Fact Check: ಖಲಿಸ್ತಾನ್ ಪರ ರ್ಯಾಲಿಯ ಈ ವೀಡಿಯೊ ರೈತರ ಪ್ರತಿಭಟನೆಗೆ ಸಂಬಂಧಿಸಿದಿಯಾ..?
ಹೊಸ ಕೃಷಿ ಕಾನೂನುಗಳನ್ನು ತಿದ್ದುಪಡಿ ಮಾಡುವ ಕೇಂದ್ರದ ಕರಡು ಪ್ರಸ್ತಾವನೆಯನ್ನು ರೈತ ಸಂಘಗಳು ಬುಧವಾರ ತಿರಸ್ಕರಿಸಿದ್ದು, ಮುಂದಿನ ದಿನಗಳಲ್ಲಿ ಆಂದೋಲನವನ್ನು ತೀವ್ರಗೊಳಿಸುವ ತೀರ್ಮಾನ ಮಾಡಿವೆ. ರೈತರ ವಿಷಯವ ಸಾಮಾಜಿಕ ಮಾಧ್ಯಮದಲ್ಲಿ ದಿನಕಳೆದಂತೆ ಮೇಲುಗೈ ಸಾಧಿಸಿದೆ. ಈ ಮಧ್ಯೆ ನೆಟ್ಟಿಗರು ಖಲಿಸ್ತಾನಿಯ ಕೈಚಳಕವನ್ನು ಆರೋಪಿಸಿದ್ದಾರೆ.
ಸಿಖ್ ಪುರುಷರ ಒಂದು ದೊಡ್ಡ ಗುಂಪು ಕತ್ತಿಗಳನ್ನು ಹೊಡೆಯುವುದು ಮತ್ತು ಖಲಿಸ್ತಾನ್ ಪರ ಘೋಷಣೆಗಳನ್ನು ಕೂಗುವ ಒಂದು ನಿಮಿಷದ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. ಇದು ಕೃಷಿ ಕಾನೂನುಗಳ ವಿರುದ್ಧ ನಡೆಯುತ್ತಿರುವ ರೈತರ ಪ್ರತಿಭಟನೆಯ ದೃಶ್ಯವಾಗಿದೆ ಎಂದು ವೀಡಿಯೋವನ್ನು ಹಂಚಿಕೊಳ್ಳಲಾಗಿದೆ.
ಹಿಂದಿಯಲ್ಲಿನ ಶೀರ್ಷಿಕೆಯಲ್ಲಿ, “ರೈತರ ಚಳವಳಿಯ ಹೆಸರಿನಲ್ಲಿ, ಖಲಿಸ್ತಾನ್ ಪರ ಘೋಷಣೆಗಳನ್ನು ಕೂಗುತ್ತಾ ಕೈಯಲ್ಲಿ ಕತ್ತಿ ಹಿಡಿದಿದ್ದಾರೆ” ಎಂದು ಬರೆಯಲಾಗಿದೆ.
ಆದರೆ ಈ ವೀಡಿಯೋಕ್ಕೂ ರೈತರ ಪ್ರತಿಭಟನೆಗೂ ಯಾವುದೇ ಸಂಬಂಧವಿಲ್ಲ ಎನ್ನುವ ವಿಚಾರ ತನಿಖೆಯಿಂದ ಬಯಲಾಗಿದೆ. ಹೌದು… 2016 ರ ರ್ಯಾಲಿಯ ವಿಡಿಯೋ ಪಂಜಾಬ್ನ ಅಮೃತಸರದಲ್ಲಿ ಆಮೂಲಾಗ್ರ ಸಿಖ್ ಗುಂಪುಗಳದ್ದಾಗಿದೆ. ಸದ್ಯ ದೆಹಲಿಯಲ್ಲಿ ನಡೆಯುತ್ತಿರುವ ರೈತರ ಆಂದೋಲನಕ್ಕೂ ಈ ವೀಡಿಯೋಕ್ಕೂ ಯಾವುದೇ ಸಂಬಂಧವಿಲ್ಲ.
ತನಿಖೆಯಿಂದ ಅಸಲಿ ವಿಚಾರ ಬಯಲು :-
ಮೇ 25, 2016 ರಂದು “ಖಲ್ಸಾ ಗಟ್ಕಾ ಗ್ರೂಪ್” ಎಂಬ ಯೂಟ್ಯೂಬ್ ಚಾನೆಲ್ನಲ್ಲಿ ಅಪ್ಲೋಡ್ ಮಾಡಲಾದ ಈ ವೀಡಿಯೊ “ಲೈವ್ ಫ್ರಮ್ ಬಿಯಾಸ್ (ಶಿವಸೇನೆ ಅಮೃತಸರಕ್ಕೆ ಬರುವುದಿಲ್ಲ)” ಎಂಬ ಶೀರ್ಷಿಕೆಯೊಂದಿಗೆ ಇರುವುದನ್ನು ಕಾಣಬಹುದು. “ಖಲ್ಸಾ ಗಟ್ಕಾ ಗ್ರೂಪ್” ಅಪ್ಲೋಡ್ ಮಾಡಿದ ಈ ವೈರಲ್ ವೀಡಿಯೊ ಮತ್ತು 2016 ರ ವೀಡಿಯೊ ನಡುವಿನ ಸ್ಕ್ರೀನ್ಶಾಟ್ ಹೋಲಿಕೆ ಇಲ್ಲಿದೆ.
![]()
2016ರ ಈ ಅಸಲಿ ರ್ಯಾಲಿಯ ಬಗ್ಗೆ ಹಲವಾರು ಮಾಧ್ಯಮ ವರದಿಗಳನ್ನು ಕಾಣಬಹುದು.
ಹಿಂದೂಸ್ತಾನ್ ಟೈಮ್ಸ್ ವರದಿ ಪ್ರಕಾರ, ಮೇ 25, 2016 ರಂದು ‘ಲಲ್ಕರ್ ರ್ಯಾಲಿ’ ಯನ್ನು ವಿರೋಧಿಸಿ ಪಂಜಾಬ್ನಾದ್ಯಂತದ ಆಮೂಲಾಗ್ರ ಸಿಖ್ ಗುಂಪುಗಳು ಅಮೃತಸರದ ಬಿಯಾಸ್ ಸೇತುವೆಯಲ್ಲಿ ‘ಅನಾಖ್ ರ್ಯಾಲಿ’ ನಡೆಸಿದರು.ಪ್ರತಿಭಟನೆಯ ಸಮಯದಲ್ಲಿ, ಸಿಖ್ ಕಠಿಣವಾದಿಗಳು ಪ್ರಚೋದನಕಾರಿ ಘೋಷಣೆಗಳನ್ನು ಕೂಗಿದ್ದಾರೆ. ಇದಕ್ಕಾಗಿ ದಂಡವನ್ನು ಅವರು ಕಟ್ಟಬೇಕಾಯಿತು ಎಂದು “ಟೈಮ್ಸ್ ಆಫ್ ಇಂಡಿಯಾ” ಹೇಳಿದೆ. ಶಿರೋಮಣಿ ಅಕಾಲಿ ದಳ (ಅಮೃತಸರ), ಸಿಖ್ ಯುವ ಒಕ್ಕೂಟ (ಭಿಂದ್ರಾನ್ವಾಲಾ) ಮತ್ತು ಗುರು ಗ್ರಂಥ ಸಾಹೀಬ್ ಸತ್ಕರ್ ಸಮಿತಿಯಂತಹ ರ್ಯಾಲಿಯನ್ನು ನಡೆಸಲಾಯಿತು.
ರ್ಯಾಲಿಯ ಬಗ್ಗೆ ಟೈಮ್ಸ್ ಆಫ್ ಇಂಡಿಯಾ ಮತ್ತು ಇತರ ಸ್ಥಳೀಯ ಮಾಧ್ಯಮಗಳು ವರದಿಗಳನ್ನು ಸಹ ಕಾಣಬಹುದು.
ಆದ್ದರಿಂದ ವೈರಲ್ ವೀಡಿಯೊ ನಾಲ್ಕು ವರ್ಷಕ್ಕಿಂತ ಹಳೆಯದಾಗಿದೆ ಮತ್ತು ದೆಹಲಿ ಗಡಿಯಲ್ಲಿ ನಡೆಯುತ್ತಿರುವ ರೈತರ ಪ್ರತಿಭಟನೆಗೆ ಸಂಬಂಧಿಸಿಲ್ಲ ಎಂಬುದು ಸ್ಪಷ್ಟವಾಗಿದೆ.

