ಕ್ಯಾಲಿಫೋರ್ನಿಯಾ : ದಿನಕ್ಕೆ 24 ಕಿ.ಮೀ. ವೇಗದಲ್ಲಿ ಹರಡುತ್ತಿರುವ ಕಾಡ್ಗಿಚ್ಚಿಗೆ 8 ಜನ ಬಲಿ!

ದಿನಕ್ಕೆ ಸುಮಾರು 24 ಕಿಲೋಮೀಟರ್ ವೇಗದಲ್ಲಿ ಹರಡುತ್ತಿರುವ ಕಾಡಗಿಚ್ಚು ಯು.ಎಸ್. ನ ವೆಸ್ಟ್ ಕೋಸ್ಟ್ ರಾಜ್ಯಗಳ ಒರೆಗಾನ್ ಮತ್ತು ಕ್ಯಾಲಿಫೋರ್ನಿಯಾದಲ್ಲಿ ಬಹಳಷ್ಟು ಹಾನಿಯನ್ನುಂಟುಮಾಡಿದೆ. ಇದರಿಂದಾಗಿ ಯುನೈಟೆಡ್ ಸ್ಟೇಟ್ಸ್ನಲ್ಲಿ ಈವರೆಗೆ ಎಂಟು ಜನರು ಪ್ರಾಣ ಕಳೆದುಕೊಂಡಿದ್ದಾರೆ. ಕ್ಯಾಲಿಫೋರ್ನಿಯಾ ಕಾಡುಗಳಲ್ಲಿನ ಬೆಂಕಿಗೆ ಸಂಬಂಧಿಸಿದಂತೆ, ಅಗ್ನಿಶಾಮಕ ಇಲಾಖೆ ಈ ಮೊದಲು ಬೆಂಕಿಯನ್ನು ಅಷ್ಟು ವೇಗವಾಗಿ ಹರಡುವುದನ್ನು ನೋಡಿಲ್ಲ ಎಂದಿದೆ. ದಿನಕ್ಕೆ ಸುಮಾರು 24 ಕಿಲೋಮೀಟರ್ ವೇಗದಲ್ಲಿ ಬೆಂಕಿ ಹರಡುತ್ತಿದೆ.

ಬೆಂಕಿಯಿಂದ ಹೆಚ್ಚಿನ ಹಾನಿ ಒರೆಗಾನ್ ಪ್ರದೇಶದಲ್ಲಿ ಸಂಭವಿಸಿದೆ. ಯು.ಎಸ್. ವಾಯುವ್ಯ (ಪೆಸಿಫಿಕ್ ವಾಯುವ್ಯ) ಕಾಡುಗಳಲ್ಲಿನ ದುರಂತ ವೇಗವಾಗಿ ಬೀಸುತ್ತಿರುವ ಗಾಳಿಯಿಂದ ಹರಡುತ್ತಿದೆ. ಒರೆಗಾನ್‌ನ ನೂರಾರು ಮನೆಗಳು ಸುಟ್ಟು ಬೂದಿಯಾಗಿವೆ. ಒಂದು ಸಾವಿರಕ್ಕೂ ಹೆಚ್ಚು ಮನೆಗಳು ಸುಟ್ಟುಹೋಗಿವೆ. ಬೆಂಕಿಯಿಂದ 5 ಲಕ್ಷ ಜನರು ತಮ್ಮ ಮನೆಗಳನ್ನು ತೊರೆಯಬೇಕಾಗಿದೆ. ಕಾಡಿನ ಬೆಂಕಿ ರಾಜ್ಯದ ಇತಿಹಾಸದಲ್ಲಿ ಅತಿದೊಡ್ಡ ಜೀವ ಮತ್ತು ಆಸ್ತಿಪಾಸ್ತಿಗಳಿಗೆ ಕಾರಣವಾಗಬಹುದು ಎಂದು ರಾಜ್ಯಪಾಲರು ಎಚ್ಚರಿಸಿದ್ದಾರೆ.

ತೀವ್ರ ಸ್ವರೂಪವನ್ನು ಪಡೆದುಕೊಂಡಿರುವ ಬೆಂಕಿ, ಒರೆಗಾನ್‌ನಲ್ಲಿ ಗಂಟೆಗೆ 80 ಕಿ.ಮೀ ವೇಗದಲ್ಲಿ ಹರಡಿಕೊಂಡಿರುವುದರಿಂದ ಬೆಂಕಿಯನ್ನು ನಿಯಂತ್ರಿಸುವಲ್ಲಿ ಅಗ್ನಿಶಾಮಕ ದಳದ ಸಿಬ್ಬಂದಿ ತೊಂದರೆ ಅನುಭವಿಸುತ್ತಿದ್ದಾರೆ. ಪಶ್ಚಿಮ ಒರೆಗಾನ್‌ನ ಕೆಲವು ಪ್ರದೇಶಗಳಲ್ಲಿನ ಜನರು ಕೂಡಲೇ ತಮ್ಮ ಮನೆಗಳನ್ನು ಖಾಲಿ ಮಾಡುವಂತೆ ಕೋರಲಾಗಿದೆ. ಒರೆಗಾನ್ ಗವರ್ನರ್ ಕೇಟ್ ಬ್ರೌನ್ ಸೋಮವಾರದ ಬೆಂಕಿಯು ಭಾರಿ ವಿನಾಶಕ್ಕೆ ಕಾರಣವಾಗಬಹುದು ಎಂದು ಎಚ್ಚರಿಸಿದ್ದಾರೆ.