ಭಾರತದಲ್ಲಿ ಹೊಸದಾಗಿ 45,149 ಕೊರೊನಾ ಕೇಸ್ : 79 ಲಕ್ಷ ದಾಟಿದ ಸೋಂಕಿತರ ಸಂಖ್ಯೆ!
ಭಾರತದಲ್ಲಿ ಕೊರೊನಾ ಅರ್ಭಟ ಮುಂದುವರೆದಿದ್ದು, ಕಳೆದ 24 ಗಂಟೆಗಳಲ್ಲಿ ಹೊಸದಾಗಿ 45,149 ಪ್ರಕರಣಗಳು ದಾಖಲಾಗಿವೆ ಎಂದು ಆರೋಗ್ಯ ಸಚಿವಾಲಯದ ಅಂಕಿ ಅಂಶಗಳು ಸೋಮವಾರ ತಿಳಿಸಿವೆ. ಹೊಸ ಸಂಖ್ಯೆಯ ಪ್ರಕರಣಗಳೊಂದಿಗೆ ಭಾರತದಲ್ಲಿ ಒಟ್ಟು ಕೊರೊನಾವೈರಸ್ ಸಂಖ್ಯೆ 79,09,960 ಕ್ಕೆ ಏರಿದೆ.
ಆರೋಗ್ಯ ಸಚಿವಾಲಯದ ಪ್ರಕಾರ, ಕಳೆದ 24 ಗಂಟೆಗಳಲ್ಲಿ 480 ಕೊರನಾವೈರಸ್ ರೋಗಿಗಳು ವೈರಸ್ಗೆ ತುತ್ತಾಗಿದ್ದಾರೆ. ದೇಶದಲ್ಲಿ ಒಟ್ಟು ಸಾವಿನ ಸಂಖ್ಯೆ 1,19,014 ಕ್ಕೆ ತಲುಪಿದೆ.
ಭಾರತದ ಚೇತರಿಕೆ ಪ್ರಕರಣಗಳು 70 ಲಕ್ಷ ದಾಟಿದೆ :-
ಭಾರತದಲ್ಲಿ ಸೋಮವಾರ ದಾಖಲಾದ ಅಂಕಿ ಅಂಶಗಳ ಪ್ರಕಾರ ಒಟ್ಟು71,37,228 ಜನರು ಈ ಕಾಯಿಲೆಯಿಂದ ಚೇತರಿಸಿಕೊಂಡಿದ್ದಾರೆ, ಇದು ರಾಷ್ಟ್ರೀಯ ಚೇತರಿಕೆ ಪ್ರಮಾಣವನ್ನು ಶೇಕಡಾ 90 ಕ್ಕಿಂತ ಹೆಚ್ಚಿಸಿದೆ.
ಭಾರತದ ಪರೀಕ್ಷೆ 10 ಕೋಟಿ ದಾಟಿದೆ :-
ಇದಲ್ಲದೆ, ಭಾರತದ ಕೊರೊನಾವೈರಸ್ ಪರೀಕ್ಷೆ 10 ಕೋಟಿಗಳನ್ನು ದಾಟಿದೆ. ಕೊರೊನಾವೈರಸ್ಗಾಗಿ ಭಾರತ ಇದುವರೆಗೆ 10,34,62,778 ಮಾದರಿಗಳನ್ನು ಪರೀಕ್ಷಿಸಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ ಸೋಮವಾರ ತಿಳಿಸಿದೆ. ಈ ಪೈಕಿ 9,39, 309 ಮಾದರಿಗಳನ್ನು ಭಾನುವಾರ ಪರೀಕ್ಷಿಸಲಾಯಿತು.
ಕಳೆದ 24 ಗಂಟೆಗಳಲ್ಲಿ 14,437 ರಷ್ಟು ಕಡಿಮೆಯಾದ ನಂತರ ಭಾರತದ ಒಟ್ಟು ಸಕ್ರಿಯ ಕೊರೊನಾವೈರಸ್ ಪ್ರಕರಣಗಳು ಈಗ 6,53,717 ರಷ್ಟಿದೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.
ಸಕ್ರಿಯ ಪ್ರಕರಣಗಳು ಭಾರತದ ಒಟ್ಟು ಪ್ರಕರಣಗಳಲ್ಲಿ ಶೇಕಡಾ 8.26 ರಷ್ಟಿದ್ದರೆ, ಸಾವಿನ ಪ್ರಮಾಣವು ಪ್ರಸ್ತುತ ಶೇಕಡಾ 1.50 ರಷ್ಟಿದೆ.

