ಬಂತು.. ಬಂತು.. ಭಾರತದಲ್ಲಿ ಮೊಟ್ಟಮೊದಲ ಚಾಲಕರಹಿತ ಮೆಟ್ರೋ ಬಂತು..!
ದೆಹಲಿ ಮೆಜೆಂಟಾ ಮಾರ್ಗದಲ್ಲಿ ಭಾರತದ ಮೊದಲ ಚಾಲಕರಹಿತ ಮೆಟ್ರೊ ರೈಲು ಕಾರ್ಯಾಚರಣೆಗೆ ಪ್ರಧಾನಿ ನರೇಂದ್ರ ಮೋದಿ ಸೋಮವಾರ ಉದ್ಘಾಟಿಸಿದರು. ಜೊತೆಗೆ ನ್ಯಾಷನಲ್ ಕಾಮನ್ ಮೊಬಿಲಿಟಿ ಕಾರ್ಡ್ ಅನ್ನು ಪ್ರಾರಂಭಿಸಿದ್ದಾರೆ. ಇದು ಇಂಟರ್-ಆಪರೇಬಲ್ ಟ್ರಾನ್ಸ್ಪೋರ್ಟ್ ಸೌಲಭ್ಯವಾಗಿದ್ದು, ಬಳಕೆದಾರರಿಗೆ ಪ್ರಯಾಣ, ಟೋಲ್ ಡ್ಯೂಟಿ, ಚಿಲ್ಲರೆ ಶಾಪಿಂಗ್ ಮತ್ತು ಒಂದು ಕಾರ್ಡ್ ಬಳಸಿ ಹಣವನ್ನು ಹಿಂಪಡೆಯಲು ಅವಕಾಶ ನೀಡುತ್ತದೆ.
ಈ ವೇಳೆ ಮಾತನಾಡಿದ ಮೋದಿ, “ಮೊದಲ ಚಾಲಕರಹಿತ ಮೆಟ್ರೋ ರೈಲಿನ ಉದ್ಘಾಟನೆ ಭಾರತ ಸ್ಮಾರ್ಟ್ ವ್ಯವಸ್ಥೆಗಳತ್ತ ಎಷ್ಟು ವೇಗವಾಗಿ ಚಲಿಸುತ್ತಿದೆ ಎಂಬುದನ್ನು ತೋರಿಸುತ್ತದೆ” ಎಂದು ಹೇಳಿದರು. ಪಿಎಂ ಮೋದಿಯವರಲ್ಲದೆ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಕೂಡ ವರ್ಚುವಲ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.
ಈ ಹೊಸ ತಲೆಮಾರಿನ ರೈಲುಗಳ ಪ್ರಾರಂಭದೊಂದಿಗೆ ಡಿಎಂಆರ್ಸಿ ಚಾಲಕರಿಲ್ಲದೆ ಸೇವೆಗಳನ್ನು ನಿರ್ವಹಿಸಬಲ್ಲ “ವಿಶ್ವದ ಏಳು ಶೇಕಡಾ ಮೆಟ್ರೊ ನೆಟ್ವರ್ಕ್ಗಳ” ಗಣ್ಯ ಲೀಗ್ಗೆ ಪ್ರವೇಶಿಸಲಿದೆ ಎಂದು ದೆಹಲಿ ಮೆಟ್ರೋ ಭಾನುವಾರ ತಿಳಿಸಿದೆ.
ದೆಹಲಿ ಮೆಟ್ರೋದ ಮತ್ತೊಂದು ಪ್ರಮುಖ ಕಾರಿಡಾರ್, 57 ಕಿ.ಮೀ ಪಿಂಕ್ ಲೈನ್ (ಮಜ್ಲಿಸ್ ಪಾರ್ಕ್ ಶಿವ ವಿಹಾರ್) 37 ಕಿ.ಮೀ ಮೆಜೆಂಟಾ ಲೈನ್ (ಜನಕ್ಪುರಿ ವೆಸ್ಟ್ ಬೊಟಾನಿಕಲ್ ಗಾರ್ಡನ್) ನಲ್ಲಿ ಚಾಲಕರಹಿತ ಸೇವೆಗಳನ್ನು ಪ್ರಾರಂಭಿಸಿದ ನಂತರ 2021 ರ ಮಧ್ಯಭಾಗದಲ್ಲಿ ಚಾಲಕರಹಿತ ಕಾರ್ಯಾಚರಣೆ ನಡೆಸಲಿದೆ ಎಂದು ಡಿಎಂಆರ್ಸಿ ಹೇಳಿಕೆಯಲ್ಲಿ ತಿಳಿಸಿದೆ.

