ಕ್ಷೌರಿಕನ ಮೇಲೆ ಪುಟ್ಟ ಮಗುವಿನ ಕೋಪದ ವೀಡಿಯೋದಂತೆ WWE ವೀಡಿಯೋ ಕ್ರಿಯೇಟ್!

ಕೆಲ ದಿನಗಳ ಹಿಂದೆ ಪುಟ್ಟ ಬಾಲಕ ತನ್ನ ಕೂದಲು ಕತ್ತರಿಸುವುದಕ್ಕಾಗಿ ಕ್ಷೌರಿಕನ ಮೇಲೆ ಕೋಪಗೊಳ್ಳುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಸದ್ದು ಮಾಡಿತ್ತು. ಪುಟ್ಟ ಮಗುವಿನ ಮುದ್ದಾದ ಬೈಗುಳ ನೆಟ್ಟಿಗರ ಹೃದಯ ಮುಟ್ಟಿತ್ತು. ಹಲವಾರು ಬಾಲಿವುಡ್ ನಟರು ಕ್ಲಿಪ್ ಅನ್ನು ಹಂಚಿಕೊಂಡಿದ್ದರು. ಸದ್ಯ ಈ ವಿಡಿಯೋ WWE ವೀಡಿಯೋವನ್ನಾಗಿ ಕ್ರಿಯೇಟ್ ಮಾಡಲಾಗಿದೆ.

ಹೌದು… ವೈರಲ್ ವೀಡಿಯೋ WWE ವೀಡಿಯೋವನ್ನಾಗಿ ಕ್ರಿಯೇಟ್ ಮಾಡಲಾಗಿದೆ. ಹಾಗಾದ್ರೆ WWE ವೀಡಿಯೋದಲ್ಲಿ ಕ್ಷೌರಿಕ ಯಾರು..? ಆ ಮಗುವಿನ ಪಾತ್ರ ಯಾರುದ್ದು ಅನ್ನೋ ಕುತುಹಲ ನಿಮಗಿದ್ದರೆ ಈ ವೀಡಿಯೋ ನೋಡಿ.

ಡೊನಾಲ್ಡ್ ಟ್ರಂಪ್ ಮತ್ತು ವಿನ್ಸ್ ಮೆಕ್ ಮಹೊನ್ ಈ ವೀಡಿಯೋದಲ್ಲಿ ಕಾಣಿಸಿಕೊಂಡಿದ್ದಾರೆ. ಕ್ಲಿಪ್‌ನ ವೈರಲ್ಯದ ನಂತರ ಅನೇಕ ಸ್ಪೂಫ್‌ಗಳು, ಮ್ಯಾಶ್‌ಅಪ್‌ಗಳು ಮತ್ತು ಮೇಮ್‌ಗಳನ್ನು ಅಂತರ್ಜಾಲದಲ್ಲಿ ಹಂಚಿಕೊಳ್ಳಲಾಗಿದೆ. ಯೂಟ್ಯೂಬರ್  ಇನ್‌ಸ್ಟಾಗ್ರಾಮರ್ ಜೇ ರಾಯ್ ಅವರು WWE ಪಂದ್ಯದ ಹಳೆಯ ಕ್ಲಿಪ್ ಬಳಸಿ ವೀಡಿಯೊದ ಆವೃತ್ತಿಯನ್ನು ರಚಿಸಿದ್ದಾರೆ.

2007 ರ ಕ್ಲಿಪ್ ಯುಎಸ್ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ವಿನ್ಸ್ ಮೆಕ್ ಮಹೊನ್ ಅವರು ರೆಸಲ್ಮೇನಿಯಾದಲ್ಲಿ ನಡೆದ “ಬಿಲಿಯನೇರ್ ಕದನದಲ್ಲಿ” ಪಾಲ್ಗೊಂಡಿದ್ದರು. ಅಲ್ಲಿ ಪ್ರತಿಯೊಬ್ಬರೂ ತಮ್ಮನ್ನು ಪ್ರತಿನಿಧಿಸಲು ಕುಸ್ತಿಪಟುವನ್ನು ಆಯ್ಕೆ ಮಾಡಿಕೊಂಡರು. ವೀಡಿಯೊಕ್ಕೆ ಈಗ ರಾಯ್ ಅವರು ಟ್ವಿಸ್ಟ್ ನೀಡಿದ್ದಾರೆ.

ಆನ್‌ಲೈನ್‌ನಲ್ಲಿ ಹಂಚಿಕೊಂಡಾಗಿನಿಂದ ವೀಡಿಯೊ ವೈರಲ್ ಆಗಿದೆ ಮತ್ತು ನೆಟಿಜನ್‌ಗಳಲ್ಲಿ ಮೆಚ್ಚಿ ಪ್ರತಿಕ್ರಿಯೆ ಕೊಟ್ಟಿದ್ದಾರೆ.