ಫ್ಯಾಕ್ಟ್‌ಚೆಕ್: ಕಬಿನಿಯ ಹಿನ್ನೀರಿನಲ್ಲಿ ಈ ಘಟನೆ ನಡೆದಿದೆಯೇ?
ಮೈಸೂರು ಜಿಲ್ಲೆಯ ಕಬಿನಿ ಹಿನ್ನೀರಿನ ಪ್ರದೇಶದಲ್ಲಿ ನಡೆದಿದೆ ಎನ್ನಲಾದ ಘಟನೆಯೊಂದರಲ್ಲಿ ಜಿಂಕೆಯನ್ನು ಮೊಸಳೆಯೊಂದು ಅಟ್ಟಿಸಿಕೊಂಡು ಬರುತ್ತಿರುವ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಹಾಗಿದ್ದರೆ ಈ ದೃಶ್ಯಾವಳಿಗಳು ಮೈಸೂರು ಜಿಲ್ಲೆಯ ಹೆಚ್‌.ಡಿ. ಕೋಟೆಯ ಕಬಿನಿಯಲ್ಲಿ ನಡೆದಿದೆಯೆ ಎಂದು ಪರಿಶೀಲಿಸೋಣ.
ಫ್ಯಾಕ್ಟ್‌ಚೆಕ್:
ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿರುವ ದೃಶ್ಯಗಳನ್ನು ಪರಿಶೀಲಿಸಲು ಗೂಗಲ್ ರಿವರ್ಸ್ ಇಮೇಜಸ್‌ನಲ್ಲಿ ಸರ್ಚ್ ಮಾಡಿದಾಗ, ವೈರಲ್ ವಿಡಿಯೋದಲ್ಲಿ ಬಳಕೆ ಮಾಡಲಾದ ಲೋಗೋವನ್ನು ಸೂಕ್ಷ್ಮವಾಗಿ ಗಮನಿಸಿದಾಗ, ಯೂಟ್ಯೂಬ್ ಚಾನೆಲ್‌ನಲ್ಲಿ ಅಪ್‌ಲೋಡ್ ಮಾಡಲಾದ ‘latestsightings.com’ ಅದೇ ವೀಡಿಯೊ ಲಭ್ಯವಾಯಿತು. ಅದರ ವಿವರಣೆಯ ಪ್ರಕಾರ, ಈ ವೀಡಿಯೊವನ್ನು ‘ಬಕ್ ಸ್ವಿಮ್ಸ್ ಫಾರ್ ಇಟ್ಸ್ ಲೈಫ್ ಫ್ರಂ ಕ್ರೊಕೊಡೈಲ್’ ಎಂದು ಹೆಸರಿಸಲಾಗಿದ್ದು, ಈ ವೀಡಿಯೊವನ್ನು ಬೋಟ್ಸ್ವಾನ, ಚೋಬ್ ನದಿಯಲ್ಲಿ ಚಿತ್ರೀಕರಿಸಲಾಗಿದೆ. ಮತ್ತು ಇದನ್ನು 31 ಜನವರಿ 2023 ರಂದು ಅಪ್‌ಲೋಡ್ ಮಾಡಲಾಗಿದೆ.
‘latestsightings.com’ ‘ ವೆಬ್‌ಸೈಟ್‌ನಲ್ಲಿ ’24 ವರ್ಷದ ಪಶುವೈದ್ಯಕೀಯ ನರ್ಸ್ ಆಗಿರುವ ಕೈಟ್ಲಿನ್ ಇರ್‌ವೇಕರ್ ಮತ್ತು ಅವರ ಕುಟುಂಬವು ದೋಣಿ ವಿಹಾರದಲ್ಲಿದ್ದಾಗ ಈ ಅದ್ಭುತ ದೃಶ್ಯವನ್ನು ಚಿತ್ರೀಕರಿಸಿದೆ.’ ಅವರು ಈ ಕ್ಲಿಪ್ ಅನ್ನು ಇನ್‌ಸ್ಟಾಗ್ರಾಮ್ ಮೂಲಕ ಚಿತ್ರೀಕರಿಸಿದ ಅನುಭವದ ಬಗ್ಗೆ ಪೋಸ್ಟ್ ಬರೆದಿದ್ದಾರೆ.
View this post on Instagram
ಒಟ್ಟಾರೆಯಾಗಿ ಹೇಳುವುದಾದರೆ, ವೈರಲ್ ವೀಡಿಯೊವನ್ನು ಬೋಟ್ಸ್ವಾನಾದ ಚೋಬ್ ನದಿಯಲ್ಲಿ ಚಿತ್ರೀಕರಿಸಲಾಗಿದೆ. ದೋಣಿ ವಿಹಾರದಲ್ಲಿದ್ದಾಗ ಚೋಬ್ ನದಿಯಲ್ಲಿ ಮೊಸಳೆಯೊಂದು ಜಿಂಕೆಯನ್ನು ಬೆನ್ನಟ್ಟುವ ಈ ದೃಶ್ಯವನ್ನು ಕುಟುಂಬವೊಂದು ಚಿತ್ರೀಕರಿಸಿದೆ. ಬೋಟ್ಸ್ವಾನಾದಲ್ಲಿ ಮೊಸಳೆಯು ಜಿಂಕೆಯನ್ನು ಬೆನ್ನಟ್ಟುವ ದೃಶ್ಯಗಳನ್ನು ಕರ್ನಾಟಕದ ಕಬಿನಿ ಹಿನ್ನೀರಿನಲ್ಲಿ ಚಿತ್ರೀಕರಿಸಿದ ದೃಶ್ಯಗಳು ಎಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ. ಹಾಗಾಗಿ ಪೋಸ್ಟ್‌ನಲ್ಲಿ ಮಾಡಲಾದ ಪ್ರತಿಪಾದನೆ ತಪ್ಪಾಗಿದೆ.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್‌ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ: ಫ್ಯಾಕ್ಟ್‌ಚೆಕ್: ಸಲ್ಮಾನ್ ರಶ್ದಿ ಇಸ್ಲಾಂ ವಿರೋಧಿ ಹೇಳಿಕೆ ನೀಡಿದ್ದರೆ?
