FACT CHECK | ಅಮೆರಿಕದಿಂದ ಅಕ್ರಮ ವಲಸಿಗರನ್ನು ಗಡೀಪಾರು ಮಾಡಿದ ಈ ಚಿತ್ರ ಭಾರತೀಯರಿಗೆ ಸಂಬಂಧಿಸಿದ್ದಲ್ಲ
This story was originally published by Logically Facts
ಅಕ್ರಮ ವಲಸಿಗರನ್ನು ಕೈಕೋಳ ಹಾಕಿ ಗಡೀಪಾರು ಮಾಡುವ ಪದ್ಧತಿಯು 2009ರಿಂದ ಅಮೆರಿಕದಲ್ಲಿ ಜಾರಿಯಲ್ಲಿರುವ ನೀತಿಯ ಭಾಗವಾಗಿದೆ ಎಂದು ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಗುರುವಾರ ಸಂಸತ್ತಿಗೆ ಮಾಹಿತಿ ನೀಡಿದ್ದಾರೆ. ಇದರ ಬೆನ್ನಲ್ಲೆ ಸಾಮಾಜಿಕ ಮಾಧ್ಯಮಗಳಲ್ಲಿ ಕೈಕೋಳ ಹಾಕಿ ಜನರನ್ನು ಬಂಧಿಯಾಗಿ ನಡೆಸಿಕೊಂಡು ಬರುತ್ತಿರುವ ಫೋಟೊಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಸಾರವಾಗುತ್ತಿದ್ದು ಇವರನ್ನು ಅಮೆರಿಕದಿಂದ ಬಂದ ಭಾರತೀಯರು ಎಂದು ಪ್ರತಿಪಾದಿಸಿ ಪೋಸ್ಟ್ಅನ್ನು ಹಂಚಿಕೊಳ್ಳಲಾಗುತ್ತಿದೆ.
ಜನರು ತಮ್ಮ ಕೈ ಹಾಗು ಕಾಲುಗಳನ್ನು ಕಟ್ಟಿದ್ದು ಮತ್ತು ಮುಖಕ್ಕೆ ಮಾಸ್ಕಗಳನ್ನು ಧರಿಸಿ ವಿಮಾನವನ್ನು ಹತ್ತುತ್ತಿರುವ ದೃಶ್ಯಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗಿದೆ, ಇದು ಯುನೈಟೆಡ್ ಸ್ಟೇಟ್ಸ್ನಿಂದ ಗಡೀಪಾರು ಮಾಡಿದ ಭಾರತೀಯ ವಲಸಿಗರು ಎಂದು ಹೇಳಲಾಗುತ್ತಿದೆ.
ವಲಸಿಗರನ್ನು ಮರಳಿ ಕರೆತಂದಿರುವ “ಅಮಾನವೀಯ” ಮಾರ್ಗಕ್ಕಾಗಿ ಭಾರತ ಸರ್ಕಾರವನ್ನು ಟೀಕಿಸುವ ಮೂಲಕ ಸಾಮಾಜಿಕ ಮಾಧ್ಯಮ ಬಳಕೆದಾರರು ಜನರನ್ನು ವಿಮಾನಕ್ಕೆ ಕರೆದೊಯ್ಯುವ ಮತ್ತು ಅವರ ಕೈ ಮತ್ತು ಕಾಲುಗಳನ್ನು ಕಟ್ಟಿ ಒಳಗೆ ಕುಳಿತಿರುವ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.
प्रधानमंत्री मोदी जी को अमेरिका यात्रा स्थगित कर देना चाहिए यदि 56 इंच की छाती है।
अमेरिका ने भारतीयों को हथकड़ी और मुँह पर मास्क और सिर झुकाकर देश निकाला है।
मोदी जी कम से कम ट्रम्प से इतनी तो बात कर लेते कि सम्मानजनक रुप से उनके नागरिकों को भारत भेजा जाय।@narendramodi pic.twitter.com/WkRDTrdVal
— I.P. Singh (@IPSinghSp) February 4, 2025
ಸಮಾಜವಾದಿ ಪಕ್ಷದ ನಾಯಕ ಐಪಿ ಸಿಂಗ್ ಅವರು ತಮ್ಮ ಎಕ್ಸ್ ಖಾತೆಯಲ್ಲಿ (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಫ್ಲೈಟ್ ಹತ್ತುವ ಈ ವಿಡಿಯೋವನ್ನು ಹಿಂದಿ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ, “ಪ್ರಧಾನಿ ಮೋದಿ ಅವರು 56 ಇಂಚಿನ ಎದೆ (ಧೈರ್ಯ ಎಂದರ್ಥ) ಹೊಂದಿದ್ದರೆ ಅವರ ಯುಎಸ್ ಭೇಟಿಯನ್ನು ಮುಂದೂಡಬೇಕು. ಕೈಕೋಳ, ಮುಖಕ್ಕೆ ಮಾಸ್ಕ್ ಹಾಕಿಕೊಂಡು ತಲೆ ತಗ್ಗಿಸಿದ ಭಾರತೀಯರನ್ನು ಅಮೆರಿಕ ದೇಶದಿಂದ ಹೊರಹಾಕಿದೆ. ಮೋದಿ ಜಿ ಕನಿಷ್ಠ ಟ್ರಂಪ್ ಅವರೊಂದಿಗೆ ಮಾತನಾಡಬಹುದಿತ್ತು, ಇದರಿಂದಾಗಿ ಅವರ ನಾಗರಿಕರನ್ನು ಗೌರವದಿಂದ ಭಾರತಕ್ಕೆ ಕಳುಹಿಸಬಹುದು.”
ಎಕ್ಸ್ ನಲ್ಲಿ ಹಂಚಿಕೊಳ್ಳಲಾದ ಅದೇ ರೀತಿಯ ಪೋಸ್ಟ್ ಗಳ ಆರ್ಕೈವ್ ಮಾಡಿದ ಆವೃತ್ತಿಗಳನ್ನು ಇಲ್ಲಿ ಇಲ್ಲಿ, ಇಲ್ಲಿ, ಇಲ್ಲಿ ಮತ್ತು ಇಲ್ಲಿ ನೋಡಬಹುದು.
Over 200 Indians deported from the US in the most inhumane way -handcuffed, leg-chained, treated like criminals. One toilet for a long-haul flight! @DrSJaishankar
couldn’t Modi govt at least arrange dignified transport for its own citizens? Global ‘Vishwaguru’ or global shame? pic.twitter.com/eM9XXN7F7m— Prithviraj Sathe (@PrithvirajS_INC) February 5, 2025
ಕಾಂಗ್ರೆಸ್ ನಾಯಕ ಪೃಥ್ವಿರಾಜ್ ಸಾಠೆ ಅವರು ತಮ್ಮ ಎಕ್ಸ್ ಖಾತೆಯಲ್ಲಿ ಎರಡು ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ – ಒಂದು ವಿಮಾನದ ಒಳಗೆ ಜನರು ಕುಳಿತಿರುವುದನ್ನು ಮತ್ತು ಇನ್ನೊಂದು ಜನರು ಒಬ್ಬರ ಹಿಂದೆ ಒಬ್ಬರು ನಡೆಯುತ್ತಿರುವುದನ್ನು ತೋರಿಸುತ್ತದೆ. ಅದರ ಶೀರ್ಷಿಕೆ ಹೀಗಿದೆ, “200ಕ್ಕೂ ಹೆಚ್ಚು ಭಾರತೀಯರನ್ನು ಅತ್ಯಂತ ಅಮಾನವೀಯ ರೀತಿಯಲ್ಲಿ ಅಮೇರಿಕಾದಿಂದ ಗಡೀಪಾರು ಮಾಡಲಾಗಿದೆ – ಕೈಕೋಳ, ಕಾಲಿಗೆ ಸರಪಳಿ, ಅಪರಾಧಿಗಳಂತೆ ನಡೆಸಿಕೊಳ್ಳಲಾಗಿದೆ. ದೀರ್ಘಾವಧಿಯ ವಿಮಾನಕ್ಕಾಗಿ ಒಂದು ಶೌಚಾಲಯ! @DrSJaishankar ಮೋದಿ ಸರ್ಕಾರಕ್ಕೆ ಕನಿಷ್ಠ ತನ್ನ ಸ್ವಂತ ನಾಗರಿಕರಿಗೆ ಗೌರವಾನ್ವಿತ ಸಾರಿಗೆ ವ್ಯವಸ್ಥೆ ಮಾಡಲು ಸಾಧ್ಯವಾಗಲಿಲ್ಲವೇ? ಜಾಗತಿಕ ‘ವಿಶ್ವಗುರು’ ಅಥವಾ ಜಾಗತಿಕ ಅವಮಾನ?” ಎಂದು ಬೆರದುಕೊಂಡಿದ್ದಾರೆ. ಈ ಪೋಷ್ಟ್ ನ ಆರ್ಕೈವ್ ಲಿಂಕ್ಅನ್ನು ಇಲ್ಲಿ ನೋಡಬಹುದು.
ಈ ದೃಶ್ಯಗಳನ್ನು ಇದೇ ರೀತಿಯ ಹೇಳಿಕೆಯೊಂದಿಗೆ ಇತರ ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ಗಳಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಆರ್ಕೈವ್ ಮಾಡಿದ ಆವೃತ್ತಿಗಳು ಇಲ್ಲಿ, ಇಲ್ಲಿ, ಇಲ್ಲಿ, ಇಲ್ಲಿ ಮತ್ತು ಇಲ್ಲಿ ಲಭ್ಯವಿದೆ.

ಯುಎಸ್ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅಧಿಕಾರ ವಹಿಸಿಕೊಂಡ ನಂತರ ವಲಸಿಗರನ್ನು ಗುರಿಯಾಗಿಸಿಕೊಂಡು ರೂಪಿಸಿರು ನೀತಿಯ ಭಾಗವಾಗಿ, ಯುಎಸ್ ದಾಖಲೆರಹಿತ ವಲಸಿಗರನ್ನು ಗಡೀಪಾರು ಮಾಡಲು ಪ್ರಾರಂಭಿಸಿದಾಗ ಈ ಹೇಳಿಕೆ ಹೊರಹೊಮ್ಮಿದೆ. ಸಾಮೂಹಿಕ ಗಡೀಪಾರುಗಳ ಭಾಗವಾಗಿ, ಸುಮಾರು 205 ಭಾರತೀಯ ಪ್ರಜೆಗಳನ್ನು ಹೊತ್ತ ವಿಮಾನವು ಫೆಬ್ರವರಿ 4ರಂದು ಟೆಕ್ಸಾಸ್ನಿಂದ ಹೊರಟು ಫೆಬ್ರವರಿ 5ರಂದು ಭಾರತಕ್ಕೆ ಆಗಮಿಸಿತು.
ಆದರೆ, ಈ ದೃಶ್ಯಗಳಲ್ಲಿ ಕಂಡುಬರುವ ಜನರು ಯುಎಸ್ನಿಂದ ಗಡೀಪಾರು ಮಾಡಲಾದ ದಾಖಲೆರಹಿತ ಭಾರತೀಯರಲ್ಲ, ಈ ಎರಡೂ ದೃಶ್ಯಗಳು ಭಾರತೀಯರ ಗಡೀಪಾರು ಮಾಡುವ ಹಿಂದಿನದು ಎಂಬುದು ಸ್ಪಷ್ಟವಾಗಿದೆ.
ವೈರಲ್ ವಿಡಿಯೋದ ಕೀ ಫ್ರೇಮ್ಗಳನ್ನು ತೆಗೆದು ಗೂಗಲ್ ರಿವರ್ಸ್ ಇಮೇಜಸ್ನಲ್ಲಿ ಸರ್ಚ್ ಮಾಡಿದಾಗ, ಜನವರಿ 28, 2025ರಂದು ದಿ ಇಂಡಿಪೆಂಡೆಂಟ್ ಪ್ರಕಟಿಸಿದ ವರದಿ ಲಭ್ಯವಾಗಿದೆ. ಜನರು ಒಬ್ಬೊಬ್ಬರಾಗಿ ತಮ್ಮ ಕೈಗಳನ್ನು ಕಟ್ಟಿಕೊಂಡು ಬರುತ್ತಿರುವುದನ್ನು ತೋರಿಸುತ್ತದೆ, ಜನವರಿ 23 ರಂದು ಟೆಕ್ಸಾಸ್ನ ಫೋರ್ಟ್ ಬ್ಲಿಸ್ನಲ್ಲಿ ಸಿ -17 ಗ್ಲೋಬ್ಮಾಸ್ಟರ್ III ಗೆ ಗುಂಪನ್ನು ಕರೆದೊಯ್ದರು ಎಂದು ದಿ ಇಂಡಿಪೆಂಡೆಂಟ್ ವರದಿ ಮಾಡಿದೆ.
CNBC-e (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಮತ್ತು WKYC ಚಾನೆಲ್ 3 (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಸೇರಿದಂತೆ ಹಲವು ಸುದ್ದಿವಾಹಿನಿಗಳು ಜನವರಿ 28 ಮತ್ತು 30ರಂದು ವೀಡಿಯೋವನ್ನು ಪ್ರಕಟಿಸಿದವು. WKYC ಚಾನೆಲ್ 3 ನ ವಿವರಣೆಯು ವೀಡಿಯೋವನ್ನು ಜನವರಿ 23ರಂದು ಚಿತ್ರೀಕರಿಸಲಾಗಿದೆ ಮತ್ತು ಟೆಕ್ಸಾಸ್ನ ಫೋರ್ಟ್ ಬ್ಲಿಸ್ನಲ್ಲಿ ಗಡೀಪಾರು ಕಾರ್ಯಾಚರಣೆಯನ್ನು ಸೆರೆಹಿಡಿಯಲಾಗಿದೆ ಎಂದು ಹೇಳಿದೆ.
ಸಿಎನ್ಎನ್ನಿಂದ (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ವೀಡಿಯೋ ವರದಿಯನ್ನು ನಾವು ಕಂಡುಕೊಂಡಿದ್ದೇವೆ, ಅದು ಇದೇ ರೀತಿಯ ದೃಶ್ಯಗಳನ್ನು ಪ್ರಕಟಿಸಿದೆ, ಅವುಗಳನ್ನು ವೈಟ್ ಹೌಸ್ ಪ್ರೆಸ್ ಸೆಕ್ರೆಟರಿ ಕರೋಲಿನ್ ಲೀವಿಟ್ (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಗೆ ಕ್ರೆಡಿಟ್ ನೀಡಲಾಗಿದೆ. ಡಿಪಾರ್ಟ್ಮೆಂಟ್ ಆಫ್ ಹೋಮ್ಲ್ಯಾಂಡ್ ಸೆಕ್ಯುರಿಟಿಯನ್ನು ಉಲ್ಲೇಖಿಸಿ, ಜನವರಿ 23ರ ಮಧ್ಯಾಹ್ನ 70 ರಿಂದ 80 ಗ್ವಾಟೆಮಾಲನ್ನರನ್ನು ಹೊತ್ತ ಮಿಲಿಟರಿ ವಿಮಾನವು ಹೊರಟಿದೆ ಎಂದು ವರದಿ ಹೇಳಿದೆ. ವೀಡಿಯೋದಲ್ಲಿ ವರದಿಗಾರ “ಇವರು ಸುಮಾರು 75 ರಿಂದ 80 ಗ್ವಾಟೆಮಾಲನ್ನರು” ಎಂದು ಹೇಳುವುದನ್ನು ಕೇಳಬಹುದು.
ವಿಮಾನದೊಳಗೆ ಕುಳಿತ ಜನರ ಚಿತ್ರ
ವಿಮಾನದೊಳಗೆ ಕುಳಿತಿರುವ ಜನರ ಚಿತ್ರದ ರಿವರ್ಸ್ ಇಮೇಜ್ ಸರ್ಚ್ ನಮ್ಮನ್ನು, ಫೆಬ್ರವರಿ 1, 2025ರಂದು ಎಪಿ ನ್ಯೂಸ್ ಪ್ರಕಟಿಸಿದ ವರದಿಯೊಂದಕ್ಕೆ ಕರೆದೊಯಿತು. ವರದಿಯು ವೈರಲ್ ಚಿತ್ರಣವನ್ನು ಒಳಗೊಂಡಿತ್ತು, ಮತ್ತು ಅದರ ಶೀರ್ಷಿಕೆಯು ಫೋರ್ಟ್ ಬ್ಲಿಸ್, ಟೆಕ್ಸಾಸ್ನ ಎಲ್ ಪಾಸೊದಲ್ಲಿನ ಸೈನ್ಯದ ನೆಲೆಯಿಂದ ಜನವರಿ 30,2025 ರಂದು 80 ಜನ ಗಡೀಪಾರು ಆದವರನ್ನು ಹೊತ್ತುಕೊಂಡು ಗ್ವಾಟೆಮಾಲಾಗೆ ತೆರಳಿದ ಮಿಲಿಟರಿ ವಿಮಾನವನ್ನು ತೋರಿಸುತ್ತದೆ ಎಂದು ಹೇಳಿದೆ. ಸುದ್ದಿ ಸಂಸ್ಥೆ ಈ ಚಿತ್ರವನ್ನು ಇನ್ಸ್ಟಾಗ್ರಾಮ್ನಲ್ಲಿ (ಇಲ್ಲಿ ಸಂಗ್ರಹಿಸಲಾಗಿದೆ) ಜನವರಿ 31, 2025 ರಂದು ಹಂಚಿಕೊಂಡಿದೆ ಎಂದು ನಾವು ಕಂಡುಕೊಂಡಿದ್ದೇವೆ.
View this post on Instagram
ಅದೇ ವೈರಲ್ ಪೋಷ್ಟ್ ನಲ್ಲಿ ಹಂಚಿಕೊಂಡ ಎರಡನೆಯ ಚಿತ್ರವೆಂದರೆ ಜನರು ಒಬ್ಬರ ಹಿಂದೆ ಒಬ್ಬರು ನಡೆಯುವ ಸ್ಕ್ರೀನ್ಶಾಟ್. ರಿವರ್ಸ್ ಇಮೇಜ್ ಸರ್ಚ್, ಜನವರಿ 29, 2025ರಂದು ಟಿಕ್ ಟಾಕ್ (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ನಲ್ಲಿ ಹಂಚಿಕೊಂಡ ವೀಡಿಯೋಗೆ ನಮ್ಮನ್ನು ಕರೆದೊಯ್ಯಿತು, ಶೀರ್ಷಿಕೆ: “ಇಂದು ಹಿಡಾಲ್ಗೊ ಸೇತುವೆಯಲ್ಲಿ (ಅನುವಾದಿಸಲಾಗಿದೆ).”
ಹೆಚ್ಚುವರಿಯಾಗಿ, ಕೀವರ್ಡ್ ಸರ್ಚ್, ಸ್ಥಳೀಯ ಸುದ್ದಿ KRGV (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಮತ್ತು ಡೈಲಿ ಮೇಲ್ನಲ್ಲಿನ ವೀಡಿಯೋ ವರದಿಗೆ ನಮ್ಮನ್ನು ಕರೆದೊಯ್ಯಿತು. ವೈರಲ್ ವೀಡಿಯೋ ಮತ್ತು ಈ ವರದಿಗಳಲ್ಲಿ ನಾವು ಅದೇ ಜನರನ್ನು ನೋಡಬಹುದು. ರಾಯಿಟರ್ಸ್ನಲ್ಲಿ ಚಿತ್ರ ಗ್ಯಾಲರಿಯನ್ನು ಸಹ ನಾವು ಕಂಡುಕೊಂಡಿದ್ದೇವೆ, ಇದರಲ್ಲಿ KRGV ವೀಡಿಯೋ ವರದಿಯಲ್ಲಿ ಕ್ಯೂನ ಆರಂಭದಲ್ಲಿ ಕಂಡುಬರುವ ಅದೇ ಗುಂಗುರು ಕೂದಲಿನ ವ್ಯಕ್ತಿಯ ಚಿತ್ರವಿದೆ.
ಈ ಜನರನ್ನು ಮೆಕ್ಸಿಕೊಕ್ಕೆ ಗಡೀಪಾರು ಮಾಡಲಾಗಿದೆ ಎಂದು ವರದಿಗಳು ತಿಳಿಸಿವೆ. KRGV ಪ್ರಕಾರ, “ಒಬ್ಬರು ಮೆಕ್ಸಿಕನ್ ಪ್ರಜೆ. ಇತರರು ಗ್ವಾಟೆಮಾಲಾ, ಎಲ್ ಸಾಲ್ವಡಾರ್, ಕ್ಯೂಬಾ ಮತ್ತು ಹೊಂಡುರಾಸ್ ಮೂಲದವರು. ”

ಯು.ಎಸ್.ನಿಂದ ಗಡೀಪಾರು ಮಾಡಿದ ಭಾರತೀಯ ವಲಸಿಗರ ಚಿತ್ರಗಳು ಈ ಕಥೆ ಬರೆಯುವ ಸಮಯದಲ್ಲಿ ಸಾರ್ವಜನಿಕವಾಗಿ ಲಭ್ಯವಿಲ್ಲ. ಆದರೆ, ಮೇಲಿನ ಪುರಾವೆಗಳು ವೈರಲ್ ದೃಶ್ಯಗಳು ದಾಖಲೆರಹಿತ ಭಾರತೀಯ ವಲಸಿಗರನ್ನು ಯು.ಎಸ್.ನಿಂದ ಗಡೀಪಾರು ಮಾಡುವುದನ್ನು ಚಿತ್ರಿಸುವುದಿಲ್ಲ ಎಂದು ಸೂಚಿಸುತ್ತದೆ.
ಒಟ್ಟಾರೆಯಾಗಿ ಹೇಳುವುದಾದರೆ, ಜನರ ಕೈ ಮತ್ತು ಕಾಲುಗಳಿಗೆ ಬೇಡಿಗಳನ್ನು ಹಾಕಿ ಗಡೀಪಾರು ಮಾಡುತ್ತಿರುವ ದೃಶ್ಯದಲ್ಲಿ ಕಂಡುಬರುವ ಜನರು ಭಾರತೀಯರಲ್ಲ. ಈ ವೈರಲ್ ದೃಶ್ಯಗಳು ಹಳೆಯದಾಗಿದ್ದು ಮತ್ತು ಜನವರಿಯಲ್ಲಿ ಗ್ವಾಟೆಮಾಲಾ ಮತ್ತು ಮೆಕ್ಸಿಕೋಗೆ ಗಡೀಪಾರು ಮಾಡಿದ ವಲಸಿಗರ ಚಿತ್ರವಾಗಿದೆ. ಹಾಗಾಗಿ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆ ತಪ್ಪಾಗಿದೆ.
(This story was originally published by Logically Facts and republished by ensuddi as part of the Shakti collective)

