ಕೊರೊನ ಫೇಕ್ ಅಲರ್ಟ್: ನೋಟು ಬೀಳಿಸಿ ಕರೋನವೈರಸ್ ಹರಡಲು ‘ಮುಸ್ಲಿಂ ಪಿತೂರಿ’ ವಿಡಿಯೋ

ಕೆಲವು ಪೊಲೀಸರು ರಸ್ತೆಬದಿಯಲ್ಲಿ ಕೋಲುಗಳಿಂದ ನೋಟುಗಳನ್ನು ಎತ್ತಿಕೊಂಡು ಚೀಲದೊಳಗೆ ಇಡುವ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಕೊರೊನವೈರಸ್ ಹರಡಲು ಮುಸ್ಲಿಂ ಸಮುದಾಯದ ಸದಸ್ಯರೊಬ್ಬರು 100, 200 ಮತ್ತು 500 ರೂ. ನೋಟುಗಳನ್ನು ಎಸೆದಿದ್ದಾರೆ ಎಂದು ಹೇಳಲಾಗುತ್ತಿದೆ.

https://twitter.com/bultyy_jaglan/status/1250785193268412420

ಟ್ವಿಟರ್ ಹ್ಯಾಂಡಲ್ @SortedEagle ಈ ವೀಡಿಯೊವನ್ನು ಈ ಸಂದೇಶದೊಂದಿಗೆ ಪೋಸ್ಟ್ ಮಾಡಿದೆ, “ಅವರು ಈಗ ವೈರಸ್ ಹರಡಲು ಹೊಸ ಮಾರ್ಗವನ್ನು ಕಂಡುಕೊಂಡಿದ್ದಾರೆ. ಇಂದೋರ್‍ ನ  ನಿವಾಸಿಯೊಬ್ಬರು ನೋಡಿದಂತೆ 100, 200 ಮತ್ತು 500 ರ ಕರೆನ್ಸಿ ನೋಟುಗಳನ್ನು ಒಬ್ಬ ಮುಸ್ಲಿಂ ವ್ಯಕ್ತಿ ಚೆಲ್ಲಾಡಿದ. ಇಲ್ಲಿನ ಜನರು ಅದನ್ನು ಎತ್ತಿಕೊಂಡು ಸೋಂಕಿಗೆ ಒಳಗಾಗಲಿ ಎಂಬ ಉದ್ದೇಶದಿಂದ ಇದನ್ನು ಮಾಡಲಾಗಿದೆ. ಪೊಲೀಸರನ್ನು ಕರೆಸಲಾಯಿತು ಮತ್ತು ಅವರು ರಕ್ಷಣೆಯೊಂದಿಗೆ ನೋಟುಗಳನ್ನು ಸಂಗ್ರಹಿಸಿದರು. ಅಲ್ಲಿ ಹರಡಿದ್ದು, 10000 ರೂಪಾಯಿಗಳು! ಇದುವರೆಗೆ 1,200ಕ್ಕೂ ಹೆಚ್ಚು ಬಾರಿ ಇದನ್ನು ರಿಟ್ವೀಟ್ ಮಾಡಲಾಗಿದೆ.

ಈ ವೀಡಿಯೊವನ್ನು ಫೇಸ್‍ಬುಕ್‍ನಲ್ಲಿ ಇದೇ ರೀತಿಯ ನಿರೂಪಣೆಯೊಂದಿಗೆ ಹಂಚಿಕೊಳ್ಳಲಾಗಿದೆ. ಇದು ತಮಿಳು ಭಾಷೆಯ ಸಂದೇಶದೊಂದಿಗೆ ಕೂಡ ಹಂಚಿಕೆ ಆಗುತ್ತಿದೆ. ಪಶ್ಚಿಮ ಬಂಗಾಳದ ಮುಸ್ಲಿಮರು ವೈರಸ್ ಹರಡಲು ರಸ್ತೆಯಲ್ಲಿ ನೋಟುಗಳನ್ನು ಎಸೆಯುತ್ತಿದ್ದಾರೆ ಎಂದು ಸಂದೇಶದಲ್ಲಿ ಹೇಳಲಾಗಿದೆ.

ವೀಡಿಯೊವನ್ನು ಹಿಂದಿಯಲ್ಲಿ ಕೂಡ ಹಂಚಿಕೊಳ್ಳಲಾಗಿದೆ. ಆದರೆ, ಹಿಂದಿ ಸಂದೇಶ ಘಟನೆಗೆ ಯಾವುದೇ ಕೋಮುವಾದಿ ಆರೋಪ ಹೊರಿಸಿಲ್ಲ. ಈ ವೀಡಿಯೊದ ವಾಸ್ತವವನ್ನು ಪರಿಶೀಲಿಸಲು ಆಲ್ಟ್ ನ್ಯೂಸ್ ತನ್ನ ಆಂಡ್ರಾಯ್ಡ್ ಅಪ್ಲಿಕೇಶನ್‍ನಲ್ಲಿ ಹಲವಾರು ವಿನಂತಿಗಳನ್ನು ಸ್ವೀಕರಿಸಿದೆ.

ಫ್ಯಾಕ್ಟ್-ಚೆಕ್

ಗೂಗಲ್ ಹುಡುಕಾಟದೊಂದಿಗೆ, ಆಲ್ಟ್ ನ್ಯೂಸ್ 2020ರ ಏಪ್ರಿಲ್ 17ರಂದು ದೈನಿಕ್ ಜಾಗರಣ್ ಪ್ರಕಟಿಸಿದ ವರದಿಯನ್ನು ಕಂಡುಹಿಡಿದಿದೆ. ವರದಿಯ ಪ್ರಕಾರ, ಈ ಘಟನೆ ಇಂದೋರ್‍ ನ ಖತಿಪುರ-ಗೋರಿನಗರ ರಸ್ತೆಯಲ್ಲಿ ಗುರುವಾರ ನಡೆದಿದೆ. ರಸ್ತೆಯಲ್ಲಿ ಹರಡಿರುವ ಕೆಲವು ನೋಟುಗಳನ್ನು ನೋಡಿದ ಜನರು ಪೊಲೀಸರಿಗೆ ಮಾಹಿತಿ ನೀಡಿದರು, ನಂತರ ಅವರು ನೋಟುಗಳನ್ನು ಸ್ವಚ್ಛಗೊಳಿಸಿ ಮತ್ತು ಅವುಗಳನ್ನು ಸೀಸ್ ಮಾಡಿದರು. ಇದಲ್ಲದೆ, ಪೊಲೀಸರು ಹತ್ತಿರದ ಸಿಸಿಟಿವಿ ಕ್ಯಾಮೆರಾದ ದೃಶ್ಯಾವಳಿ ನೋಡಿದರು. ಆದರೆ ಅವರಿಗೆ ಶಂಕಿತ ವಾಹನ ಅಥವಾ ವ್ಯಕ್ತಿಯನ್ನು ಕಂಡುಹಿಡಿಯಲಾಗಲಿಲ್ಲ. ನೋಟುಗಳನ್ನು ಎಸೆದ ಶಂಕಿತ ವ್ಯಕ್ತಿ ಮುಸ್ಲಿಂ ಎಂದು ವರದಿಯಲ್ಲಿ ಎಲ್ಲಿಯೂ ಗುರುತಿಸಲಾಗಿಲ್ಲ.

ಈ ವಿಷಯಕ್ಕೆ ಸಂಬಂಧಿಸಿದಂತೆ ನಾವು ನಂತರ ಹೀರಾ ನಗರ ಪೊಲೀಸ್ ಠಾಣೆಗೆ ತಲುಪಿದೆವು. ಆಲ್ಟ್ ನ್ಯೂಸ್ ಜೊತೆಗಿನ ಸಂಭಾಷಣೆಯಲ್ಲಿ, ನಿಲ್ದಾಣದ ಉಸ್ತುವಾರಿ ರಾಜೀವ್ ಭದುರಿಯಾ, “ಯಾವುದೇ ವ್ಯಕ್ತಿ ಅಥವಾ ಮುಸ್ಲಿಂ ಉದ್ದೇಶಪೂರ್ವಕವಾಗಿ ನೋಟುಗಳನ್ನು ಹರಡಲಿಲ್ಲ ಎಂಬುದು ಸ್ಪಷ್ಟವಾಗಿದೆ. ವಾಸ್ತವವಾಗಿ, ನೋಟುಗಳು ಇಂಡೇನ್ ಗ್ಯಾಸ್ ಡೆಲಿವರಿ ವ್ಯಕ್ತಿಯ ಜೇಬಿನಿಂದ ಬಿದ್ದವು. ವ್ಯಕ್ತಿಯ ಹೆಸರು ನರೇಂದ್ರ ಯಾದವ್ ಮತ್ತು ಅವರು ಇಂದೋರ್‍ ನ ಗೌರಿ ನಗರ ನಿವಾಸಿ. ನೋಟುಗಳ ಬಗ್ಗೆ ತಿಳಿಯಲು ಯಾದವ್ ನಮ್ಮ ಬಳಿಗೆ ಬಂದಿದ್ದರು. ಅವರ ಕಥೆಯನ್ನು ಕೇಳಿದ ನಂತರ, ನಾವು ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದ್ದೇವೆ ಮತ್ತು ಇವುಗಳು ಅವರದೇ ನೋಟುಗಳು ಎಂದು ಸ್ಪಷ್ಟವಾಯಿತು.”

ಹೀಗಾಗಿ, ಇಂದೋರ್ ಖತಿಪುರ ಪ್ರದೇಶದಲ್ಲಿನ ಈ ನೋಟುಗಳನ್ನು ಕರೋನವೈರಸ್ ಹರಡಲು ಮುಸ್ಲಿಂ ಸಮುದಾಯದ ಸದಸ್ಯರೊಬ್ಬರು ಉದ್ದೇಶಪೂರ್ವಕವಾಗಿ ರಸ್ತೆಬದಿಯಲ್ಲಿ ಹರಡಲಿಲ್ಲ ಎಂಬುದು ಖಚಿತವಾಗಿದೆ. ಎಟಿಎಂನಿಂದ ಹಣವನ್ನು ಎರವಲು ಪಡೆದ ವ್ಯಕ್ತಿಯೊಂದಿಗೆ ದೆಹಲಿಯಲ್ಲಿ ಇದೇ ರೀತಿಯ ಘಟನೆ ನಡೆದಿದೆ. ಆ ಘಟನೆಯ ವಿಡಿಯೋವನ್ನು ಮುಸ್ಲಿಂ ವಿರೋಧಿ ಕೋನದೊಂದಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗಿದೆ.

  • (ಕೃಪೆ): ಆಲ್ಟ್ ನ್ಯೂಸ್
  • (ಕನ್ನಡಕ್ಕೆ): ದಿವ್ಯ ಶರ್ಮ
ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights