ಅರುಣಾಚಲ ಪ್ರದೇಶದಿಂದ ಕಾಣೆಯಾದ 5 ಭಾರತೀಯರನ್ನು ಹಸ್ತಾಂತರಿಸಲಿರುವ ಚೀನಾ!

ಈ ತಿಂಗಳ ಆರಂಭದಲ್ಲಿ ಚೀನಾದ ಗಡಿಯ ಸಮೀಪವಿರುವ ಹಳ್ಳಿಗಳಿಂದ ನಾಪತ್ತೆಯಾಗಿದ್ದ ಐದು ಜನರನ್ನು ಇಂದು ಚೀನಾದ ಪೀಪಲ್ಸ್ ಲಿಬರೇಶನ್ ಆರ್ಮಿ (ಪಿಎಲ್‌ಎ) ಭಾರತಕ್ಕೆ ಹಸ್ತಾಂತರಿಸಲಿದೆ ಎಂದು ಸೇನಾ ಮೂಲಗಳು ತಿಳಿಸಿವೆ.

“ಅರುಣಾಚಲ ಪ್ರದೇಶದ ಯುವಕರನ್ನು ನಮ್ಮ ಕಡೆ ಹಸ್ತಾಂತರಿಸುವಂತೆ ಚೀನಾದ ಪಿಎಲ್‌ಎ ಭಾರತೀಯ ಸೇನೆಗೆ ತಿಳಿಸಿದೆ. 2020 ರ ಸೆಪ್ಟೆಂಬರ್ 12 ರಂದು ಗೊತ್ತುಪಡಿಸಿದ ಸ್ಥಳದಲ್ಲಿ ಹಸ್ತಾಂತರಿಸುವಿಕೆ ಸಾಧ್ಯತೆ ಇದೆ ಎಂದು ಕೇಂದ್ರ ಸಚಿವ ಕಿರೆನ್ ರಿಜಿಜು ಶುಕ್ರವಾರ ಟ್ವೀಟ್ ಮಾಡಿದ್ದಾರೆ.

ಸೆಪ್ಟೆಂಬರ್ 1 ರಂದು ಕಾಣೆಯಾಗಿದ್ದವರನ್ನು ಐದು ಮಂದಿ ಬೇಟೆಗಾರರು ಎಂದು ಸೇನೆ ಹೇಳಿಕೆಯಲ್ಲಿ ತಿಳಿಸಿದೆ.

“ಭಾರತೀಯ ಸೇನೆಯ ಸತತ ಪ್ರಯತ್ನದ ಫಲವಾಗಿ, 2020 ರ ಸೆಪ್ಟೆಂಬರ್ 2 ರಂದು ಅಜಾಗರೂಕತೆಯಿಂದ ಇನ್ನೊಂದು ಬದಿಗೆ ದಾಟಿದ ಅಪ್ಪರ್ ಸುಬನ್ಸಿರಿಯಲ್ಲಿ ಎಲ್‌ಎಸಿಯ ಭಾರತೀಯ ಕಡೆಯಿಂದ ಕಾಣೆಯಾದ ಐದು ಬೇಟೆಗಾರರು ಪತ್ತೆಯಾಗಿದ್ದಾರೆ. ಕಾಣೆಯಾದ ಭಾರತೀಯರು ಅವರ ಕಡೆ ಕಂಡುಬಂದಿದ್ದಾರೆಂದು ಸೆಪ್ಟೆಂಬರ್ 8 ರಂದು ಚೀನಾದ ಸೈನ್ಯವು ಹಾಟ್‌ಲೈನ್‌ನಲ್ಲಿ ಪ್ರತಿಕ್ರಿಯಿಸಿ ದೃಢಪಡಿಸಿತು. “ಎಂದು ಸೇನೆಯು ಹೇಳಿಕೆಯಲ್ಲಿ ತಿಳಿಸಿದೆ.

 

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights