ಟಿಎಂಸಿ ಶಾಸಕ ಅರಿಂದಂ ಭಟ್ಟಾಚಾರ್ಯ ಬಿಜೆಪಿಗೆ ಸೇರುವ ಸಾಧ್ಯತೆ..!
ಪಶ್ಚಿಮ ಬಂಗಾಳದ ಮತ್ತೊಬ್ಬ ತೃಣಮೂಲ ಕಾಂಗ್ರೆಸ್ (ಟಿಎಂಸಿ) ಶಾಸಕ ಭಾರತೀಯ ಜನತಾ ಪಕ್ಷಕ್ಕೆ (ಬಿಜೆಪಿ) ಸೇರುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.
ನಾಡಿಯಾ ಸಂತೀಪುರ ಕ್ಷೇತ್ರದ ಅರಿಂದಂ ಭಟ್ಟಾಚಾರ್ಯ ಅವರು ಬುಧವಾರ ದೆಹಲಿಗೆ ಆಗಮಿಸಿ ಬಿಜೆಪಿಯ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಕೈಲಾಶ್ ವಿಜಯವರ್ಗಿಯಾ ಅವರನ್ನು ಭೇಟಿಯಾಗಿದ್ದು ಭಾರೀ ಕುತೂಹಲವನ್ನು ಮೂಡಿಸಿದೆ.
ಮೂಲಗಳ ಪ್ರಕಾರ, ಪಶ್ಚಿಮ ಬಂಗಾಳದ ಬಿಜೆಪಿ ಉಸ್ತುವಾರಿ ಕೈಲಾಶ್ ವಿಜಯವರ್ಗಿಯ ಉಪಸ್ಥಿತಿಯಲ್ಲಿ ಭಟ್ಟಾಚಾರ್ಯರು ಕಮಲವನ್ನು ನವದೆಹಲಿಯಲ್ಲಿ ಹಿಡಿದಿಡಲಿದ್ದಾರೆ. ಭಟ್ಟಾಚಾರ್ಯರು 2016 ರಲ್ಲಿ ನಡೆದ ಚುನಾವಣೆಯಲ್ಲಿ ಕಾಂಗ್ರೆಸ್ ಟಿಕೆಟ್ ಪಡೆದು ಜಯಗಳಿಸಿದರು. ಈಗ ಅವರು ಬಿಜೆಪಿಗೆ ಸೇರಲಿದ್ದಾರೆ.
ಮಮತಾ ಸರ್ಕಾರದಲ್ಲಿ ಕ್ಯಾಬಿನೆಟ್ ಸಚಿವರಾಗಿದ್ದ ಶುಭೇಂದು ಅಧಿಕಾರಿ ಕಳೆದ ತಿಂಗಳಷ್ಟೇ ಬಿಜೆಪಿಗೆ ಸೇರಿದ್ದರು. ಅವರೊಂದಿಗೆ ಅರ್ಧ ಡಜನ್ಗೂ ಹೆಚ್ಚು ಟಿಎಂಸಿ ನಾಯಕರು ಬಿಜೆಪಿಗೆ ಸೇರಲು ನಿರ್ಧರಿಸಿದ್ದರು. ಪಕ್ಷದಲ್ಲಿನ ದಂಗೆಯ ಮಧ್ಯೆ, ಮಮತಾ ಬ್ಯಾನರ್ಜಿ ಅವರು ಶುಬೇಂದು ಅಧಿಕಾರಿಯ ಭದ್ರಕೋಟೆಯಾದ ನಂದಿಗ್ರಾಮ್ನಲ್ಲಿ ಇತರ ಪಕ್ಷಗಳಿಗೆ ನಾಯಕರು ಹೋಗುವ ಬಗ್ಗೆ ಯಾವುದೇ ಚಿಂತೆಯಿಲ್ಲ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಈ ನಾಯಕರು ಕಳೆದ ಕೆಲವು ವರ್ಷಗಳಲ್ಲಿ ಅವರು ‘ಲೂಟಿ’ ಮಾಡಿದ ಹಣವನ್ನು ಉಳಿಸಲು ಪಕ್ಷವನ್ನು (ತೃಣಮೂಲ ಕಾಂಗ್ರೆಸ್) ತೊರೆದಿದ್ದಾರೆ ಎಂದು ಮಮತಾ ಆರೋಪಿಸಿದ್ದರು.

