹೊಂದಿರುವವರು ಇದ್ದಾರೆ. “ಇಲ್ಲಿಯವರೆಗೆ, ನಾವು 13,341 ಮನೆಗಳನ್ನು ಅಂತಹ ರೋಗಿಗಳೊಂದಿಗೆ ಗುರುತಿಸಿದ್ದೇವೆ ”ಎಂದು ಇಲಾಖೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಕೆಲವು ಮನೆಗಳಲ್ಲಿ ದುರ್ಬಲ ವರ್ಗದಿಂದ ಒಂದಕ್ಕಿಂತ ಹೆಚ್ಚು ವ್ಯಕ್ತಿಗಳು ಇದ್ದಾರೆ ಎನ್ನಲಾಗುತ್ತಿದೆ.

ಕಲಬುರಗಿ ಜಿಲ್ಲೆಯಲ್ಲಿ ಈವರೆಗೆ ಅತಿ ಹೆಚ್ಚು ಕೋವಿಡ್ -19 ರೋಗಲಕ್ಷಣಗಳನ್ನು ಗುರುತಿಸಲಾಗಿದೆ. ಇಲ್ಲಿಯವರೆಗೆ ಗುರುತಿಸಲಾದ 13,341 ಮನೆಗಳಲ್ಲಿ 1,902 ಮನೆಗಳಲ್ಲಿ ರೋಗಲಕ್ಷಣವಿರುವವರು ಆ ಜಿಲ್ಲೆಯವರು ಎನ್ನುವ ಆತಂಕಕಾರಿ ವಿಚಾರ ತಿಳಿದು ಬಂದಿದೆ.

ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಜವೈದ್ ಅಖ್ತರ್, ಸಮೀಕ್ಷೆ ಮುಗಿದ ನಂತರ ಇಲಾಖೆ ರಾಜ್ಯ ಸರ್ಕಾರದ ಆಪ್ತಮಿತ್ರಾ ಆ್ಯಪ್ ಮೂಲಕ ಅವರ ಆರೋಗ್ಯವನ್ನು ಮೇಲ್ವಿಚಾರಣೆ ಮಾಡುತ್ತದೆ ಎಂದು ಹೇಳಿದರು. “ಅವರೆಲ್ಲರಿಗೂ ಹಸ್ತಕ್ಷೇಪದ ಅಗತ್ಯವಿಲ್ಲದಿರಬಹುದು. ಈ ಗುಂಪುಗಳ ಆರೋಗ್ಯದ ಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡುವುದು ಮತ್ತು ಅಗತ್ಯವಿದ್ದಾಗ ಅವರಿಗೆ ಸಮಯೋಚಿತ ವೈದ್ಯಕೀಯ ಸಹಾಯವನ್ನು ನೀಡುವುದನ್ನು ಖಚಿತಪಡಿಸಿಕೊಳ್ಳುವುದು ಇದರ ಉದ್ದೇಶವಾಗಿದೆ, ”ಎಂದು ಅವರು ಹೇಳಿದ್ದಾರೆ.

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights