30 ರೂ. ವಾಟರ್ ಕ್ಯಾನ್ಗೆ 250 ರೂ. – ಆರೋಗ್ಯಕರವಲ್ಲದ ಕ್ಯಾರೆಂಟೈನ್ ಹೋಟೆಲ್..!
ಇತ್ತೀಚೆಗೆ ಕ್ವಾರೆಂಟೈನ್ ಸ್ಥಳಗಳ ಬಗ್ಗೆ ಸಾಕಷ್ಟು ಸುದ್ದಿಗಳು ಆರೋಪಗಳು ಕೇಳಿ ಬರುತ್ತಿವೆ. ಈ ನಡುವೆ ಮತ್ತೊಂದು ದೂರು ಕೇಳಿ ಬಂದಿದೆ. ಕ್ಯಾರೆಂಟೈನ್ ಹೋಟೆಲ್ ಆರೋಗ್ಯಕರವಲ್ಲ ಎಂದು ಯುಎಇ ನಿಂದ ಬೆಂಗಳೂರಿಗೆ ಮರಳಿದ ಪ್ರಯಾಣಿಕರು ಆರೋಪಿಸಿದ್ದಾರೆ.
31 ರ ಹರೆಯದ ನೌಶಾದ್ ಅವರು ಕ್ವಾರೆಂಟೈನ್ ಕಳಪೆ ಗುಣಮಟ್ಟದ ಆಹಾರಕ್ಕೆ ಸಿಬ್ಬಂದಿಗಳು ಸಾಕಷ್ಟು ಶುಲ್ಕ ವಿಧಿಸುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.
ಕಳೆದ ಶುಕ್ರವಾರ ಶಾರ್ಜಾದಿಂದ ಚಾರ್ಟರ್ಡ್ ವಿಮಾನವು ಬೆಂಗಳೂರಿಗೆ ಬಂದಿಳಿದ ನಂತರ ಅಕೌಂಟೆಂಟ್ ಮತ್ತು ಇತರ 70 ಮಂದಿ ಮರಾಠಹಳ್ಳಿಯವರು ಆಕ್ಟೇವ್ ಹೋಟೆಲ್ನಲ್ಲಿ ಕ್ವಾರೆಂಟೈನ್ನಲ್ಲಿದ್ದಾರೆ. ಇಲ್ಲಿರುವ ನೌಶಾದ್ ಅವರು “ಹೋಟೆಲ್ನಲ್ಲಿ ಎಲ್ಲವೂ ಸರಿಯಾಗಿಲ್ಲ. ನಾವು ಕೋವಿಡ್ -19 ಗಾಗಿ ಧನಾತ್ಮಕತೆಯನ್ನು ಪರೀಕ್ಷಿಸಿಲ್ಲ, ಆದರೆ ಹೋಟೆಲ್ ಸೌಲಭ್ಯವು ನೀಡುವ ಆಹಾರ, ನೀರನ್ನು ನಾವು ಕುಡಿದರೆ ನಾವು ಖಂಡಿತವಾಗಿಯೂ ಕೆಲವು ಮಾರಕ ಕಾಯಿಲೆಗಳಿಂದ ಸೋಂಕಿಗೆ ಒಳಗಾಗುತ್ತೇವೆ” ಎಂದು ಹೇಳಿದ್ದಾರೆ.
ಯುನೈಟೆಡ್ ಅರಬ್ ಎಮಿರೇಟ್ಸ್ ಹಿಂದಿರುಗಿದ ಮತ್ತೊಬ್ಬ ಗಣೇಶ್ ಭೈರವ, ” ಒಂದು ಲೀಟರ್ ನೀರಿನ ಬಾಟಲಿಗೆ 100 ರೂ. ಮತ್ತು ಒಂದು ಕಪ್ ಚಹಾಕ್ಕೆ 50 ರೂ. ನೀಡಬೇಕು. “ನಮ್ಮ ಆಯ್ಕೆಯ ಪ್ರಕಾರ ಊಟಕ್ಕೆ 200 ರಿಂದ 300 ರೂ. 25 ಲೀಟರ್ ಕ್ಯಾನ್ ಕುಡಿಯುವ ನೀರಿಗೆ 250 ರೂ. ವಿಧಿಸಲಾಗುತ್ತದೆ. ಆ ನೀರಿನ ಬಾಟಲ್ ಹಾಗೂ ಊಟಕ್ಕೆ ಸಾಮಾನ್ಯವಾಗಿ 30 ರೂ. ನೀಡಬಹುದು” ಎಂದು ಕ್ವಾರೆಂಟೈನ್ ಅವ್ಯವಸ್ಥೆ ಬಗ್ಗೆ ವಿವರಿಸಿದ್ದಾರೆ.
“ನಾವು ವಿದೇಶದಿಂದ ಬರುತ್ತಿರುವುದರಿಂದ, ನಮಗೆ ಸಾಕಷ್ಟು ಹಣವಿದೆ ಎಂಬ ಕಲ್ಪನೆಯಲ್ಲಿದ್ದಾರೆ. ಆದರೆ ನಾವೂ ಹಣಕ್ಕೆ ಬಲಿಯಾಗಿದ್ದೇವೆ. ಆದರೆ ನಾವು ಶಾರ್ಜಾದಲ್ಲಿ ಲಾಕ್ಡೌನ್ಗೆ ಬಲಿಯಾಗಿದ್ದೇವೆ. ನಮ್ಮ ಕಂಪನಿಗಳು ತಮ್ಮ ಬಾಕಿ ಹಣವನ್ನು ಸಂಪೂರ್ಣವಾಗಿ ಪಾವತಿಸಿಲ್ಲ ”ಎಂದು ಭೈರವ ತಮ್ಮ ಅಳಲು ತೋಡಿಕೊಂಡಿದ್ದಾರೆ.
ಇಲ್ಲಿ ಸಾಮಾನ್ಯವಾಗಿ ಮೂರು ಬಗೆಯ ರೂಮ್ ಗಳಿವೆ. ಆರಂಭದಲ್ಲಿ 1200 ರಿಂದ ರೂಮ್ ದರ ಆರಂಭವಾಗುತ್ತದೆ. 1,600 ರೂ.ಗೆ ಪ್ರೀಮಿಯಂ ಕೊಠಡಿಗೆ, ಮತ್ತು ಡಿಲಕ್ಸ್ ಕೋಣೆಯ ಬೆಲೆ 2,000 ರೂ. ಇದೆ. ಸ್ವಿಮ್ಮಿಂಗ್ ನೀರನ್ನು ಕುಡಿಯಲು ನೀಡುವುದನ್ನ ನಾವು ನೋಡಿದ್ದೇವೆ. ಎಂದು ಭೈರವ್ ಹೇಳಿದ್ದಾರೆ.
ಇಲ್ಲಿನ ಹೋಟೆಲ್ ಸಿಬ್ಬಂದಿಗಳು ಈ ಅವ್ಯವಸ್ಥೆಯ ಬಗ್ಗೆ ಬಾಯಿ ಬಿಟ್ಟರೆ ಅಮಥವರ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎನ್ನುವ ಭಯ ಇಲ್ಲಿನ ಸಿಬ್ಬಂದಿಗಳಿಗಿದೆ. ಇಷ್ಟೆಲ್ಲಾ ಅವ್ಯವಸ್ಥೆ ಇದ್ದರೂ ಕೂಡ ಹೊಟೆಲ್ ನಿರ್ವಹಣೆ ಮುಖ್ಯಸ್ಥ ಶರವಣ್ ಕುಮಾರ್ ಅವರು ಮಾತ್ರ ಇಲ್ಲಿನ ವ್ಯವಸ್ಥೆ ಹಾಗೂ ಆಹಾರದ ಬಗ್ಗೆ ಕೊಂಡಾಡುತ್ತಾರೆ. ಎಂದು ಭೈರವ್ ಆರೋಪಿಸಿದ್ದಾರೆ.