ದೇಶಾದ್ಯಂತ 24,010 ಹೊಸ ಕೊರೊನಾ ಕೇಸ್ : 355 ಸೋಂಕಿತರು ಬಲಿ..!
ದಿನಕಳೆದಂತೆ ಕೊರೊನಾ ಲಸಿಕೆ ಯಾವಾಗ ಲಭ್ಯವಾಗಲಿದೆ ಎನ್ನುವ ಚಿಂತೆ ಕಾಡತೊಡಗಿದೆ. ಮತ್ತೊಂದೆಡೆ 2021ಕ್ಕೆ ಕೊರೊನಾ ಹೊಸ ಅಲೆ ಸೃಷ್ಟಿಸಲಿದೆ ಎನ್ನುವ ಮಾತು ಜೀರ್ಣಿಸಿಕೊಳ್ಳಲಾಗುತ್ತಿಲ್ಲ. ಇದರ ಮಧ್ಯೆ ಕಳೆದ 24 ಗಂಟೆಗಳಲ್ಲಿ 24,010 ಹೊಸ ಕೋವಿಡ್ -19 ಪ್ರಕರಣಗಳನ್ನು ದಾಖಲಾಗಿವೆ. ಆ ಮೂಲಕ ಸೋಂಕಿತರ ಸಂಖ್ಯೆ 99.5 ಲಕ್ಷ ದಾಟಿದೆ.
ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ ಒಟ್ಟು ಕೊರೊನಾ ಪ್ರಕರಣಗಳ ಸಂಖ್ಯೆ 99,56,558 ಕ್ಕೆ ತಲುಪಿದೆ. 99.5 ಲಕ್ಷ ಪ್ರಕರಣಗಳಲ್ಲಿ 3,22,366 ಸಕ್ರಿಯ ಕೋವಿಡ್ -19 ಪ್ರಕರಣಗಳು ಇದ್ದರೆ, 94,89,740 ಪ್ರಕರಣಗಳು ಈವರೆಗೆ ಕಾಯಿಲೆಯಿಂದ ಚೇತರಿಸಿಕೊಂಡಿದ್ದು, 24 ಗಂಟೆಗಳಲ್ಲಿ ಇನ್ನೂ 33,291 ಜನ ಬಿಡುಗಡೆಯಾಗಿದ್ದಾರೆ.
ಹೊಸ ಕೋವಿಡ್ -19 ಪ್ರಕರಣಗಳ ಹೊರತಾಗಿ, ಭಾರತ 355 ಸಾವುಗಳನ್ನು ದಾಖಲಿಸಿದ್ದು, ಈವರಗೆ ಕೊರೋನವೈರಸ್ ಸಾವಿನ ಸಂಖ್ಯೆ 1,44,451 ಕ್ಕೆ ತಲುಪಿದೆ.
With 24,010 new #COVID19 infections, India's total cases rise to 99,56,558
With 355 new deaths, toll mounts to 1,44,451. Total active cases at 3,22,366
Total discharged cases at 94,89,740 with 33,291 new discharges in the last 24 hours. pic.twitter.com/dR9PCyWk0r
— ANI (@ANI) December 17, 2020