ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧ ರಾಜಸ್ಥಾನ ರಾಯಲ್ಸ್ ತಂಡದ ಭರ್ಜರಿ ಗೆಲುವು!
ಸಂಜು ಸ್ಯಾಮ್ಸನ್ ಅವರ ಅಬ್ಬರ ಆಟ ಮತ್ತ ರಾಹುಲ್ ತಿವೇಟಿಯಾ ಅವರ ಸ್ಪೋಟಕ ಬ್ಯಾಟಿಂಗ್ ನೆರವಿನಿಂದ ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧ ರಾಜಸ್ಥಾನ ರಾಯಲ್ಸ್ ತಂಡ4 ವಿಕೆಟ್ಗಳ ಭರ್ಜರಿ ಗೆಲುವು ದಾಖಲಿಸಿ ಹೊಸ ಇತಿಹಾಸ ಬರೆದಿದೆ.
ಐಪಿಎಲ್ನಲ್ಲಿ ಈ ಎಂದು ಕೇಳದ ದಾಖಲೆಯೊಂದನ್ನ ಸ್ಟೀವ್ ಸ್ಮೀತ್ ನೇತೃಥ್ವದ ರಾಜಸ್ತಾನ ರಾಯಲ್ಸ್ ತಂಡ ಮಾಡಿದೆ. ಇದಕ್ಕೆ ಇಲ್ಲಿನ ಶಾರ್ಜಾ ಮೈದಾನ ಸಾಕ್ಷಿಯಾಗಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ ಕನ್ನಡಿಗ ಮಯಾಂಕ್ ಅಗರ್ವಾಲ್ (106) ಅವರ ಶತಕ ದ ನೆರವಿನಿಂದ 223 ರನ್ ಗಳಿಸಿತು.
ಮಯಾಂಕ್ ಅಗರ್ವಾಲ್ ಕೇವಲ 26 ಎಸೆತಗಳಲ್ಲಿ ಶತಕ ಸಿಡಿಸಿ ಸಂಭ್ರಮಿಸಿದರು.ಜೊತೆಗೆ ಮಯಾಂಕ್ಗೆ ಐಪಿಎಲ್ನಲ್ಲಿ ಚೊಚ್ಚಲ ಶತಕವಾಗಿದೆ.
224 ರನ್ಗಳ ಬೃಹತ್ ಮೊತ್ತ ಬೆನ್ನತ್ತಿದ ರಾಜಸ್ಥಾನ ರಾಯಲ್ಸ್ ನಾಯಕ ಸ್ಟೀವ್ ಸ್ಮಿತ್ (50),ಸಂಜು ಸ್ಯಾಮ್ಸನ್ (85),ರಾಹುಲ್ಥೇವಾಟಿಯಾ (53) ರನ್ಗಳ ನೆರವಿನಿಂದ ರಾಜಸ್ಥಾನ ರಾಯಲ್ಸ್ 19.3 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 226 ರನ್ಗಳಿಸಿ ಗೆಲುವಿನ ಕೇಕೆ ಹಾಕಿತು. ರಾಹುಲ್ ತೆವಾಟಿಯಾ ಶೆಲ್ಡನ್ ಕಾಟ್ರೆಲ್ ಅವರ 18ನೇ ಓವರ್ನಲ್ಲಿ ಐದು ಸಿಕ್ಸರ್ ಚೆಚ್ಚಿ ಅಬ್ಬರಿಸಿದರು.
