ರಾತ್ರೋರಾತ್ರಿ ಖುಲಾಯಿಸಿದ ಅದೃಷ್ಟ : ಶ್ರೀಮಂತನಾದ ಮಧ್ಯಪ್ರದೇಶದ ಬಡ ರೈತ!
ಮಧ್ಯಪ್ರದೇಶದ ಪನ್ನಾ ಜಿಲ್ಲೆಯಲ್ಲಿ ರೈತನ ಭವಿಷ್ಯ ರಾತ್ರೋರಾತ್ರಿ ಬದಲಾಗಿದೆ. ಬಡ ರೈತನಿಗೆ ಗಣಿಯಿಂದ 14.98 ಕ್ಯಾರೆಟ್ ವಜ್ರ ಸಿಕ್ಕಿದ್ದು, ಇದನ್ನು 60.60 ಲಕ್ಷ ರೂಪಾಯಿಗೆ ಹರಾಜು ಮಾಡಿದ ರೈತ ಒಂದೇ ದಿನದಲ್ಲಿ ಆರ್ಥಿಕ ಸಂಕಷ್ಟಗಳಿಂದ ದೂರವಾಗಿದ್ದಾನೆ. ಅಧಿಕಾರಿಗಳ ಪ್ರಕಾರ, ಪನ್ನಾದಲ್ಲಿ ಜಿಲ್ಲಾಡಳಿತದ ವಜ್ರ ಕಚೇರಿಯಲ್ಲಿ ಡಿಸೆಂಬರ್ 3 ಮತ್ತು 5 ರ ನಡುವೆ ನಡೆದ ಹರಾಜಿನಲ್ಲಿ ಒಟ್ಟು 129.83 ಕ್ಯಾರೆಟ್ ವಜ್ರಗಳನ್ನು ಮಾರಾಟ ಮಾಡಲಾಗಿದೆ.
ಈ ಬಗ್ಗೆ ಮಾಹಿತಿ ನೀಡಿದ ವಜ್ರ ನಿರೀಕ್ಷಕ ಅನುಪಮ್ ಸಿಂಗ್ , ಡಿಸೆಂಬರ್ 5 ರಂದು ನಡೆದ ಹರಾಜಿನಲ್ಲಿ ರೈತ ಲಖನ್ ಯಾದವ್ (45) ಅವರು 14.98 ಕ್ಯಾರೆಟ್ ವಜ್ರವನ್ನು 60.60 ಲಕ್ಷ ರೂಪಾಯಿಗಳಿಗೆ ಮಾರಾಟ ಮಾಡಿದ್ದಾರೆ ಎಂದಿದ್ದಾರೆ. ಪನ್ನಾ ಜಿಲ್ಲೆಯ ಪ್ರದೇಶದ ವಜ್ರವನ್ನು ನವೆಂಬರ್ 2 ರಂದು ಅವರು ವಜ್ರ ಕಚೇರಿಗೆ ನೀಡಿದ್ದಾರೆ. ಈ ಸಮಯದಲ್ಲಿ ಮಾತನಾಡಿದ ಬಡ ರೈತ, ದೇವರ ಅನುಗ್ರಹ ತನ್ನ ಮೇಲೆ ಇದೆ. ಹೀಗಾಗು ನನಗೆ ತುಂಬಾ ಸಂತೋಷವಾಗಿದೆ ಎಂದು ಹೇಳಿದ್ದಾರೆ.
ವಜ್ರವನ್ನು ಠೇವಣಿ ಮಾಡಿದ ನಂತರ ಎರಡು ಮೂರು ದಿನಗಳಲ್ಲಿ ಒಂದು ಲಕ್ಷ ರೂಪಾಯಿಗಳನ್ನು ಮುಂಗಡ ಮೊತ್ತವಾಗಿ ನೀಡಲಾಯಿತು. ಉಳಿದ ಹಣವನ್ನು ಜನವರಿ 15 ರ ನಂತರ ಅವರಿಗೆ ನೀಡಲಾಗುವುದು ಎಂದು ಅನುಪಮ್ ಸಿಂಗ್ ಹೇಳಿದ್ದಾರೆ. ಬುಂದೇಲ್ಖಂಡ್ನ ಹಿಂದುಳಿದ ಪ್ರದೇಶದಲ್ಲಿ ಎಣಿಸಲ್ಪಟ್ಟ ಪನ್ನಾ ವಜ್ರ ಗಣಿಗಳು ಪ್ರಸಿದ್ಧವಾಗಿದೆ. ಲಖನ್ ಯಾದವ್ ಒಬ್ಬ ರೈತ. ಗಡ್ಕಾಡ್ ಲಖನ್ ಯಾದವ್, “ವಜ್ರವನ್ನು ಮಾರಾಟ ಮಾಡಿದ ನಂತರ ನನಗೆ ತುಂಬಾ ಸಂತೋಷವಾಗಿದೆ. ನನ್ನ ಜೀವನದಲ್ಲಿ ಮೊದಲ ಬಾರಿಗೆ ನನಗೆ ವಜ್ರ ಸಿಕ್ಕಿತು. ಇದು ದೇವರ ಅನುಗ್ರಹ, ಅದು ಅವರ ಕೊಡುಗೆ” ಎಂದು ಹೇಳಿದ್ದಾರೆ.

