ಬಿಹಾರ: ನಿತೀಶ್ ಸರ್ಕಾರಕ್ಕೆ ಲಾಲು ವಿಲನ್‌? BJP ಮೈತ್ರಿ ಸರ್ಕಾರಕ್ಕೆ ಸಂಚಕಾರ?
ರಾಂಚಿಯ ಜೈಲಿನಲ್ಲಿದ್ದುಕೊಂಡೇ ಬಿಹಾರದ ಮಾಜಿ ಸಿಎಂ ಆರ್‌ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್ ಯಾದವ್ ಅವರು ನಿತೀಶ್ ಕುಮಾರ್ ನೇತೃತ್ವದ ಎನ್‌ಡಿಎ ಸರ್ಕಾರವನ್ನು ಅಸ್ಥಿರಗೊಳಿಸುವ ಪ್ರಯತ್ನಗಳನ್ನು ಮಾಡಿದ್ದಾರೆ ಎಂದು ಬಿಜೆಪಿ ರಾಜ್ಯಸಭಾ ಸಂಸದ ಸುಶೀಲ್ ಕುಮಾರ್ ಮೋದಿ ಆರೋಪಿಸಿದ್ದಾರೆ.
ಲಾಲು ಜೈಲು ನಿಯಮಗಳನ್ನು ಉಲ್ಲಂಘಿಸಿದ್ದಾರೆ. ‘ಯೋಜನೆ’ಬದ್ದವಾಗಿ ಹೇಗೆ ನಡೆಯಬೇಕು ಎಂದು ಅವರು ತಮ್ಮ ಪಕ್ಷದ ಸದಸ್ಯರಿಗೆ ಫೋನ್ ಮೂಲಕ ನಿಯಮಿತವಾಗಿ ಸೂಚನೆಗಳನ್ನು ನೀಡುತ್ತಿದ್ದಾರೆ ಎಂದು ಸುಶೀಲ್ ಮೋದಿ ಆರೋಪಿಸಿದ್ದಾರೆ.
ಸುಮಾರು ಎರಡು ದಶಕಗಳಿಂದ ಬಿಹಾರ ಮತ್ತು ಜೆಡಿಯು ನಡುವಿನ ಬಲವಾದ ಮೈತ್ರಿ ರಾಜ್ಯದಲ್ಲಿ ಬೇರುಬಿಟ್ಟಿದೆ ಆದರೆ ಅಲ್ಲಿನ ‘ರಾಜಕೀಯ ಅಸೂಯೆ’ ಯಲ್ಲಿ ಆರ್ ಜೆಡಿ ಹೊತ್ತಿ ಉರಿಯುತ್ತಿದೆ ಎಂದು ಮೋದಿ ಹೇಳಿದರು.
“ರಾಜ್ಯದ ಪ್ರತಿಯೊಂದು ಗ್ರಾಮಕ್ಕೂ ವಿದ್ಯುತ್ ತಲುಪಿದೆ. ಬಿಹಾರವು ಲಾಟೀನು ಯುಗದಿಂದ ಹೊರಬಂದಿದೆ. ರಾಜ್ಯಕ್ಕೆ ಉನ್ನತ ಶಿಕ್ಷಣದ ಹೊಸ ಸಂಸ್ಥೆಗಳು ಸಿಕ್ಕಿದೆ,. ಆದರೆ ಅದನ್ನೆಲ್ಲ ಮತ್ತೆ ಹಾಳು ಮಾಡುವುದೇ ಪ್ರತಿಪಕ್ಷಗಳ ಅಜೆಂಡಾ ಆಗಿದೆ.” ಎಂದು ಅವರು ಹೇಳಿದರು. 20 ಲಕ್ಷ ಜನರಿಗೆ ಉದ್ಯೋಗ ನೀಡುವ ಯೋಜನೆಯಲ್ಲಿ ಸರ್ಕಾರ ಕಾರ್ಯನಿರ್ವಹಿಸುತ್ತಿದೆ, ಕೈಗಾರಿಕಾ ಇಲಾಖೆ ಒನ್ ವಿಂಡೋ ವ್ಯವಸ್ಥೆಯನ್ನು’ ಪರಿಚಯಿಸಲು ಉದ್ದೇಶಿಸಿದೆ ಎಂದು ಮೋದಿ ಹೇಳಿದರು.
ಇದನ್ನೂ ಓದಿ: ನಿತೀಶ್ ಸಂಪುಟ: ಮೂರೇ ದಿನಕ್ಕೆ ರಾಜೀನಾಮೆ ನೀಡಿದ ಬಿಹಾರ ಸಚಿವ!
ಎನ್‌ಡಿಎಯನ್ನು ತ್ಯಜಿಸಿದ ನಂತರ ನಿತೀಶ್ ಕುಮಾರ್‌ಗೆ ಮಹಾಘಟಬಂಧನ್ ಸೇರಲು ಮತ್ತು 2024 ರ ಸಾರ್ವತ್ರಿಕ ಚುನಾವಣೆಗಳಲ್ಲಿ ಪ್ರತಿಪಕ್ಷದ ನಿಯೋಜಿತ ಪ್ರಧಾನಿ ಅಭ್ಯರ್ಥಿಯಾಗಲು ಆರ್‌ಜೆಡಿ ಈ ಹಿಂದೆ ಅವಕಾಶ ನೀಡಿತ್ತು, ಬಿಹಾರದ ಮುಂದಿನ ಸಿಎಂ ಆಗಿ ತೇಜಶ್ವಿ ಯಾದವ್‌ಗೆ ಬೆಂಬಲ ಸೂಚಿಸುವುದಕ್ಕೆ ಬದಲಿಯಾಗಿ ಈ ಆಫರ್ ನೀಡಲಾಗಿತ್ತು. ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಆರ್‌ಸಿಪಿ ಸಿಂಗ್ ಅವರು ಪ್ರಸ್ತಾಪವನ್ನು ತಿರಸ್ಕರಿಸಿದ್ದು, ಜೆಡಿ-ಯುಗೆ ಯಾರ ಸಹಾಯವೂ ಅಗತ್ಯವಿಲ್ಲ ಎಂದು ಸ್ಪಷ್ಟವಾಗಿ ಹೇಳಿದ್ದಾರೆ. “ನಮ್ಮ ಬಲದಿಂದಲೇ ನಾವು ಮುಂದೆ ನಡೆಯುತ್ತೇವೆಎಂದು ಸಿಂಗ್ ಹೇಳಿದರು.
ಅರುಣಾಚಲ ಪ್ರದೇಶದ ಘಟನೆಯ ನಂತರ ಜೆಡಿಯು, ಬಿಜೆಪಿ ಸಂಬಂಧಗಳ ಬಗ್ಗೆ ಊಹಾಪೋಹಗಳು ಆರಂಬವಾದ ನಡುವೆಯೇ ಸಿಎಂ ನಿತೀಶ್ ಕುಮಾರ್ ಅವರ ತವರು ಜಿಲ್ಲೆಯಾದ ರಾಜ್‌ಗೀರ್‌ನಲ್ಲಿ ಕೇಸರಿ ಪಕ್ಷವು ತನ್ನ ತಂಡಗಳಿಗೆ ತರಬೇತಿ ನೀಡಲು ನಿರ್ಧರಿಸಿದೆ. ಹೊಸದಾಗಿ ನೇಮಕಗೊಂಡ ಜಿಲ್ಲಾಧಿಕಾರಿ ಹಾಗೂ ಪಕ್ಷದ ರಾಜ್ಯ ಪದಾಧಿಕಾರಿಗಳಿಗೆ ಜನವರಿ 9 ರಂದು ನಳಂದದ ತರಬೇತಿ ಶಿಬಿರದಲ್ಲಿ ತರಬೇತಿ ನೀಡಲಾಗುವುದು ಎಂದು ಪಕ್ಷದ ಮೂಲಗಳು ತಿಳಿಸಿವೆ.ಏತನ್ಮಧ್ಯೆ, ಕಾಂಗ್ರೆಸ್ ಮುಖಂಡ ಪ್ರೇಮಚಂದ್ರ ಮಿಶ್ರಾ ಜೆಡಿಯುಗೆ ಎಚ್ಚರಿಕೆ ನೀಡಿದ್ದು ಮುಂಬರುವ ತರಬೇತಿ ಅಧಿವೇಶನಕ್ಕೆ ಮುಂಚಿತವಾಗಿ ಬಿಜೆಪಿಯ ಉದ್ದೇಶಗಳ ಬಗ್ಗೆ ಮುಖ್ಯಮಂತ್ರಿಗಳು ಎಚ್ಚರದಿಂದಿರಬೇಕು ಎಂದಿದ್ದಾರೆ.
ಇದನ್ನೂ ಓದಿ: ಬಿಹಾರ ನಿತೀಶ್ ಸರ್ಕಾರಕ್ಕೆ ಸಂಕಷ್ಟ: 17 JDU ಶಾಸಕರು ಸಂಪರ್ಕದಲ್ಲಿದ್ದಾರೆ RJD ನಾಯಕ!
