Fact Check: ಇವು ತಮಿಳುನಾಡಿಗೆ ರಾಹುಲ್ ಗಾಂಧಿಯನ್ನು ಸ್ವಾಗತಿಸುವ ಫೋಟೋಗಳಾ?
ಏಪ್ರಿಲ್ 6 ರಂದು ಒಂದನೇ ಹಂತದ ತಮಿಳುನಾಡು ವಿಧಾನಸಭಾ ಚುನಾವಣೆ ನಡೆಯಲಿದೆ. ಈ ಚುನಾವಣೆಯಲ್ಲಿ ಕಾಂಗ್ರೆಸ್, ಡಿಎಂಕೆ ಜೊತೆಗೂಡಿ 25 ಸ್ಥಾನಗಳಲ್ಲಿ ಸ್ಪರ್ಧಿಸುತ್ತಿದೆ. ತಮಿಳುನಾಡಿನ ಹೆಮ್ಮೆ ಮತ್ತು ಸಂಸ್ಕೃತಿಯನ್ನು ಪ್ರಚೋದಿಸುವ ಮೂಲಕ ಎಲ್ಲಾ ವರ್ಗದ ಜನರೊಂದಿಗೆ ಸಂಪರ್ಕ ಸಾಧಿಸಲು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರು ಮತಯಾಚನೆಗೆ ರಾಜ್ಯಕ್ಕೆ ಭೇಟಿ ನೀಡಿದ್ದರು ಎನ್ನಲಾದ ಫೋಟೋಗಳು ವೈರಲ್ ಆಗಿವೆ.
ಈ ಸನ್ನಿವೇಶದಲ್ಲಿ ರಾಹುಲ್ ಗಾಂಧಿಯನ್ನು ತಮಿಳುನಾಡು ಸ್ವಾಗತಿಸುತ್ತಿರುವುದನ್ನು ಮತ್ತು ಒಂದು ವ್ಯಾನ್ ಸುತ್ತಲೂ ನೆರೆದಿದ್ದ ಜನರನ್ನು ತೋರಿಸುವ ಎರಡು ಚಿತ್ರಗಳನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾಗುತ್ತಿದೆ.
ಆದರೆ ಈ ಫೋಟೋಗಳು ಏಪ್ರಿಲ್ 6 ರಂದು ನಡೆಯಲಿರುವ ಚುನಾವಣಾ ರಾಹುಲ್ ಗಾಂಧಿ ಪ್ರಚಾರದ ಫೋಟೋಗಳಲ್ಲಿ. ಬದಲಿಗೆ ಮಾರ್ಚ್ 19, 2021 ರಂದು ತಮಿಳುನಾಡಿನಲ್ಲಿ ನಡೆದ ಡಿಎಂಕೆ ಅಧ್ಯಕ್ಷ ಎಂ.ಕೆ.ಸ್ಟಾಲಿನ್ ಅವರ ಚುನಾವಣಾ ರ್ಯಾಲಿಯಿಂದ ಬಂದವು. ರಾಹುಲ್ ಗಾಂಧಿ ಆ ದಿನ ಅಸ್ಸಾಂನಲ್ಲಿ ಪ್ರಚಾರ ಮಾಡುತ್ತಿದ್ದರು.
ಹೌದು… ಮಾರ್ಚ್ 19 ರಂದು ಡಿಎಂಕೆ ಅಧಿಕೃತ ಫೇಸ್‌ಬುಕ್ ಮತ್ತು ಟ್ವಿಟರ್ ಪುಟಗಳಲ್ಲಿ ಎರಡು ಚಿತ್ರಗಳನ್ನು ಅಪ್‌ಲೋಡ್ ಮಾಡಲಾಗಿದೆ. ಪೋಸ್ಟ್ ವಿವರಣೆಯ ಪ್ರಕಾರ, ಚಿತ್ರಗಳು ಸ್ಟಾಲಿನ್ ಅವರ ರ್ಯಾಲಿಯಿಂದ ಬಂದವು, ಮತ್ತು ರಾಹುಲ್ ಅದರ ಭಾಗವಾಗಿದ್ದ ಬಗ್ಗೆ ಯಾವುದೇ ಉಲ್ಲೇಖವಿಲ್ಲ. ಈ ಫೇಸ್‌ಬುಕ್ ಪುಟದಲ್ಲಿ, ಡಿಎಂಕೆ ಒಂದೇ ದಿನದಿಂದ ಇನ್ನೂ 10 ಚಿತ್ರಗಳನ್ನು ಹಂಚಿಕೊಂಡಿದೆ. ಆದಾಗ್ಯೂ, ಯಾವುದೇ ಚಿತ್ರಗಳಲ್ಲಿ ರಾಹುಲ್ ಕಾಣಿಸಿಕೊಂಡಿಲ್ಲ.
ಅಲ್ಲದೆ, ಮಾರ್ಚ್ 19 ಮತ್ತು 20 ರಂದು ರಾಹುಲ್ ಎರಡು ದಿನಗಳ ಅಸ್ಸಾಂಗೆ ಭೇಟಿ ನೀಡಿದ್ದರು. ಅಸ್ಸಾಂ ವಿಧಾನಸಭಾ ಚುನಾವಣೆ ಶನಿವಾರ (ಮಾರ್ಚ್ 27) ರಿಂದ ಮೂರು ಹಂತಗಳಲ್ಲಿ ನಡೆಯಲಿದೆ.
ಆದ್ದರಿಂದ, ವೈರಲ್ ಫೋಟೋಗಳು ಡಿಎಂಕೆ ಅಧ್ಯಕ್ಷ ಎಂ.ಕೆ. ಸ್ಟಾಲಿನ್ ನಡೆಸಿದ ರ್ಯಾಲಿಯಿಂದ ಬಂದವು ಎಂಬುದು ಸ್ಪಷ್ಟವಾಗಿದೆ. ಈ ರ್ಯಾಲಿಯ ಸಮಯದಲ್ಲಿ ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಅಸ್ಸಾಂನಲ್ಲಿದ್ದರು.
