ಫ್ಯಾಕ್ಟ್‌ಚೆಕ್ : ಕತ್ತರಿಸಿದ ಹಸುವಿನ ತಲೆ ಮತ್ತು ಕಾಲುಗಳ ದೃಶ್ಯಗಳು ಎಲ್ಲಿಯದು ಗೊತ್ತೆ?
ದೆಹಲಿಯ ಜಾಮಾ ಮಸೀದಿ ಬಳಿ ಇರುವ ಹಸುವಿನ (ಗೋ) ಮಾಂಸದ ಅಂಗಡಿಯ ದೃಶ್ಯಗಳು ಎಂದು ಹೇಳುವ ವಿಡಿಯೊ ಕ್ಲಿಪ್ ಅನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.
ವಿಡಿಯೋದಲ್ಲಿ ಶಿರಚ್ಛೇದಿತ ಹಸುವಿನ ತಲೆ ಮತ್ತು ಕಾಲುಗಳನ್ನು ದೇಹದಿಂದ ಬೇರ್ಪಡಿಸಲಾಗಿದೆ. ಕ್ಲಿಪ್ ಅನ್ನು ಹಂಚಿಕೊಂಡಿರುವ ವಿಡಿಯೋದಲ್ಲಿರುವ ವ್ಯಕ್ತಿ, ದೆಹಲಿಯ ಜಾಮಾ ಮಸೀದಿಯ ಮುಂದೆ ನಿರ್ದಯವಾಗಿ ಗೋಹತ್ಯೆ ಮಾಡುವ ಮೂಲಕ ಮುಸ್ಲಿಮರು ಗೋಮಾಂಸ ಮಾರಾಟ ಮಾಡುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ. ಹಾಗಿದ್ದರೆ ಪೋಸ್ಟ್‌ನಲ್ಲಿ ಮಾಡಿದ ಪ್ರತಿಪಾದನೆ ನಿಜವೇ ಎಂದು ಪರಿಶೀಲಿಸೋಣ.
ಫ್ಯಾಕ್ಟ್‌ಚೆಕ್ :
ಪೋಸ್ಟ್‌ನಲ್ಲಿ ಹಂಚಿಕೊಂಡಿರುವ ವೀಡಿಯೊ ಕ್ಲಿಪ್‌ನ ಸ್ಕ್ರೀನ್‌ಶಾಟ್‌ಅನ್ನು ಗೂಗಲ್ ರಿವರ್ಸ್ ಇಮೇಜಸ್‌ನಲ್ಲಿ ಸರ್ಚ್ ಮಾಡಿದಾಗ, ಇದೇ ರೀತಿಯ ದೃಶ್ಯಗಳನ್ನು ಹೊಂದಿರುವ ವೀಡಿಯೊವನ್ನು ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ಅನೇಕ ಬಳಕೆದಾರರು ಟ್ವೀಟ್ ಮಾಡಿದ್ದಾರೆ. ಕಾಮೆಂಟ್ ವಿಭಾಗದಲ್ಲಿ ಕೆಲವು ಬಳಕೆದಾರರು ಈ ಟ್ವೀಟ್‌ಗಳಿಗೆ ಪ್ರತಿಕ್ರಿಯಿಸಿದ್ದು, ವಿಡಿಯೊ ಪಾಕಿಸ್ತಾನದದ್ದು ಎಂದು ಹೇಳಿದ್ದಾರೆ.
काय म्हणावं यांना pic.twitter.com/cMIu74uVmT
— Shivshankar Swami (@shivshankar7593) May 28, 2023
ಈ ಸಂಬಂಧ ಹೆಚ್ಚಿನ ಮೂಲಗಳನ್ನು ಸರ್ಚ್ ಮಾಡಲು, 09 ಡಿಸೆಂಬರ್ 2022 ರಂದು ಫಹೀಮ್ ಎಂಬ ಹೆಸರಿನ ಪಾಕಿಸ್ತಾನಿ ಟಿಕ್‌ಟಾಕ್ ಬಳಕೆದಾರರು ಪೋಸ್ಟ್ ಮಾಡಿದ ಇದೇ ರೀತಿಯ ದೃಶ್ಯಗಳೊಂದಿಗೆ ವೀಡಿಯೊ ಕಂಡುಬಂದಿದೆ.
ಪೋಸ್ಟ್‌ಗೆ ಬಳಕೆದಾರರ ಕಾಮೆಂಟ್‌ಗೆ ಪ್ರತಿಕ್ರಿಯಿಸಿದ ಫಹೀಮ್, ಇದು ಹಲಾಲ್ ಮಾಂಸ ಎಂದು ದೃಢಪಡಿಸಿದ್ದಾರೆ. ಮತ್ತು ಆ ದಿನ 3 ಕೆಜಿ ತಾಜಾ ಗೋಮಾಂಸದಿಂದ ನಿಹಾರಿಯನ್ನು ತಯಾರಿಸಿದ್ದೇನೆ ಎಂದು ಹೇಳಿದ್ದಾರೆ. ಟಿಕ್‌ಟಾಕ್ ಅನುಯಾಯಿಗಳು ತಮ್ಮ ವಿಡಿಯೊವನ್ನು ಇಷ್ಟಪಟ್ಟಿದ್ದಕ್ಕಾಗಿ ಮತ್ತು ಪ್ರೀತಿಯನ್ನು ನೀಡಿದಕ್ಕಾಗಿ ಫಹೀಮ್ ಧನ್ಯವಾದಗಳನ್ನು ಅರ್ಪಿಸಿದ್ದಾರೆ.
ತಾವೂ ಕೂಡ ಪಾಕಿಸ್ತಾನದಲ್ಲಿ ಬೀಫ್ ಅಂಗಡಿಯನ್ನು ತೆರೆದು ಶೀಘ್ರದಲ್ಲೇ ಅಂತಹ ವಿಡಿಯೊಗಳನ್ನು ತಮ್ಮ ಟಿಕ್‌ಟಾಕ್ ಹ್ಯಾಂಡಲ್‌ನಲ್ಲಿ ಅಪ್‌ಲೋಡ್ ಮಾಡುವುದಾಗಿ ಭರವಸೆ ನೀಡಿದರು. ಮತ್ತೊಂದು ಕಾಮೆಂಟ್‌ನಲ್ಲಿ ಫಹೀಮ್ ಅವರು ತಮ್ಮ ಗೋಮಾಂಸ ಅಂಗಡಿಯ ಪ್ರಚಾರದ ಭಾಗವಾಗಿ ಈ ವಿಡಿಯೊಗಳನ್ನು ಅಪ್‌ಲೋಡ್ ಮಾಡುತ್ತಿದ್ದಾರೆ ಎಂದು ಹೇಳಿದ್ದಾರೆ. ಈ ಎಲ್ಲಾ ಪುರಾವೆಗಳಿಂದ, ಪೋಸ್ಟ್‌ನಲ್ಲಿ ಹಂಚಿಕೊಳ್ಳಲಾದ ವಿಡಿಯೊ ಕ್ಲಿಪ್ ಪಾಕಿಸ್ತಾನದ್ದು, ದೆಹಲಿಯ ಜಾಮಾ ಮಸೀದಿಯ ಮುಂಭಾಗದಲ್ಲಿರುವ ಯಾವುದೇ ಗೋಮಾಂಸ ಅಂಗಡಿಯಿಂದ ಅಲ್ಲ ಎಂದು ತೀರ್ಮಾನಿಸಬಹುದು.
ಒಟ್ಟಾರೆಯಾಗಿ ಹೇಳುವುದಾದರೆ, ಪಾಕಿಸ್ತಾನಿ ಟಿಕ್‌ಟಾಕ್ ಬಳಕೆದಾರರು ಡಿಸೆಂಬರ್ 2022 ರಲ್ಲಿ ಪ್ರಕಟಿಸಿದ್ದಾರೆ. ಟಿಕ್‌ಟಾಕ್ ಬಳಕೆದಾರರು ಪಾಕಿಸ್ತಾನದಲ್ಲಿ ಬೀಫ್ ಅಂಗಡಿಯನ್ನು ಹೊಂದಿದ್ದು, ಅವರ ಬೀಫ್ ಅಂಗಡಿಯ ಪ್ರಚಾರದ ಭಾಗವಾಗಿ ಅಂತಹ ಹೆಚ್ಚಿನ ವೀಡಿಯೊಗಳನ್ನು ಅಪ್‌ಲೋಡ್ ಮಾಡುವುದಾಗಿ ಹೇಳಿದ್ದಾರೆ. ವಿಡಿಯೋ ಪಾಕಿಸ್ತಾನದಾಗಿದ್ದು ಮತ್ತು ದೆಹಲಿಯ ಜಾಮಾ ಮಸೀದಿ ಬಳಿ ಇರುವ ಯಾವುದೇ ಅಂಗಡಿಗೂ ಇದಕ್ಕೂ ಯಾವುದೇ ಸಂಬಂಧವಿಲ್ಲ.
ಪಾಕಿಸ್ತಾನದ ಹಳೆಯ ವೀಡಿಯೊವನ್ನು ದೆಹಲಿಯ ಜಾಮಾ ಮಸೀದಿಯ ಮುಂಭಾಗದಲ್ಲಿರುವ ಹಸುವಿನ ಮಾಂಸದ ಅಂಗಡಿಯ ದೃಶ್ಯಗಳು ಎಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ. ಹಾಗಾಗಿ ಪೋಸ್ಟ್‌ನಲ್ಲಿ ಮಾಡಿದ ಪ್ರತಿಪಾದನೆ ತಪ್ಪಾಗಿದೆ.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್‌ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ : ಫ್ಯಾಕ್ಟ್‌ಚೆಕ್ : ಯೋಗಿ ಆದಿತ್ಯನಾಥ್ ಟಿಪ್ಪು ಚಿತ್ರಕ್ಕೆ ನಮಸ್ಕರಿಸಿದ್ದಾರೆ ಎಂದು ಎಡಿಟ್ ಮಾಡಿದ ಫೋಟೊ ಹಂಚಿಕೆ
ಫಾಸಿಸಂನ ಆಹಾರವೇ ಸುಳ್ಳು
ಸುಳ್ಳಿನಿಂದಲೇ ಜೀವ ಉಳಿಸುತ್ತಿರುವ ಫಾಸಿಸಂ.