‘ಕೆಲ ವಾರ ಲಾಕ್‌ಡೌನ್ ಮಾಡಿದರೆ ಭಾರತದಲ್ಲಿ ಕೊರೊನಾ ನಿಯಂತ್ರಿಸಬಹುದು’ಅಮೆರಿಕದ ಉನ್ನತ ತಜ್ಞ
ಭಾರತದಲ್ಲಿ ಕೆಲವು ವಾರಗಳ ಲಾಕ್‌ಡೌನ್ ಕೋವಿಡ್ ಪ್ರಸರಣವನ್ನು ನಿಲ್ಲಿಸಬಹುದು ಎಂದು ಅಮೆರಿಕದ ಉನ್ನತ ತಜ್ಞ ಡಾ. ಆಂಥೋನಿ ಫೌಸಿ ಸಲಹೆ ನೀಡಿದ್ದಾರೆ.
ಅಮೆರಿಕದ ಉನ್ನತ ಸಾಂಕ್ರಾಮಿಕ ರೋಗಶಾಸ್ತ್ರಜ್ಞ ಆಂಥೋನಿ ಫೌಸಿ ಅವರು ಕೊರೊನವೈರಸ್ ಹರಡುವುದನ್ನು ತಡೆಗಟ್ಟಲು ತಕ್ಷಣಕ್ಕೆ ಭಾರತದಲ್ಲಿ ಕೆಲವು ವಾರಗಳವರೆಗೆ ಲಾಕ್ ಡೌನ್ ಮಾಡಲು ಸೂಚಿಸಿದ್ದಾರೆ.
ಫೌಸಿ, ದಿ ಇಂಡಿಯನ್ ಎಕ್ಸ್‌ಪ್ರೆಸ್‌ಗೆ ನೀಡಿದ ಸಂದರ್ಶನದಲ್ಲಿ, ಆಮ್ಲಜನಕ, ಔಷಧಿ, ಪಿಪಿಇಗಳನ್ನು ಪೂರೈಸುವುದರೊಂದಿಗೆ ಭಾರತ ಮಾಡಬೇಕಾದ ಮತ್ತೊಂದು ಪ್ರಮುಖ ವಿಷಯವೆಂದರೆ, ಈ ಬಿಕ್ಕಟ್ಟಿನಿಂದ ಜನರನ್ನು ಕಾಪಾಡುವುದು ಹೇಗೆ ಅನ್ನೋದನ್ನ ಯೋಚನೆ ಮಾಡಬೇಕು.
“ಸರಿ, ನೀವು ನಿಜವಾಗಿಯೂ ಮಾಡಬೇಕಾದ ಕೆಲಸವೆಂದರೆ, ನಿಮಗೆ ಸಾಧ್ಯವಾದಷ್ಟು ಮಟ್ಟಿಗೆ, ದೇಶವನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿ, ಇದು ಮುಖ್ಯವೆಂದು ನಾನು ಭಾವಿಸುತ್ತೇನೆ. ನಾವು ಸಮಯ ಮೀರಿ ಹೋದರೆ ಸಮಸ್ಯೆ ಮತ್ತಷ್ಟು ಉಲ್ಬಣವಾಗುತ್ತದೆ” ಎಂದು ಫೌಸಿ ಎಚ್ಚರಿಕೆ ನೀಡಿದ್ದಾರೆ.
“ತಕ್ಷಣದಲ್ಲಿ ಮಾಡಬೇಕಾದ ಪ್ರಮುಖ ವಿಷಯವೆಂದರೆ ಆಮ್ಲಜನಕವನ್ನು ಪಡೆಯುವುದು, ಸರಬರಾಜು ಪಡೆಯುವುದು, ಔಷಧಿಗಳನ್ನು ಪಡೆಯುವುದು, ಪಿಪಿಇ ಪಡೆಯುವುದು, ಆ ರೀತಿಯ ವಸ್ತುಗಳು. ಆದರೆ ಇದರ ಜೊತೆಗೆ ಮತ್ತೊಂದು ಪ್ರಮುಖ ಕೆಲಸವನ್ನೂ ಮಾಡಬೇಕಾಗಿದೆ. ಕೆಲ ವಾರಗಳ ಕಾಲ ಲಾಖ್ ಡೌನ್ ಮಾಡುವುದು” ಎಂದು ಹೇಳಿದರು. ಬಿಡೆನ್ ಆಡಳಿತದ ಮುಖ್ಯ ವೈದ್ಯಕೀಯ ಸಲಹೆಗಾರರಾಗಿರುವ ಫೌಸಿ ಹೇಳಿದ್ದಾರೆ.
ಒಂದು ವರ್ಷದ ಹಿಂದೆ ಚೀನಾದಲ್ಲಿ ಕರೋನವೈರಸ್ ಪ್ರಕರಣಗಳ ದೊಡ್ಡ ಸ್ಫೋಟ ಸಂಭವಿಸಿದಾಗಅವರು ಸಂಪೂರ್ಣವಾಗಿ ಲಾಕ್ ಡೌನ್ ಮಾಡಿದರು. ಹಾಗೆ ಆರು ತಿಂಗಳ ಕಾಲ ಸ್ಥಗಿತಗೊಳಿಸುವ ಅಗತ್ಯವಿಲ್ಲ, ಆದರೆ ಪ್ರಸರಣದ ಚಕ್ರವನ್ನು ಕೊನೆಗೊಳಿಸಲು ಇದು ತಾತ್ಕಾಲಿಕವಾಗಿದೆ ಎಂದು ಫೌಸಿ ಹೇಳಿದರು.
ಆದ್ದರಿಂದ ಪರಿಗಣಿಸಬೇಕಾದ ಒಂದು ವಿಷಯವೆಂದರೆ ತಾತ್ಕಾಲಿಕವಾಗಿ ಲಾಖ್ ಡೌನ್ ಮಾಡುವುದು ಉತ್ತಮ ಮಾರ್ಗ ಎಂದು ಅವರು ಹೇಳಿದರು.
