FACT CHECK | ಪಾಕ್ ರೈಲಿನ ಮೇಲೆ ಉಗ್ರರಿಂದ ದಾಳಿ ಎಂದು ಎರಡು ವರ್ಷದ ಹಳೆಯ ವಿಡಿಯೋ ಹಂಚಿಕೆ
ಪಾಕಿಸ್ತಾನದ ಬಲೂಚಿಸ್ತಾನ ಪ್ರಾಂತ್ಯದಲ್ಲಿ ರೈಲಿನ ಮೇಲೆ ದಾಳಿ ನಡೆಸಿದ ಉಗ್ರರು ನೂರಾರು ಪ್ರಯಾಣಿಕರನ್ನು ಒತ್ತೆಯಾಳಾಗಿ ಇರಿಸಿದ್ದರು. ಈ ಪೈಕಿ ಕಾರ್ಯಾಚರಣೆ ನಡೆಸಿರುವ ಪಾಕಿಸ್ತಾನದ ಭದ್ರತಾ ಪಡೆ 155 ಪ್ರಯಾಣಿಕರನ್ನು ರಕ್ಷಿಸುವಲ್ಲಿ ಯಶಸ್ವಿಯಾಗಿದ್ದು, 27 ಉಗ್ರರನ್ನು ಹತ್ಯೆ ಮಾಡಿದೆ ಎಂದು ವರದಿಯಾಗಿದೆ. ಈ ಮಧ್ಯ ಉಗ್ರರು ರೈಲನ್ನು ಹೈಜಾಕ್ ಮಾಡುತ್ತಿರುವ ನೈಜ ವಿಡಿಯೋ ಎಂದು ಪ್ರತಿಪಾದಿಸಿ ಸಾಮಾಜಿಕ ಮಾಧ್ಯಮಗಳಲ್ಲಿ ವಿಡಿಯೋವನ್ನು ಹಂಚಿಕೊಳ್ಳಲಾಗುತ್ತಿದೆ.
बलूच आर्मी ने पाकिस्तान मे किया बड़ा हमला, बीएलए ने क्वेटा से मुठभेड़ जा रही है जाफर एक्सप्रेस ट्रेन में 100 अधिक यात्रियों को बन्धक बनाया है।
मुठभेड़ में पाकिस्तान सेना के 6 जवानों भी मारे गये हैं.#Balochistan #TrainHijack #INDvsNZ #Pakistan #PakistanArmy #Viral pic.twitter.com/KHDsEPauA7— Krissh Purrohit (@KrisshPurrohit) March 11, 2025
ಪಾಕಿಸ್ತಾನದಲ್ಲಿ ಬಲೂಚ್ ಸೇನೆಯು ಪ್ರಮುಖ ದಾಳಿ ನಡೆಸಿತು; ಕ್ವೆಟ್ಟಾದಿಂದ ಹೋಗುತ್ತಿದ್ದ ಜಾಫರ್ ಎಕ್ಸ್ಪ್ರೆಸ್ ರೈಲಿನಲ್ಲಿ ಬಿಎಲ್ಎ 100 ಕ್ಕೂ ಹೆಚ್ಚು ಪ್ರಯಾಣಿಕರನ್ನು ಒತ್ತೆಯಾಳಾಗಿ ಇರಿಸಿಕೊಂಡಿತು. ಈ ಎನ್ಕೌಂಟರ್ನಲ್ಲಿ ಆರು ಪಾಕಿಸ್ತಾನಿ ಸೇನಾ ಸೈನಿಕರು ಸಹ ಸಾವನ್ನಪ್ಪಿದ ಇತ್ತೀಚಿನ ವಿಡಿಯೋ ಎಂದು ಪ್ರತಿಪಾದಿಸಿ ಕ್ರಿಶ್ ಪುರೋಹಿತ್ ಎಂಬ ಎಕ್ಸ್ ಬಳಕೆದಾರರು ಪೋಸ್ಟ್ಅನ್ನು ಹಂಚಿಕೊಂಡಿದ್ದಾರೆ.
पाकिस्तान सरकार ने अपनी अधिकांश भूमि और संचालन पर नियंत्रण खो दिया है, बलूच आर्मी (बलूच लिबरेशन आर्मी) ने 6 सेना कर्मियों की हत्या कर दी है!
बलूचिस्तान में पूरी ट्रेन जफ्फर एक्सप्रेस को हाईजैक कर लिया है और 100 से अधिक यात्रियों का अपहरण कर लिया है। pic.twitter.com/w9i8hfxLdE
— Pradeep Maikhuri (@PradeepMaikhur3) March 11, 2025
ಪಾಕಿಸ್ತಾನ ಸರ್ಕಾರವು ತನ್ನ ಹೆಚ್ಚಿನ ಭೂಮಿ ಮತ್ತು ಕಾರ್ಯಾಚರಣೆಗಳ ಮೇಲಿನ ನಿಯಂತ್ರಣವನ್ನು ಕಳೆದುಕೊಂಡಿದೆ, ಬಲೂಚ್ ಸೈನ್ಯ (ಬಲೂಚ್ ಲಿಬರೇಶನ್ ಆರ್ಮಿ) 6 ಸೇನಾ ಸಿಬ್ಬಂದಿಯನ್ನು ಕೊಂದಿದೆ! ಜಾಫರ್ ಎಕ್ಸ್ಪ್ರೆಸ್ನ ಸಂಪೂರ್ಣ ರೈಲನ್ನು ಬಲೂಚಿಸ್ತಾನದಲ್ಲಿ ಅಪಹರಿಸಲಾಗಿದೆ ಮತ್ತು 100 ಕ್ಕೂ ಹೆಚ್ಚು ಪ್ರಯಾಣಿಕರನ್ನು ಅಪಹರಿಸಲಾದ ಇತ್ತೀಚಿನ ವಿಡಿಯೋ ಎಂದು ಹಂಚಿಕೊಳ್ಳಲಾಗಿದೆ.
ಇತರ ಬಳಕೆದಾರರು ಸಹ ಇದೇ ರೀತಿಯ ಪ್ರತಿಪಾದನೆಯೊಂದಿಗೆ ವಿಡಿಯೋವ್ನು ಹಂಚಿಕೊಂಡಿದ್ದಾರೆ. ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ನೋಡಬಹುದು. ಹಾಗಿದ್ದರೆ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆ ನಿಜವೇ ಎಂದು ಪರಿಶೀಲಿಸೋಣ.
ಫ್ಯಾಕ್ಟ್ಚೆಕ್ :
ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾದ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆಯನ್ನು ಪರಿಶೀಲಿಸಲು ವಿಡಿಯೋದ ಕೀ ಫ್ರೇಮ್ಗಳನ್ನು ತೆಗೆದು ಗೂಗಲ್ ರಿವರ್ಸ್ ಇಮೇಜಸ್ನಲ್ಲಿ ಸರ್ಚ್ ಮಾಡಿದಾಗ, ರೋಹನ್ ಪಂಚಿಗರ ಎಂಬ ಎಕ್ಸ್ ಬಳಕೆದಾರರೊಬ್ಬರು ಪೋಸ್ಟ್ನಲ್ಲಿ ಹಂಚಿಕೊಂಡ ವಿಡಿಯೋ ಲಭ್ಯವಾಗಿದೆ.
BLA has released footage of an IED attack on Train carrying FC(Frontier Corps) near Sibbi, Balochistan. pic.twitter.com/ztOuBBznJz
— Rohan Panchigar (@rohanpanchigar) April 15, 2022
ಸಮಾಜಿಕ ಮಧ್ಯಮಗಳಲ್ಲಿ ಹಂಚಿಕೊಂಡ ಇದೇ ವಿಡಿಯೋವನ್ನು ಎರಡು ವರ್ಷಗಳ ಹಿಂದೆ, ಅಂದರೆ ಏಪ್ರಿಲ್ 15, 2022 ರಂದು ಪೋಸ್ಟ್ ಮಾಡಲಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಇದೇ ವಿಡಿಯೋ ನ್ಯೂಸ್ 9 ಪ್ಲಸ್ನ ಎಕ್ಸ್ ಪ್ರೊಫೈಲ್ನಲ್ಲಿ ಸಹ ಕಂಡುಕೊಂಡಿದ್ದೇವೆ.
#Pakistan has been ruling #Balochistan, its largest province, with an iron fist. Its high-handed policies have triggered violent resistance in the region. Is Balochistan the new Bangladesh in the making?
Story by: @AdityaRajKaul
Download the app now https://t.co/A2RhlokDlk pic.twitter.com/gFtMOTCeNQ
— News9 Plus (@News9Plus) September 12, 2022
ಈ ವಿಡಿಯೋವನ್ನು ಸೆಪ್ಟೆಂಬರ್ 12, 2022 ರಂದು ಪೋಸ್ಟ್ ಮಾಡಲಾಗಿದೆ. ರೆಡಿಟ್ನಲ್ಲಿ ಎರಡು ವರ್ಷಗಳ ಹಿಂದೆ ಪೋಸ್ಟ್ ಮಾಡಲಾದ ವೀಡಿಯೊವನ್ನು ಕಂಡುಕೊಂಡಿದ್ದೇವೆ.

ಬಲೂಚಿಸ್ತಾನದ ಬೋಲಾನ್ ಮತ್ತು ಸಿಬಿ ಜಿಲ್ಲೆಯ ನಡುವಿನ ಪ್ರದೇಶವಾದ ಮುಷ್ಕಾಫ್ನಲ್ಲಿ ಪಾಕಿಸ್ತಾನ ಸೇನಾ ಸಿಬ್ಬಂದಿಯನ್ನು ಕರೆದೊಯ್ಯುತ್ತಿದ್ದ ಜಾಫರ್ ಎಕ್ಸ್ಪ್ರೆಸ್ ಅನ್ನು ಹಳಿತಪ್ಪಿಸುವ ಮೂಲಕ ರಿಮೋಟ್ ಕಂಟ್ರೋಲ್ಡ್ ಐಇಡಿ ದಾಳಿ ನಡೆಸಲಾಗಿದೆ ಎಂದು ಬಲೂಚಿಸ್ತಾನ್ ಲಿಬರೇಶನ್ ಆರ್ಮಿ (ಬಿಎಲ್ಎ) ಹೇಳಿಕೊಂಡಿದೆ. ವೀಡಿಯೊ ಬಲೂಚಿಸ್ತಾನದ್ದಾಗಿದ್ದರೂ, ಇದು ಪಾಕಿಸ್ತಾನದಲ್ಲಿ ಇತ್ತೀಚೆಗೆ ನಡೆದ ರೈಲಿನ ಮೇಲಿನ ದಾಳಿಗೆ ಸಂಬಂಧಿಸಿಲ್ಲಎಂಬುದು ಸ್ಪಷ್ಟವಾಗಿದೆ.
ಒಟ್ಟಾರೆಯಾಗಿ ಹೇಳುವುದಾದರೆ, 2022 ರ ಎರಡು ವರ್ಷದ ಹಿಂದಿನ ಹಳೆಯ ವಿಡಿಯೋವನ್ನು, ಇತ್ತೀಚೆಗೆ ಪಾಕಿಸ್ತಾನದಲ್ಲಿ ಜಾಫರ್ ಎಕ್ಸ್ಪ್ರೆಸ್ ಮೇಲೆ ಬಲೂಚ್ ಲಿಬರೇಶನ್ ಆರ್ಮಿ (ಬಿಎಲ್ಎ) ನಡೆಸಿದ ದಾಳಿ ಎಂದು ತಪ್ಪಾಗಿ ಹಂಚಿಕೊಳ್ಳಲಾಗುತ್ತಿದೆ. ಹಾಗಾಗಿ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆ ತಪ್ಪಾಗಿದೆ.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ : FACT CHECK | ಸೌಜನ್ಯ ಕೊಲೆ ಕೇಸ್ಗೆ ನ್ಯಾಯ ಸಿಗಲಿ ಎಂದು ಹೇಳಿದ್ರಾ ನಟ ದರ್ಶನ್?

