ಕೋಯಿಕ್ಕೋಡ್​ ವಿಮಾನ ದುರಂತ: ಪೈಲಟ್ ನಿರ್ಲಕ್ಷ್ಯವೇ ಕಾರಣ ಎಂದ ಎಎಐಬಿ ವರದಿ!

ಕಳೆದ ವರ್ಷದ ಆಗಸ್ಟ್​ ತಿಂಗಳಲ್ಲಿ ಕೋಯಿಕ್ಕೋಡ್​ ವಿಮಾನ ನಿಲ್ದಾಣದಲ್ಲಾದ ವಿಮಾನ ಪತನಕ್ಕೆ ಪೈಲಟ್‌ ನಿರ್ಲಕ್ಷ್ಯವೇ ಕಾರಣ ಎಂದು ಘಟನೆಯ ಕುರಿತು ತನಿಖೆ ನಡೆಸಿರುವ ವಿಮಾನ ಅಪಘಾತ ತನಿಖಾ ಬ್ಯೂರೋ (ಎಎಐಬಿ) ತನಿಖಾ ವರದಿಯಲ್ಲಿ ಹೇಳಿದೆ.

257 ಪುಟಗಳ ವರದಿಯನ್ನು ಬಿಡುಗಡೆ ಮಾಡಿರುವ ಎಎಐಬಿ, ಪೈಲಟ್ ಎಸ್​ಒಪಿ ನಿಯಮಗಳನ್ನು ಅನುಸರಿಸಿಲ್ಲ. ಹೀಗಾಗಿ ದುರಂತ ಸಂಭವಿಸಿದೆ. ಅಸ್ಥಿರಗೊಳಿಸದ ವಿಧಾನವನ್ನು ಅನುಸರಿಸಿದ ಪೈಲಟ್ ಟಚ್‌ಡೌನ್ ವಲಯವನ್ನು ಮೀರಿ, ರನ್​ ವೇ ಕೆಳಗೆ ಅರ್ಧದಾರಿಯಲ್ಲೇ ವಿಮಾನವನ್ನು ಇಳಿಸಿದ್ದಾರೆ. ಪೈಲಟ್ ಮಾನಿಟರಿಂಗ್ ಕರೆ ಮಾಡಿದ ಹೊರತಾಗಿಯೂ,​ ಮಾನಿಟರಿಂಗ್​ ನಿಯಂತ್ರಣವನ್ನು ತೆಗೆದುಕೊಳ್ಳುವಲ್ಲಿ ಪೈಲಟ್‌ ವಿಫಲರಾದರು ಎಂದು ಹೇಳಿದೆ.

ಲ್ಯಾಂಡಿಂಗ್​ ವೇಳೆ ಗಮನಿಸಬೇಕಾದ ಪ್ರಮುಖ ಅಂಶವನ್ನು ಪರಿಗಣಿಸದೆ  ಎಸ್‌ಒಪಿ ನಿಯಮಗಳನ್ನು ಉಲ್ಲಂಘಿಸಿ ಲ್ಯಾಂಡಿಂಗ್ ಫ್ಲಾಪ್‌ಗಳು ಮತ್ತು ಸ್ವಯಂ-ಬ್ರೇಕ್ ಆಯ್ಕೆ ಮಾಡಿಕೊಂಡಿದ್ದಾರೆ. ರನ್​ವೇ 10ಕ್ಕೆ ಇಳಿಯುವ ಮುನ್ನ ಪಿಐಸಿ ಟೈಲ್‌ವಿಂಡ್‌ಗಳೊಂದಿಗೆ ಇಳಿಯಲು ಸಾಕಷ್ಟು ತಯಾರಿಯನ್ನು ಅವರು ಕೈಗೊಳ್ಳಲಿಲ್ಲ. ಅಲ್ಲದೆ, ಪ್ರತಿಕೂಲಕರ ಹವಾಮಾನವೂ ಅಪಘಾತಕ್ಕೆ ಕಾರಣವಾಗಿದೆ. ಈ ಸಮಯದಲ್ಲಿ ಸೂಕ್ತ ಸಂಪರ್ಕವೂ ಸಾಧ್ಯವಾಗಲಿಲ್ಲ. ಆದರೂ, ಇಂತಹ ಸಂದರ್ಭದಲ್ಲಿ ಪರ್ಯಾಯ ವಾಯುನೆಲೆಯ ಕಡೆಗೆ ವಿಮಾನವನ್ನು ತಿರುಗಿಸುವ ಅವಕಾಶವಿತ್ತು ಎಂದು ವರಿಯಲ್ಲಿ ಹೇಳಲಾಗಿದೆ.

2020 ಆಗಸ್ಟ್​ 7ರಂದು ದುಬೈನಿಂದ ಬಂದ ಏರ್​ಇಂಡಿಯಾ ಎಕ್ಸ್​ಪ್ರೆಸ್ ಬೋಯಿಂಗ್ 737 ವಿಮಾನ ಭಾರಿ ಮಳೆಯಿಂದಾಗಿ ರನ್​ವೇನಲ್ಲಿ ಜಾರಿ ಸುಮಾರು 35 ಅಡಿ ಆಳದ ತಗ್ಗಿಗೆ ಬಿದ್ದಿತ್ತು. ಬಿದ್ದ ರಭಸಕ್ಕೆ ವಿಮಾನ ಎರಡು ಭಾಗವಾಗಿತ್ತು. ಘಟನೆಯಲ್ಲಿ ಇಬ್ಬರು ಪೈಲಟ್ ಸೇರಿದಂತೆ 23 ಮಂದಿ ಸಾವನ್ನಪ್ಪಿದ್ದರು.

ಇದನ್ನೂ ಓದಿ: Fact Check: ಕೇರಳ ವಿಮಾನಾಘಾತದಲ್ಲಿ ಸಾವಿಗೀಡಾದ ಪೈಲಟ್‌ ಕಾರ್ಯಕ್ರಮದಲ್ಲಿ ಹಾಡು ಹಾಡಿದ್ದರೇ?

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights