ಚಂದನವನದ ಬಳಿಕ ತೆಲುಗು ಸ್ಟಾರ್ ಮನೆ ಮೇಲೆ ಐಟಿ ದಾಳಿ ಸದ್ದು…..
ಚಂದನವನದ ಬಳಿಕ ತೆಲುಗು ಸ್ಟಾರ್ ಮನೆ ಮೇಲೆ ಐಟಿ ದಾಳಿ ಸದ್ದು ಕೇಳಿ ಬಂದಿದೆ.
ಹೌದು… ತೆಲುಗು ಚಿತ್ರರಂಗದ ನ್ಯಾಚುರಲ್ ಸ್ಟಾರ್ ನಾನಿ ಸೇರಿದಂತೆ ಹಲವು ನಿರ್ಮಾಪಕರ ಮನೆ ಮೇಲೆ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ಬುಧವಾರದಂದು ದಾಳಿ ನಡೆಸಿದ್ದಾರೆ.
ನಿರ್ಮಾಪಕ ಸುರೇಶ್ ಬಾಬು ಅವರ ಮನೆ, ಕಚೇರಿ ಮೇಲೆ ಐಟಿ ದಾಳಿ ಮೊದಲಿಗೆ ವರದಿಯಾಗಿದ್ದು, ನಂತರ ನಟ ನಾನಿ ಮನೆ, ಕಚೇರಿಯಲ್ಲೂ ಶೋಧ ಕಾರ್ಯ ನಡೆದಿರುವ ಮಾಹಿತಿ ಬಂದಿದೆ. ಸುರೇಶ್ ಬಾಬು ಅವರ ಪ್ರೊಡೆಕ್ಷನ್ ಹೌಸ್ ಹಾರಿಕ ಹಾಸಿನ್ ಕ್ರಿಯೇಷನ್ ಕಚೇರಿ ಮೇಲೆ ದಾಳಿ ಮಾಡಲಾಗಿದೆ.
ಸುರೇಶ್ ಬಾಬು ಅವರು ಆಂಧ್ರಪ್ರದೇಶ ಹಾಗೂ ತೆಲಂಗಾಣದಲ್ಲಿ ಹೆಚ್ಚು ಚಿತ್ರಮಂದಿರಗಳನ್ನು ಹೊಂದಿದ್ದಾರೆ. ರಾಮನಾಯ್ಡು ಸ್ಟುಡಿಯೋ ಮಾಲೀಕರಾಗಿದ್ದು, ಹಲವು ಚಿತ್ರಗಳ ವಿತರಕರಾಗಿದ್ದಾರೆ. ದಾಳಿ ವಿವರಗಳನ್ನು ನಿರೀಕ್ಷಿಸಲಾಗಿದೆ….

