ಮಧ್ಯಪ್ರದೇಶ: ಆಯ ತಪ್ಪಿ ಬಾವಿಗೆ ಬಿದ್ದ ಬೊಲೆರೊ ಕಾರ್ : 6 ಮಂದಿ ದಾರುಣ ಸಾವು!
ಉತ್ತರ ಪ್ರದೇಶದ ಮಹೋಬಾ ಜಿಲ್ಲೆಯಲ್ಲಿ ದುರಂತ ಅಪಘಾತ ಸಂಭವಿಸಿದ್ದು ಮದುವೆ ಸಂಭ್ರಮ ಮುಗಿಸಿಕೊಂಡು ಬರುತ್ತಿದ್ದ ಕಾರು ಬಾವಿಗೆ ಬಿದ್ದಿದೆ. ಅಪಘಾತದಲ್ಲಿ ಚಾಲಕ ಸೇರಿದಂತೆ 6 ಜನರು ಸಾವನ್ನಪ್ಪಿದ್ದಾರೆ. ಇತರ ಮೂವರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಈ ಅಪಘಾತ ಸಂಭವಿಸಿದ್ದು ಮಧ್ಯಪ್ರದೇಶದ ಛತರ್ಪುರ್ ಜಿಲ್ಲೆಯ ಮಹಾರಾಜಪುರ್ ಎಂಬಲ್ಲಿ ನಡೆದಿದೆ
ಮಂಗಳವಾರ ರಾತ್ರಿ 9 ಮದುವೆ ಮೆರವಣಿಗೆ ಮುಗಿಸಿಕೊಂಡು ಬರುತ್ತಿದ್ದ ವೇಳೆ ಈ ದುರ್ಘಟನೆ ನಡೆದಿದೆ. ಮೃತಪಟ್ಟವರೆಲ್ಲರೂ ಚಾರ್ಖರಿ ಕೊಟ್ವಾಲಿ ಪ್ರದೇಶದ ಸ್ವಾಸಾ ಗ್ರಾಮದ ನಿವಾಸಿಗಳು ಎಂದು ಹೇಳಲಾಗುತ್ತಿದೆ. ಈ ಘಟನೆಯ ನಂತರ, ಮೃತರ ಕುಟುಂಬದಲ್ಲಿ ಆಕ್ರಂದನ ಮುಗಿಲು ಮುಟ್ಟಿದೆ. ಈ ವಿಷಯದಲ್ಲಿ ಮಹಾರಾಜಪುರ ಪೊಲೀಸ್ ಠಾಣೆ ಉಸ್ತುವಾರಿ ವೈ ಖಾನ್ ಮಾತನಾಡಿದ್ದು, ಕಾರಿನಲ್ಲಿ 9 ಮಂದಿ ಇದ್ದರು, ಅವರಲ್ಲಿ 6 ಮಂದಿ ಮೃತಪಟ್ಟಿದ್ದು ಮೂವರು ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ ಎಂದಿದ್ದಾರೆ.
Madhya Pradesh: 6 dead, 3 injured after the vehicle, they were travelling in, fell into a well in Maharajpur, Chhatarpur on Tuesday.
"A car, carrying 9 people of a marriage party, fell into a well last night, killing 6 of them," says Z Y Khan, Maharajpur Police Station In-charge pic.twitter.com/rZNi8REDl0
— ANI (@ANI) December 9, 2020

