ರೈತರ ಪ್ರತಿಭಟನೆಯದೆಂದು ಪಾಕ್ ಪರ, ಖಲಿಸ್ತಾನ್ ಪರ ರ್ಯಾಲಿಯ ಹಳೆಯ ವಿಡಿಯೋ ವೈರಲ್!

ಹೊಸ ಕೃಷಿ ಕಾನೂನುಗಳ ವಿರುದ್ಧ ರೈತರು ಪ್ರತಿಭಟನೆಯನ್ನು ಇನ್ನಷ್ಟು ತೀವ್ರಗೊಳಿಸುವ ಪ್ರಯತ್ನದಲ್ಲಿದ್ದಾರೆ. ಡಿಸೆಂಬರ್ 19 ರ ಮೊದಲು ಮೂರು ಹೊಸ ಕೃಷಿ ಕಾನೂನುಗಳನ್ನು ರದ್ದುಗೊಳಿಸಲು ಕೇಂದ್ರವು ಒಪ್ಪದಿದ್ದರೆ ದೆಹಲಿಯಲ್ಲಿ ನಡೆಯುವ ಪ್ರತಿಭಟನೆಯಲ್ಲಿ ಪಾಲ್ಗೊಳ್ಳಲು ಕಾರ್ಮಿಕರು ಮತ್ತು ಮಹಿಳೆಯರನ್ನು ಆಹ್ವಾನಿಸಲು ರೈತ ಮುಖಂಡರು ನಿರ್ಧರಿಸಿದ್ದಾರೆ.

ಈ ಮಧ್ಯೆ ಜನರು ಪಾಕಿಸ್ತಾನ ಪರ ಮತ್ತು ಖಲಿಸ್ತಾನ್ ಪರ ಘೋಷಣೆಗಳನ್ನು ಎತ್ತುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಮಾತ್ರವಲ್ಲ ಭಾರತದಲ್ಲಿ ರೈತರ ಆಂದೋಲನವನ್ನು ಬೆಂಬಲಿಸಿ ಲಂಡನ್‌ನಲ್ಲಿ ಜನರು ಪ್ರತಿಭಟನೆ ನಡೆಸುತ್ತಿರುವ ವಿಡಿಯೋ ಇದೆ ಎಂದು ಹೇಳಲಾಗುತ್ತಿದೆ. ಗುಂಪಿನಲ್ಲಿರುವ ಕೆಲ ಪುರುಷರು ಟರ್ಬನ್ ಧರಿಸಿರುವುದನ್ನು ಸಹ ಕಾಣಬಹುದು. ಅಂತಹ ಒಂದು ವೀಡಿಯೊಗೆ ಹಿಂದಿಯಲ್ಲಿರುವ ಶೀರ್ಷಿಕೆ, ‘ಲಂಡನ್‌ನಲ್ಲಿ ರೈತ ಬೆಂಬಲಿಗರು ಅಲ್ಲಾಹು ಅಕ್ಬರ್ ಎಂದು ಘೋಷಣೆ ಕೂಗುತ್ತಿದ್ದಾರೆ. ಆದರೆ ಅವರನ್ನು ಖಲಿಸ್ತಾನಿ ಎಂದು ಕರೆಯಬೇಡಿ, ಏಕೆಂದರೆ ಅವರು ನಮ್ಮ ಆಹಾರವನ್ನು ಉತ್ಪಾದಿಸುತ್ತಾರೆ” ಎಂದಿದೆ.

ಆದರೆ ಈ ವೀಡಿಯೊ ಯುಎಸ್ನ ನ್ಯೂಯಾರ್ಕ್ ನಗರದಲ್ಲಿ ನಡೆದ 2019 ರ ಮೋದಿ ವಿರೋಧಿ ರ್ಯಾಲಿಯಿಂದ ಬಂದಿದೆ.

ಹೌದು… ಅದೇ ವೀಡಿಯೊವನ್ನು ನವೆಂಬರ್ 2019 ರಲ್ಲಿ ಅನೇಕ ಸಾಮಾಜಿಕ ಮಾಧ್ಯಮ ಹ್ಯಾಂಡಲ್‌ಗಳು ಅಪ್‌ಲೋಡ್ ಮಾಡಿವೆ. ಪಾಕಿಸ್ತಾನದ ಮಾಧ್ಯಮ ಸಂಸ್ಥೆಯಾದ ಡೈಲಿ ಜಿಡ್ಡತ್ ಕರಾಚಿಯ ಫೇಸ್‌ಬುಕ್ ಪುಟವೂ ಇದೇ ವಿಡಿಯೋವನ್ನು ಅಪ್‌ಲೋಡ್ ಮಾಡಿತ್ತು. ವೀಡಿಯೊ ಒಂದು ವರ್ಷಕ್ಕಿಂತ ಹಳೆಯದಾಗಿದೆ. ಹೀಗಾಗಿ ಭಾರತದಲ್ಲಿ ಹೊಸ ಕೃಷಿ ಕಾನೂನುಗಳ ವಿರುದ್ಧ ನಡೆಯುತ್ತಿರುವ ರೈತರ ಪ್ರತಿಭಟನೆಗೆ ಸಂಬಂಧಿಸಿಲ್ಲ ಎಂದು ಪೋಸ್ಟ್‌ಗಳು ದೃಢಪಡಿಸಿವೆ.

ಪಾಕಿಸ್ತಾನದ ಹಿರಿಯ ಪಂಜಾಬ್ ಸಚಿವ ಮತ್ತು ಆಹಾರ ಸಚಿವ ಅಬ್ದುಲ್ ಅಲೀಮ್ ಖಾನ್ ಅವರ ಸಾಮಾಜಿಕ ಮಾಧ್ಯಮ ಹ್ಯಾಂಡಲ್‌ಗಳಲ್ಲಿ ಇದೇ ವೀಡಿಯೊವನ್ನು ಹಂಚಿಕೊಳ್ಳಲಾಗಿದೆ. ಈ ವಿಡಿಯೋ ಅಮೆರಿಕದಿಂದ ಬಂದಿದೆ ಎಂಬ ಹೇಳಿಕೆಯೊಂದಿಗೆ ಇದನ್ನು ಪಾಕಿಸ್ತಾನದ ಸುದ್ದಿ ವೆಬ್‌ಸೈಟ್ ಸಿಯಾಸತ್ ಪಿಕೆ ಅವರ ಟ್ವಿಟ್ಟರ್ ಖಾತೆಯಲ್ಲೂ ಹಂಚಿಕೊಳ್ಳಲಾಗಿದೆ.

ವೀಡಿಯೊವನ್ನು ಸೂಕ್ಷ್ಮವಾಗಿ ಗಮನಿಸಿದರೆ ಪ್ರತಿಭಟನಾಕಾರರು ಹಿಡಿದಿದ್ದ ಪ್ಲ್ಯಾಕಾರ್ಡ್‌ಗಳಲ್ಲಿ ಯುಎಸ್ ಧ್ವಜವನ್ನು ಗಮನಿಸಬಹುದು. ಈ ಫಲಕದ ಮೇಲೆ ಪ್ರಧಾನಿ ಮೋದಿಯವರ ಹೆಸರು ಕೂಡ ಇದೆ.

ನ್ಯೂಯಾರ್ಕ್ನಲ್ಲಿ ನಡೆದ 2019 ರ ಮೋದಿ ವಿರೋಧಿ ರ್ಯಾಲಿಯೊಂದಿಗೆ ವೈರಲ್ ವೀಡಿಯೊದ ಹೋಲಿಕೆ ಇಲ್ಲಿದೆ.

ಹೀಗಾಗಿ ಪುರುಷರು ಪಾಕಿಸ್ತಾನ ಪರ ಮತ್ತು ಖಲಿಸ್ತಾನ್ ಪರ ಘೋಷಣೆಗಳನ್ನು ಎತ್ತುತ್ತಿರುವ ವೈರಲ್ ವಿಡಿಯೋ 2019 ರಲ್ಲಿ ನ್ಯೂಯಾರ್ಕ್‌ನಲ್ಲಿ ನಡೆದ ಮೋದಿ ವಿರೋಧಿ ರ್ಯಾಲಿಯಿಂದ ಬಂದಿದೆ ಮತ್ತು ಇದು ದೆಹಲಿ ಗಡಿಯಲ್ಲಿ ನಡೆಯುತ್ತಿರುವ ರೈತರ ಪ್ರತಿಭಟನೆಗೆ ಸಂಬಂಧಿಸಿಲ್ಲ ಎಂಬುದು ಸ್ಪಷ್ಟವಾಗಿದೆ.

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights