FACT CHECK | ಆಂಧ್ರ ಪ್ರದೇಶದ ಪೊಲೀಸರು ರೀಲ್ಸ್ ಮಾಡಿದ ಹಳೆಯ ವಿಡಿಯೋವನ್ನು ಇತ್ತೀಚಿನದ್ದು ಎಂದು ತಪ್ಪಾಗಿ ಹಂಚಿಕೆ
2024ರಲ್ಲಿ ತೆರೆಕಂಡ ಪುಷ್ಪಾ-2 ಸಿನಿಮಾದ ಹಾಡಿಗೆ ಪೊಲೀಸ್ ಸಮವಸ್ತ್ರದಲ್ಲಿರುವ ಮಹಿಳೆ ಮತ್ತು ಪುರುಷ ಡ್ಯಾನ್ಸ್ ಮಾಡುತ್ತಿರುವ ವಿಡಿಯೋವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ. ಆಂಧ್ರ ಪ್ರದೇಶದಲ್ಲಿ ಕರ್ತವ್ಯ ನಿರತ ಪೊಲೀಸರು ನೃತ್ಯ ಮಾಡುತ್ತಿದ್ದಾರೆ ಎಂದು ಪ್ರತಿಪಾದಿಸಿ ಸಾಮಾಜಿಕ ಮಾಧ್ಯಮಗಳಲ್ಲಿ ಪೋಸ್ಟ್ಅನ್ನು ಹಂಚಿಕೊಳ್ಳಲಾಗುತ್ತಿದೆ.
హలో అనిత అక్క
మీరేమో పండగ షాపింగ్ అని Busi గా ఉన్నారు ఇక్కడ మీ police ఏమో onduty లో దెబ్బలు పడతాయి రాజా అని busi గా ఉన్నారు
చూసుకో కొంచం missing girls issues చానా ఉన్నాయి పని చెయ్యండి కొంచం #entertainment ye na #SriRamNavami #JaiShriRam https://t.co/OlkcydBf5h pic.twitter.com/TPuDdSSkgL— సూర్య కాంతం (@katthiteesukora) April 6, 2025
హలో అనిత అక్క
మీరేమో పండగ షాపింగ్ అని Busi గా ఉన్నారు ఇక్కడ మీ police ఏమో onduty లో దెబ్బలు పడతాయి రాజా అని busi గా ఉన్నారు
చూసుకో కొంచం missing girls issues చానా ఉన్నాయి పని చెయ్యండి కొంచం #entertainment ye na #SriRamNavami #JaiShriRam https://t.co/OlkcydBf5h pic.twitter.com/TPuDdSSkgL— సూర్య కాంతం (@katthiteesukora) April 6, 2025
ಈ ವೈರಲ್ ವಿಡಿಯೋವನ್ನು ಆಂಧ್ರ ಪ್ರದೇಶದ ಗೃಹ ಸಚಿವೆ ವಂಗಲಪುಡಿ ಅನಿತಾ ಅವರನ್ನು ಟ್ಯಾಗ್ ಮಾಡಿ ಎಕ್ಸ್ನಲ್ಲಿ ಪೋಸ್ಟ್ಅನ್ನು ಹಂಚಿಕೊಂಡಿರುವ ಎಕ್ಸ್ ಬಳಕೆದಾರರು, ನೀವು ರಾಮನವಮಿ ಹಬ್ಬದ ಶಾಪಿಂಗ್ನಲ್ಲಿ ಬ್ಯೂಸಿ ಆಗಿರಿ ನಿಮ್ಮ ಇಲಾಖೆಯ ಸಿಬ್ಬಂದಿ ಅರಾಮವಾಗಿ ಹಾಡಿಗೆ ನೃತ್ಯ ಮಾಡಿಕೊಂಡಿರಲಿ ಎಂದು ಬರೆದು ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.
ಇದೇ ರೀತಿಯ ಹೇಳಿಕೆಯೊಂದಿಗೆ ಹಲವು ಸಾಮಾಜಿಕ ಮಾಧ್ಯಮಗಳ ಬಳಕೆದಾರರು ಪೋಸ್ಟ್ಅನ್ನು ಹಂಚಿಕೊಂಡಿದ್ದು ಅವುಗಳನ್ನು ಇಲ್ಲಿ ನೋಡಬಹುದು. ಹಾಗಿದ್ದರೆ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆ ನಿಜವೇ ಎಂದು ಪರಿಶೀಲಿಸೋಣ.
ಫ್ಯಾಕ್ಟ್ಚೆಕ್ :
ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾದ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆಯನ್ನು ಪರಿಶೀಲಿಸಲು, ಮೊದಲು, ಆಂಧ್ರ ಪ್ರದೇಶದ ಗೃಹ ಸಚಿವೆ ಶಾಪಿಂಗ್ ಮಾಡಿರುವ ಸಂದರ್ಭವನ್ನು ಪರಿಶೀಲಿಸಲು ಕೀವರ್ಡ್ ಮೂಲಕ ಗೂಗಲ್ ಸರ್ಚ್ ಮಾಡಿದಾಗ, ಐಡಿ Xii_Weaves ಎಂಬ Instagram ಬಳಕೆದಾರರು ಪೋಸ್ಟ್ ಮಾಡಿದ ವಿಡಿಯೋ ಲಭ್ಯವಾಗಿದೆ.
View this post on Instagram
ಹಾಗೆಯೇ ಪುಷ್ಪಾ 2 ಚಿತ್ರದ ಹಾಡಿಗೆ ನೃತ್ಯ ಮಾಡುತ್ತಿರುವ ಪೊಲೀಸರ ವಿಡಿಯೋವನ್ನು ಪರಿಶೀಲಿಸಲು ಗೂಗಲ್ ಸರ್ಚ್ ಮಾಡಿದಾಗ, ಜನವರಿ 11ರಂದು ಪ್ರಕಟವಾದ ವೀಡಿಯೋ d_memes_logs Instagram ಎಂಬ ಖಾತೆಯಲ್ಲಿ ಲಭ್ಯವಾಗಿದೆ. ಇದನ್ನು ಆಧರಿಸಿ ಹೇಳುವುದಾದರೆ, ಶ್ರೀರಾಮನವಮಿ ಹಬ್ಬಕ್ಕೂ ಮುನ್ನ ಗೃಹ ಸಚಿವರು ಮಾಡಿದ ಶಾಪಿಂಗ್ ಗೂ ಪೊಲೀಸರು ಮಾಡಿದ ರೀಲ್ ಗೂ ಸುಮಾರು ಎರಡು ತಿಂಗಳ ಅಂತರವಿದೆ ಎಂಬುದು ಸ್ಪಷ್ಟವಾಗಿದೆ.
View this post on Instagram
ಒಟ್ಟಾರೆಯಾಗಿ ಹೇಳುವುದಾದರೆ, ಆಂಧ್ರಪ್ರದೇಶದ ಗೃಹ ಸಚಿವೆಯನ್ನು ಗುರಿಯಾಗಿಸಿಕೊಂಡು ಹಂಚಿಕೊಳ್ಳಲಾದ ಪೋಸ್ಟ್ ಒಂದಕ್ಕೊಂಡು ಸಂಬಂಧವಿಲ್ಲದೆ ಕೇವಲ ಆರೋಪ ಮಾಡುವ ಸಲುವಾಗಿ ಪೊಲೀಸ್ ಸಿಬ್ಬಂದಿ ಪುಷ್ಪಾ2 ಚಿತ್ರಕ್ಕೆ ಜನವರಿಯಲ್ಲಿ ನೃತ್ಯ ಮಾಡಿದ ಹಳೆಯ ವಿಡಿಯೋವನ್ನು ಟ್ಯಾಗ್ ಮಾಡಿ, ಗೃಹ ಸಚಿವರು ಶಾಪಿಂಗ್ನಲ್ಲಿ ಬ್ಯೂಸಿಯಾಗಿದ್ದಾರೆ, ಆದರೆ ರಾಜ್ಯದಲ್ಲಿ ಶಾಂತಿ ಸುವ್ಯವಸ್ಥೆ ಕುಸಿದಿದೆ ಎಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ. ಹಾಗಾಗಿ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆ ತಪ್ಪಾಗಿದೆ.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ : FACT CHECK | ರಾಮಸೇತುವೆ ಅವಶೇಷಗಳು ಪತ್ತೆಯಾಗಿದೆ ಎಂದು AI ವಿಡಿಯೋ ಹಂಚಿಕೆ

