ಯುಎಸ್ ನಾಲ್ಕು ಐತಿಹಾಸಿಕ ಬಿಕ್ಕಟ್ಟುಗಳನ್ನು ಒಟ್ಟಿಗೆ ಎದುರಿಸುತ್ತಿದೆ – ಜೋ ಬಿಡೆನ್
ಯುಎಸ್ ಅಧ್ಯಕ್ಷರಾಗಿ ಚುನಾಯಿತರಾದ ಜೋ ಬಿಡೆನ್ ಭಾನುವಾರ ಯುಸ್ ಏಕಕಾಲದಲ್ಲಿ ನಾಲ್ಕು ಐತಿಹಾಸಿಕ ಬಿಕ್ಕಟ್ಟುಗಳನ್ನು ಎದುರಿಸುತ್ತಿದೆ ಎಂದು ಹೇಳಿದ್ದಾರೆ. ಸಮಯಕ್ಕೆ ಅನುಗುಣವಾದ ಸವಾಲುಗಳನ್ನು ಎದುರಿಸಲು ತಮ್ಮ ತಂಡ ಶ್ರಮಿಸುತ್ತಿದೆ ಎಂದಿದ್ದಾರೆ.
“ಕೋವಿಡ್-19, ಆರ್ಥಿಕತೆ, ಹವಾಮಾನ ಬದಲಾವಣೆ, ಜನಾಂಗೀಯ ನ್ಯಾಯ ಹೀಗೆ ನಮ್ಮ ರಾಷ್ಟ್ರ ಏಕಕಾಲದಲ್ಲಿ ನಾಲ್ಕು ಐತಿಹಾಸಿಕ ಬಿಕ್ಕಟ್ಟುಗಳನ್ನು ಎದುರಿಸುತ್ತಿದೆ. ಜನವರಿಯಲ್ಲಿ ಇವುಗಳನ್ನು ನಿಭಾಯಿಸಲು ಸಮಯವೇ ಇಲ್ಲದಂತಾಗಿದೆ. ಅದಕ್ಕಾಗಿಯೇ ನಮ್ಮ ತಂಡ ಮತ್ತು ನಾನು ಪರಿಹಾರ ಕಂಡುಕೊಳ್ಳುವಲ್ಲಿ ಕಷ್ಟಪಡುತ್ತಿದ್ದೇವೆ”ಎಂದು ಜೋ ಬಿಡೆನ್ ಟ್ವೀಟ್ ಮಾಡಿದ್ದಾರೆ.
ಜೋ ಬಿಡನ್ ಅವರ ಟ್ವೀಟ್ ಮಾಡಿದ ಕೆಲವೇ ಗಂಟೆಗಳ ನಂತರ ಅಧ್ಯಕ್ಷ ಟ್ರಂಪ್ ಅಧಿಕೃತವಾಗಿ ಟ್ರಿಲಿಯನ್ ಡಾಲರ್ ಕೊರೊನಾವೈರಸ್ ಪರಿಹಾರ ಮತ್ತು ಸರ್ಕಾರದ ಖರ್ಚು ಮಸೂದೆಗೆ ಸಹಿ ಹಾಕಿದ್ದಾರೆ ಎಂದು ದಿ ಹಿಲ್ ವರದಿ ಮಾಡಿದೆ. ಹೀಗಾಗಿ ಬಾಕಿ ಇರುವ ಕೋವಿಡ್-19 ಪರಿಹಾರ ಮಸೂದೆಗೆ ತಕ್ಷಣ ಸಹಿ ಹಾಕುವಂತೆ ಹೊರಹೋಗುವ ಅಧ್ಯಕ್ಷರಿಗೆ (ಡೊನಾಲ್ಡ್ ಟ್ರಂಪ್) ಜೋ ಬಿಡನ್ ಒತ್ತಡ ಹೇರಿದ್ದಾರೆ.
“ಕಾಂಗ್ರೆಸ್ ಅನುಮೋದಿಸಿದ ಆರ್ಥಿಕ ಪರಿಹಾರ ಮಸೂದೆಗೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಸಹಿ ಹಾಕಲು ನಿರಾಕರಿಸಿದ್ದರಿಂದ ಕ್ರಿಸ್ಮಸ್ನ ನಂತರ ಲಕ್ಷಾಂತರ ಕುಟುಂಬಗಳು ತಮ್ಮ ಉದ್ದೇಶಗಳನ್ನು ಪೂರೈಸಲು ಸಾಧ್ಯವಾಗುತ್ತದೆಯೇ ಎಂದು ತಿಳಿದಿಲ್ಲ” ಎಂದು ಜೋ ಬಿಡೆನ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
Good news on Covid Relief Bill. Information to follow!
— Donald J. Trump (@realDonaldTrump) December 27, 2020
2.3 ಟ್ರಿಲಿಯನ್ ಯುಎಸ್ಡಿ ಪ್ಯಾಕೇಜ್ಗಳಿಗೆ ಸಹಿ ಹಾಕುವಂತೆ ಎರಡೂ ಪಕ್ಷಗಳ ಸದಸ್ಯರು ಡೊನಾಲ್ಡ್ ಟ್ರಂಪ್ ಅವರನ್ನು ಒತ್ತಾಯಿಸಿದ್ದಾರೆ ಎಂದು ದಿ ಹಿಲ್ ವರದಿ ಮಾಡಿದೆ. ಈ ಮೊದಲು ಯುಎಸ್ ಕಾಂಗ್ರೆಸ್ನಲ್ಲಿ ಉಭಯಪಕ್ಷೀಯ ಬೆಂಬಲದೊಂದಿಗೆ ಮಸೂದೆಯನ್ನು ಅಂಗೀಕರಿಸಲಾಯಿತು.
ಮುಂದಿನ ದಿನಗಳಲ್ಲಿ ಯುಎಸ್ ಭಾರೀ ಪ್ರಮಾಣದ ಕೊರೊನಾ ಸೋಂಕಿಗೆ ಗುರಿಯಾಗುವ ಸಾಧ್ಯತೆ ಇದೆ ಎಂದು ಉನ್ನತ ಸಾಂಕ್ರಾಮಿಕ ರೋಗ ತಜ್ಞ ಡಾ. ಆಂಥೋನಿ ಫೌಸಿ ಹೇಳಿದ್ದಾರೆ. ಹೀಗಾಗಿನೇ ಕರೋನವೈರಸ್ ವಿರುದ್ಧದ “ಕರಾಳ ದಿನಗಳು” ನಮ್ಮ ಮುಂದೆ ಇವೆ, ನಮ್ಮ ಹಿಂದೆ ಅಲ್ಲ “ಎಂದು ಜೋ ಬಿಡೆನ್ ಕಳೆದ ವಾರ ಹೇಳಿದ್ದರು.
ಯುನೈಟೆಡ್ ಸ್ಟೇಟ್ಸ್ನಲ್ಲಿನ ಕೋವಿಡ್-19 ಪ್ರಕರಣಗಳು ಭಾನುವಾರ (ಸ್ಥಳೀಯ ಸಮಯ) 19 ಮಿಲಿಯನ್ ದಾಟಿದೆ. ಜಾನ್ಸ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯ ಯುನೈಟೆಡ್ ಸ್ಟೇಟ್ಸ್ನಲ್ಲಿ ಕರೋನವೈರಸ್ ಕಾಯಿಲೆಗೆ 19,107,675 ಸಕಾರಾತ್ಮಕ ಪರೀಕ್ಷೆಗಳನ್ನು ದಾಖಲಿಸಿದೆ. ದೇಶದ ಸಾವುಗಳು 333,069 ರಷ್ಟಿವೆ.