ಫ್ಯಾಕ್ಟ್ಚೆಕ್: ಈ ಚಿತ್ರದಲ್ಲಿರುವವರು ಮಗು ಅಟಲ್ ಬಿಹಾರಿ ವಾಜಪೇಯಿ ಮತ್ತು ಅವರ ತಾಯಿಯೇ?
ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರ 98 ನೇ ಜನ್ಮದಿನವನ್ನು ಡಿಸೆಂಬರ್ 25 ರಂದು ಆಚರಿಸಲಾಯಿತು. ರಾಜಕೀಯ ಭಾರತೀಯ ರಾಜಕೀಯದ ಅತ್ಯಂತ ಪ್ರಭಾವಶಾಲಿ ಮತ್ತು ಖ್ಯಾತ ನಾಯಕರಲ್ಲಿ ಒಬ್ಬರಾಗಿದ್ದ ವಾಜಪೇಯಿ ಅವರ ಚಿಕ್ಕ ಮಗುವಿನ ಫೋಟೊ ಎಂಬ ಹೇಳಿಕೆಯೊಂದಿಗೆ ಪೋಸ್ಟ್ಅನ್ನು ಹಂಚಿಕೊಳ್ಳಲಾಗಿದೆ.
ಒಂದು ಮಗು ಮತ್ತು ಮಹಿಳೆಯ ಕಪ್ಪು ಮತ್ತು ಬಿಳಿ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಅದು ಅಟಲ್ ಬಿಹಾರಿ ವಾಜಪೇಯಿ ಮತ್ತು ಅವರ ತಾಯಿಯ ಫೋಟೋ ಎಂದು ಹೇಳಿಕೊಂಡಿದೆ. ಹಾಗಿದ್ದರೆ ಈ ಪೋಸ್ಟ್ನಲ್ಲಿ ಮಾಡಲಾದ ಪ್ರತಿಪಾದನೆಯನ್ನು ಪರಿಶೀಲಿಸೋಣ.
ಫ್ಯಾಕ್ಟ್ಚೆಕ್:
ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿರುವ ಪೋಸ್ಟ್ನಲ್ಲಿ ಮಾಡಲಾದ ಪ್ರತಿಪಾದನೆಯನ್ನು ಪರಿಶೀಲಿಸಲು ಗೂಗಲ್ ರಿವರ್ಸ್ ಇಮೇಜ್ ಸರ್ಚ್ ಮಾಡಿದಾಗ, ವಿಶ್ವಾಸ್ ನ್ಯೂಸ್ ಮಾಡಿರುವ ಫ್ಯಾಕ್ಟ್ಚೆಕ್ ವರದಿಯೊಂದು ಲಭ್ಯವಾಗಿದೆ. ಈ ವರದಿಯ ಪ್ರಕಾರ ಫೋಟೋದಲ್ಲಿರುವ ತಾಯಿ ಮತ್ತು ಮಗು ವಾಜಪೇಯಿ ಮತ್ತವರ ತಾಯಿ ಅಲ್ಲ ಎಂದು ವಿಶ್ವಾಸ್ ನ್ಯೂಸ್ ಹೇಳಿದೆ.
ವೈರಲ್ ಫೋಟೋ ಬಗ್ಗೆ ಮತ್ತಷ್ಟು ಸರ್ಚ್ ಮಾಡಿದಾಗ, ಜನವರಿ 5, 2021 ರಂದು ನವಭಾರತ್ ಟೈಮ್ಸ್ನಲ್ಲಿ ಸುದ್ದಿ ಲೇಖನವನ್ನು ಪ್ರಕಟಿಸಲಾಗಿದೆ. ವೈರಲ್ ಚಿತ್ರವು ಬಿಹಾರಕ್ಕೆ ಸಂಬಂಧ ಪಟ್ಟಿದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಇದು ಮುಜಾಫರ್ಪುರ ನಿವಾಸಿ ರಾಣು ನೀಲಂ ಶಂಕರ್ ಅವರ ಬಾಲ್ಯದ ಚಿತ್ರವಾಗಿದ್ದು, ಚಿತ್ರದಲ್ಲಿನ ಮಹಿಳೆ ನೀಲಂ ಶಂಕರ್ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ವರದಿಯ ಪ್ರಕಾರ, ರಾನು ಶಂಕರ್ ಈ ಚಿತ್ರವು ತನ್ನ ಬಾಲ್ಯದದ್ದಾಗಿದೆ ಮತ್ತು ಚಿತ್ರದಲ್ಲಿ ಅವರ ತಾಯಿ ನೀಲಂ ಶಂಕರ್ ಅವರೊಂದಿಗೆ ಇದ್ದಾರೆ ಎಂದು ಹೇಳಿದರು. 1980ರಲ್ಲಿ ತಮ್ಮ ತಾಯಿ ತೀರಿಕೊಂಡಿದ್ದು, ಅವರ ನೆನಪಿಗಾಗಿ ಈ ಫೋಟೋ ಇಟ್ಟುಕೊಂಡಿದ್ದೇನೆ ಎಂದರು.
ಇದಾದ ಬಳಿಕ ರಾಣು ಶಂಕರ್ ಅವರ ಫೇಸ್ಬುಕ್ ಪ್ರೊಫೈಲ್ ಅನ್ನು ಹುಡುಕಿದಾಗ ವೈರಲ್ ಫೋಟೋ ಪತ್ತೆಯಾಗಿದೆ. ಅವರು ಫೆಬ್ರವರಿ 13, 2022 ರಂದು, ಶೀರ್ಷಿಕೆಯೊಂದಿಗೆ ಚಿತ್ರವನ್ನು ಪೋಸ್ಟ್ ಮಾಡಿದ್ದಾರೆ, ಹೆಚ್ಚಿನ ದೃಢೀಕರಣಕ್ಕಾಗಿ ವಿಶ್ವಾಸ್ ನ್ಯೂಸ್ ರಾನು ಶಂಕರ್ ಅವರೊಂದಿಗೆ ಸಂರ್ಪಿಸಿದ್ದು, ಈ ಫೋಟೋ ತನ್ನ ಬಾಲ್ಯದ್ದು ಮತ್ತು ಚಿತ್ರದಲ್ಲಿ ತನ್ನ ತಾಯಿಯೊಂದಿಗೆ ಇದ್ದೇನೆ ಎಂದು ಅವರು ಹೇಳಿದರು. ಅವನು ಸುಮಾರು ಎರಡು ವರ್ಷದವನಿದ್ದಾಗ ಸ್ಟುಡಿಯೊದಲ್ಲಿ ತೆಗೆದ ಫೋಟೋ. ಅವರು 2020 ರಲ್ಲಿ ಪಾರು ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧಿಸಿದ್ದರು ಮತ್ತು ಗಾಂಧಿ ಸ್ವರಾಜ್ ಆಶ್ರಮದ ರಾಷ್ಟ್ರೀಯ ಅಧ್ಯಕ್ಷರಾಗಿದ್ದಾರೆ. ಸದ್ಯ ಸಮಾಜ ಸೇವೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಇವರಿಗೆ ಬಿಹಾರ ಗೌರವ್ ಸಮ್ಮಾನ್ ಕೂಡ ಲಭಿಸಿದೆ.
ಫೋಟೋವನ್ನು ತಪ್ಪಾಗಿ ಹಂಚಿಕೊಂಡಿರುವ ‘ಅಜಯ್ ಕುಮಾರ್ ಸೈನಿ’ ಅವರ ಫೇಸ್ ಬುಕ್ ಪೇಜ್ ಅನ್ನು ಪರಿಶೀಲಿಸಿದಾಗ, 15 ಏಪ್ರಿಲ್ 2020 ರಂದು ರಚಿಸಲಾದ ಈ ಪುಟವನ್ನು ಸುಮಾರು 12,000 ಬಳಕೆದಾರರು ಅನುಸರಿಸುತ್ತಾರೆ. ಈ ಪುಟವು ರಾಜಕೀಯ ಪಕ್ಷದಿಂದ ಪ್ರೇರಿತವಾಗಿದೆ.
ಒಟ್ಟಾರೆಯಾಗಿ ಹೇಳುವುದಾದರೆ, ವೈರಲ್ ಆಗಿರುವ ಕಪ್ಪು ಬಿಳುಪು ಫೋಟೋ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಮತ್ತು ಅವರ ತಾಯಿಯದ್ದಲ್ಲ.ಇದು ಬಿಹಾರ ನಿವಾಸಿ ರಾಣು ನೀಲಂ ಶಂಕರ್ ಮತ್ತು ಅವರ ತಾಯಿಯ ಚಿತ್ರ. ಈ ಚಿತ್ರಕ್ಕೂ ಅಟಲ್ ಬಿಹಾರಿ ವಾಜಪೇಯಿ ಅವರಿಗೂ ಯಾವುದೇ ಸಂಬಂಧವಿಲ್ಲ.
ಕೃಪೆ: ವಿಶ್ವಾಸ್ ನ್ಯೂಸ್
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ: ಫ್ಯಾಕ್ಟ್ಚೆಕ್: ಭಾರತ್ ಜೋಡೋ ಯಾತ್ರೆಗೆ ಬಂದ ಜನರಿಗೆ ಕಾಂಗ್ರೆಸ್ ಹಣ ಹಂಚಿದ್ದು ನಿಜವೇ?